|
منتدى الهلال ام منتدى ياسر القحطاني؟؟؟؟؟ بسم الله الرحمن الرحيم ياجماعة رجاء ملينا وضاقت صدورنا من موضوع ياسر القحطاني قل يوم مافي اخبار ولامواضيع الا عليه وياريته لاعب كبير والله اننا نعطيه اكبر من حجمه هو لاعب جيد بس مو لهذي الدرجة اننا لمدة شهر مضى ماعندنا مواضيع غير ياسر القحطاني هو كل اللي سواه هدف في عمان وهدفين في اليمن وما ادري كم هدف في الدوري وهذي الشهرة ماسمعنا فيها الا بعد كاس الخليج للدرجة هذي الاعلام ياثر فينا ويخلينا نتضراب على لاعب متاكدين انه امكانياته محدودة |
اللاعب كان معروض قبل اربع سنوات على بندر بن محمد بـ مليونين ريال فقط وماطلنا فيه الين ماضاع من ايدنا .. اما الان فاعتقد ان سعره اكبر بكثير من عطائه .. |
فعلا اخوي كلامك صح ياسر اخذ اكثر من حجمه |
ههههههههههههههه ايش اخذ اكبر من حجمه حبيبي لو مأخذ اكبر من حجمه كان ماشفت البلوي يحاول يضمه |
ياخي منصور البلوي ما خلا احد ما فاوضة خطر يفاوضك انت بعدين ياسر القحطاني وين ابدع معة على البحرين وانت جاي ما أٌقول انه مهوب لاعب لاكن مايصف مع الشباب ألي تحت الصويلح+العنبر+حسين علي+ خراشي+ جمعان |
السلام عليكم ورحمة الله وبركاته... يا رجال لا تدقق هذي مشكلة المنتديات ككل... إللي يبي يكتب شيء يشوفله أي موضوع دارج ويكتبه أضمن له ردود.. وإلا اللي صراحة عجزت أفهم وش يبي يجيك واحد بعد وفاة أحد الله يستر أو نجاح أو أي شيء ويقول هنا تقبل التعازي وإلا التهاني، باللهي بصفته مين يقبل التهاني محامي يعني وإلا إيش؟؟ وإلا اكتب معروض وإلا طلب وهو موب قدها يوصل الطلب بس يشوف الناس اللي قدها يكتبون يقول وش ناقصني أجمع لي ميتين رد وأقول بعدين وصلت!! وصدقني لو البلوي يبغاه لكان من زمن كان.. بس رئيس القادسية يساوم بالإتحاد والهلال عشان يرفع سعره وإلا نشوف وش بيسوي الموسم الجاي... مع التحية.. طارق |
ياليت يجينا هاللاعب والله غير يبدع معنا هو قالها بنفسه امووت بالهلال ... |
اي صادق عندنا اكثر من مهاجم افضل من ياسر القحطاني;););) |
إقتباس:
|
والله اتمنى ان الهلال يوقع معه في اسرع وقت الصويلح+العنبر+حسين علي+ خراشي+ جمعان وانشاء الله ياسر يبدع مع الهلال |
فراولة كونك ذكرتي اللاعب احمد الصويلح في البداية دليل على حبك لهذا اللاعب طيب ماهو حرام نقتل هذي الموهبة في بداياتها بجلب اللاعب ياسر القحطاني الفرق بين الصويلح والقحطاني الصويلح ابداع يفرض نفسه القحطاني ابداع يفرضه الاعلام بالله ياجماعة ليش ماطالبنا بياسر القحطاني الموسم الماضي ولا كان مستواه زفت واليوم صار حريقه رجاء اعطونا فرصة نشوف ياسر القحطاني في كاس اسيا ونكحم عليه |
[ALIGN=CENTER]مساء الوررررررررررررررررد المعذرة أخوي أسامة :) أتعرف من الغريب !! الغريب هو أن تتم مصادرة رأي أي شخص يكتب في هذا المنتدى :) وبكل بساطة :) لكل شخص أخي الفاضل حرية في الرأي :) المنتدى وضع للتواصل وتبادل الأطروحات حول الزعيم وكل مايصب في مصلحته :) فما الخطأ عندما يطالب س أو ص من الأعضاء بياسر القحطاني أو طارق تائب او محمد نور :) لا أرى في ذلك أية إشكالية :) البعض يرى ياسر لاعب ممتاز ومهاجم مميز والبعض الآخر لايراه كذلك :) والمنتدى وضع للتباحث حول هذا الأمور :yes: فإن كان أي موضوع مطروح لايروقك بإمكانك وبكل سهولة تجاوز الموضوع لموضوع آخر دون أي عناء :) سلامي :)[/ALIGN] |
اختي سراب الدمع كلامك ماعليه اي غبار لكنه ايضا ينطبق علي انا ايضا لاني انا ايضا عبرت عن وجهة نظري ولما اقول ملينا وضاقت صدورنا انا لااعني انه خلاص لاتكتبون ولكن انا ابين للاعضاء انهم يعطون لاعب اكبر من حجمه وهذي ايضا وجهة نظر شخصية وللجميع حرية الكتابة تحياتي لك |
إقتباس:
|
[ALIGN=CENTER]نرجع ونقول كبير يا ياسر والوعد كاس اسيا اخوكم مــــــراوغ :) [/ALIGN] |
| الوقت المعتمد في المنتدى بتوقيت جرينتش +3.
الوقت الان » 08:35 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd