ياشباب...كونو واقعيين ..(بالنسبة لموضوع تواظؤ الاتحاد السعودي مع البلوي في موضوع زاراتي+ديمبا)..أصلا لو فيه تواطؤ وغيره ...أنتم تتكلمون وتبحثون عن مصلحة الهلال صح.... البلوي بعد يدووور مصلحة فريقة ....شووووووف الرجال دووووووور عن ثغرة في قوانين الاحتراف ووجدها ...وجاب لاعب كبير لكن الحظ ...والحظ فقط هو من خذل الاتحاد في النهائي ...ادارات الهلال الموقرة ...جابو الرويسي وعالجوه موسم كاااااااااااامل...وجابو بدرا سيبي وعالجوه أكثر من نصف الموسم ...هذا ماعنده ...يطيير محترف ويجيب ثاني في ظرف ساعات ........
بعدين كونو واقعيين ...الهلال هذا الموسم سييء ....يكفيك خط دفاااع لايوجد به دولي غير ظهير أيمن ...الشريدة ... من عام 1416 يمثل الهلال يعني 8 مواسم ...أين هو من المنتخب ...لاتقولون مظلوم ...تكر منتشري أفضل منه ...حتى الحارثي لاعب النصر لعب للمنتخب والهلاليي مصرررين على الشريدة ...والله لو إنه مالديني ...على فكرة ترى دفاع المنتخب كل سنة تقريبا يتغير ...أين الشريدة من هذه التغيرات ...لم لم ينضم للمنتخب ولو في معسكر تدريبي ؟؟؟
______________
للأسف أحضرنا الدولي أحمد خليلي وهو مدافع رائع ومتمكن ...كذلك عبدالله سليمان ...لكن للأسف ...يتم ضمهم للمنتخب ...والشريدة هو الأساسي في الهلال ...بينما سليمان وخليل ...يتناوبان على التشكيلة الهلالييية بجوار الثابت دائما الشريدة!!!
إلى أن استغنى عنهما مدرب المنتخب بسبب وضعهما على قائمة البدلاء ...ولا ننسى المدافع الأسطوري فهد المفرج ...اللي في بعض الأحيان يلعب هو ومالديني أسف قصدي الشريدة ...في الدفاع ...لو في هذان اللاعبان خيير لتم أختيارهما للمنتخب ولو حتى في معسكر تدريبي ...
كيف تبحثون عن البطولات ودفاعكم هشششششششششش ...ولا يوجد به أي قلب دفاع يمثثثثل أحد المنتخبات السنية ( شباب أو أولمبي أو أول)
_________________________________
حددو الداء ...ثم إبحثو عن الدواء

ودمتم :الأزرق المتوهج

أنا ماني ضد الشريدة لكنه هذا الموسم فااااااااااشل وسيييييييء...وهو السبب الرئيسي في خروج الهلال من بطولة العرب ...يكفيك في المربع سجل في الهلال ذهابا ...ثم تساهل وتهاون وهرب من مواجهة المهاجم ليحرز الاسماعيلي هدف أخرج به الهلال من هذه البطولة............
الشريدة كان في بدايته مع الهلال جييييد ...وقدم مستويات جييييييييد ...وكان سبب في تحقيق الهلال لبطولة ....لكنه الآن سييييييييييييء...نريد قلب دفاع ماهر وصغير في السن ...مثل زكريا الهداف ....سلمان الخالدي ,,,منتشري...القاضي ...تكر ...ممكــــــــــــــــــــن؟؟؟

هههههههههههههههههههههههههههههههههههههههه

لا واضح امك منتب ضده ابد

من جاب طاري الشريده

الله يصلحك بس

ما تذكر مباراة تايلند

تصفيات كأس العالم
منهم القلوب سليمان واحمد جميل

الظاهر انه توفيق المقرن ما ذكر

ياخوي ترفق ترفق

الشريده سيء بعض مبارايات الموسم هذا ما خلتفنا

لكن تعم جميع المباريات من 1416 انه سئ

فمع احترامي للك انت توك طاف بالكوره

تحياتي

ولد وايل...أحترم رأيك ...لكن ماجاوبتني : لماذا لم يتم استدعاء السريدة للمنتخب ولا مررة ...مع إنه قضى مع الهلال ثمان مواسم؟؟؟
المفرج أيضا أفشل قلب دفاع في المملكة ...سليمان وخليل ...أخذهما الهلال وهمااا في القمة ...لكنه (أي الهلال ) رماهما إلى أسفل السافلين ...لعيــــــــــــــــــون المفرج وشريدة ...تخيييل ...لو يأخذ الهلال تكر و المنتشري ...وهما قلبي دفاع المنتخب ...ويضعهما في الاحتياط ...ويلعب بدلا عنهما ...الشريدة والمفرج ...ماذ ستقول وقتها...هذا مافعله الهلال بالضبط مع خليل وسليمان...........
..
الملاكظة الثانية أنا لم أقل ان الشريدة أخرج الهلال من جميع البطولات لوحدة ...لكنه كان عنصرا مؤثرا وفععالا في خروج الهلال من البطولات ...أم البطولة العربية ...فهو وحده من أخرجهما ...بتسجيل هدف في الذهاب ...ثم التسبب بشكل مباشر وكبيييييييير في تسجيل هدف في الإياب...............

