[ALIGN=CENTER]مره وانا اناظر مباراة للهلال على قناة (الفشيله) أشوف الملعب ارضيته صفرا وقبلها باسبوع رحت الملعب وكانت خضراء .. قلت البركه فيني.. وقبلها كنت اتابع مباراة بالجزيره الرياضيه للدوري الاسباني .. فقلت لنفسي اللهم لا فراق ... الناس بقطر والعب باسبانيا وصفاء و جودة معلقين وصوت باروع ما يمكن .. وحنا هنا الله يخلف .. المخرج ماسك الشاورما والببسي وما غير ياشر يمين ويسار وما يدري وين ربي حاطه ... الناس رايحين هجمه مرتده وخوينا قاعد يصور اداري ما ادري من الي بيكمل الهجمه لاعب والا اداري لا ومن زين الطبع مقربين الكمره لم وجه المدرب مسوين حركة الاخراج للمباريات الانجليزيه المشكله ياليته يصوره زي الناس والله كان تقول في زلزال بالملعب الالي ماسك الكامره اول مره يمسكها دوخني الله يدوخه و تقطيع بالصوت وازعاج بالبث الردئ .. اظاهر انهم ما يدرون ان 50% من حلاوة المباراة هي في الاخراج ... ولو تبون الدليل شوف الدوري القطري والله لو تجيب جماهير يعبون الملعب وتغير ملامح القطريين اتحدى احد يدري انهم خليجين او عرب .. مع ان اللعب لك عليه بس اخراج يجبرك انك تتابع الباراة ... واكره مالي ويرفع ظغطي لا حط على منظر يكرره الف مره ما ادري الناس عقولها تنك او هم حمير ما يفهمون ؟؟؟ او اخاف انه العكس ... واظاهر انه كذا ... على العموم ياليت القناة الفاشله تعيد هيكلتها في اخراج المباراة وتغيير نوعية الكاميرات عشان تكسب هي كقناة ونستمتع نحن كمشاهدين......[/ALIGN]

ليفربولي
سلامي

مت من كثر الضحك على كلامك
ههههههه

كل كلمه قلتها ,, اشهد انك صادق فيها..
واكثر صدقا كان :
واكره مالي ويرفع ظغطي لا حط على منظر يكرره الف مره ما ادري الناس عقولها تنك او هم حمير ما يفهمون ؟؟؟ او اخاف انه العكس ... واظاهر انه كذا

هههههههههههههههه

والله فعلا القطريين عندهم اخراج عالمي
وملاعبهم عالمية
ولعيبتهم الأجانب عالميين ايضا
مو سيسة او تراوري !!

المشكلة انه عندنا ماعليهم مراقبة واللي يراقبهم يكون مثلهم جاي بواسطة او قريب لأحد ماسك منصب

وااخير اقول الله يطرح فيهم شوية عقول وفن الأحراج

تحياتي اخوي
ضحكتني قبل ما اتغدى

هههههههههههههههههههاي

احسك مقهوور من قلب ... شكل الكيبورد يشكي منك ..


بس والله مالومك اخراج زفت وتعليق ازفت ..













الا انت اي قناه تقصد