هلا وغلا


الازرق المتوهج صديقي هلابك

وش فيك على ابومبارك نوخذة الهلال والله عقب النعيمه ماجاء مثله وش فيك عليه !

نسيت النكبات اللي مرو لين جاء شريده وخليل ارجوك من اجل الهلال الا تستعجل ولاتكن ممن

ينسون او يتناسون تاريخ اللاعب وخاصة انك تتكلم على نجم وتركنا من هم اقل منه وانت تعرفهم ...

والخبره مطلوبه واتمنى فرانك بجانب الشريده وسوف ترى الفرق ... أخي الازرق للمعلوميه فقط

وللتوضيح الشريده مثل المنتخب في العديد من المباريات وكذالك خليل ولكن كان لوفرة النجوم

الهلاليه تحد من اختيارهم خوفا من لثان رئيث النثر

اليس من الاجدى ابعاد الميؤس منم فقط وعدم الاستعجال والعشوائيه مع النجوم فسنحتاجهم

ولابد من دمج الخبرة بالشباب والحيويه وصدقني لو لعب الصويلح والعنبر اساسيان الموسم الفارط

لحققنا على الاقل ثلاث بطولآت ولكن نقصت الحيويه والمهارات المعتاده للجمهور من الهلال

فحنق البعض على الدفاع المظلوم حامل الهموم وكثر الدق يفك اللحام ماعندنا وسط قادر ومهاجمين

صريحين

تحيتي لك ياغالي
وللجميع تحيتي .

للمعلومية ...الشريدة ...مثل المنتخب عام 1992 في البطولة العربية بسوريا ...وانهزم المنتخب فيها من مصر 3/1 بعدها ماعاد طقه ...وكان الشريدة وقتها مع القادسية
________________________

هلا وغلا واللــــــــــــــــــــــــــــــــــــــــــــــــه بالغالي المعترض...

أخوي أنا ماني ضد الشريدة ...لكن ليه كل مايغلط الشريدة يقولون الخطأ ماهوخطأة الخطا من المطيري و أحيانا يقولون من سيفو ...وأحيانا يقولون من المحاور عزيز ...الشايع ...الخثران...الغامدي
______________بعدين صدق إن الشريدة خدم الهلال بعد انتقاله ...لكنه هذا الموسم سيييييييس بصراحة في معظم المباريات اللي شارك فيها ...وكان السبب الرئيسي في خروجنا من البطولة العربية ...بتسجيله هدف في مرماه ( تخييييل في ذلك الهدف يقولون الخطأ ماهو خطأ الشريدة الخطأ من الغامديّّ!!!!!!!!!!!!!!!!!!)
وتقاسع في الإياب عن الدخول على لاعب الاسماعيلي واستخلاص الكرة منها بل هرب وعاد للوراء حتى أحرز الاسماعيلي هدفهم اللي أهلهم للنهائي ...ويطلع علينا الأعضاء يقولون السبب المطيري وسيفو!!!
أتمنى يقال للمخطيء أخطأت وللمصيب أصبت بعيدا عن التطبيل والتحييييز للاعب ضد الآخر
______ وأنا معك يالمعترض إن فيه لاعبين فاشلين بالهلال أمثال المفرج ...والنزهان...العنزي...وذياب ...والمسعري...وإن الشريدة أفضل منهم ...وأنهم عادتا ماينكبون الفريق ...لكن هذولا وأنا اخوك لو يلعب بينهم لاعب من منتخب سيرلانكا ...كان صار نجم بينهم...يعني خالصين منهم...
على العموم ...كل شخص له رأيه ...وأحب أقول للمعترض ...أتمنى انك تكون بصحة وسعادة ....
ودمتم

حبيت اعلق انه تم ضم الشريدة للمنتخب في معسكر وتم تنسيقه اعتقد في موسم 97 96 وان كان هذا مو بمحور حديثنا

في اعتقادي الشريدة احسن السيئين وقبل ما تنتقد اي لاعب اقترح بديل له

الا اذا كنت تبي سليمان بديل للشريدة.؟؟؟!

إقتباس إقتباس من مشاركة spanish eyes حبيت اعلق انه تم ضم الشريدة للمنتخب في معسكر وتم تنسيقه اعتقد في موسم 97 96 وان كان هذا مو بمحور حديثنا في اعتقادي الشريدة احسن السيئين وقبل ما تنتقد اي لاعب اقترح بديل له الا اذا كنت تبي سليمان بديل للشريدة.؟؟؟!

بالنسبة لضم الشريدة للمنتخب أحب أقول لكم للأسف معلوماتكم خاطئه :::هذا أولا
بالنسبة لبديله : أحمد خليلي...فرانكي ...المرشدي...عبدالله سليمان...
بالنسبة لعبدالله سليمان اللي ماهو عاجبكم ...تراه لاعب دولي منذ كان في منتخب الشباب وه و كابتن منتخب المملكة للشباب ثم مثل المنتخب الأول ( كأساسي ....ركزوووووووووو كأساسي ) منذ عام 1994 إلى عام 2002...أنقطع فقط عن بطولة أو اثنتين فقط لا أذكر بالضبط...ثمــــــــــ 8 ـــان سنوات وهو في المنتخب السعودي ...وأساسي في 90% من المباريات في كل تلك السنوات ...واآن تأتون لتقللو من شأنه ...وتفضلون عليه دولي العام الواحدة والبطولة الواحدة ...والتي لم يحرزها المنتخب بل تشرشح من منتخب مصر ب3_1 ....وعلى فكرة ترى الهدف الثالث كان (دبل كيك ) من حسام حسن ...والشريدة يبهبه كما فعل في المبارايات الثلاث الأخيرة ...
لكن اللي مجددددتو بالمفرج والنزهان وش ننتظر منكم

هلا وغلا


ماهي انجازات سليمان انجازات الشريده اكثر منه ...

مع سليمان استقبل الدعيع 8 اهداف بسبب عدم فهمه لحاجه اسمه تسلل ...

الهدف اللي سجل بالخطأ من شريده اقول لك اخي وعزيزي الذي ايضا اتمنى له الصحة والسعاده

ان النعيمه وابوثنين قد سجلا في مرمى الهلال وعادا وحققا مالم يحققه الكثيرون ...

وهدف الشريده الاخير لنكن واقعيين اللاعب المصري فعل مايشاء بالغامدي وارجع للهدف

لتتأكد وبعدها عكسها بكل قوته ! خادعه فارتطمت برأش شريده ولكن للنظر للخطأمن الاول

من لحظة وقوعه ليس ان ننظر فقط للهدف بل كيف اتى الهدف ومن سمح للاعب المصري بالتلاعب

وعكس كوره بدون اي مضايقه من الغامدي واحب ان اوضح لك عزيزي مافعله اوسكار وبحماقة

مدربين عندماا تى الهدف الاول للمصريين اقدم على تحرير الدوخي ولعبه كنص ايمن ولعب سيفو

مكانه كظهير ولعب شريده والمطيري قلوب وانفتحت الجهه اليسرى هاكذا !!! واتى الغامدي للتغطيه

ولم يستطع ايقاف اللاعب ولو بفاول ولكن حصل ماحصل فاللوم هنا اولا على المدرب بعدها على

الغامدي لعدم منعه اللاعب من رفع الكوره وبسهوله ومسكين قلب الدفاع والحارس ...

تحيتي لك وللجميع .

والله انكم فاضيين
تتكلمون عن احسن لاعب في الهلال هذا الموسم

اخوي الازرق المتوحج لمعلوماتك الشريد مثل المنتخب في تصفيات كاس العالم وتصفيات كاس آسيا وهو مع الهلال


روح صحح معلوماتك وتعال
وبعدين تراك غثيتنا بتكر والمنتشري تراهم ماهم( بنستا ومالديني ) ماكن الشباب والاهلى سووهم شوارع
للاسف رايح تجمع معلومات عن فريق الاتهاد وناسي معلومات فريقك ( اذا كنت هلالي )
وتذكر ( الاختلاف في الراي لا يفسد للود قضية ) وتحياتي

الصيفه صيفه عقول باين عليها ..
اخي العزيز ولد وايل ..
احب اني استثنيك من الحديث لان عقليتك جدا ناضجه وبحق انت انسان هلالي عاقل ..

اما بالنسبه لموضوع الشريده او لموضوع اي لاعب هلالي ...
ترى نحن محن قاعدين نلعب بلاي ستيشن الدوري الياباني ..
ترى قاعدين نتكلم عن ناس قاعدين يدفعون ويسوون الكثير عشان مصلحه فرحتكم ..

اولا : في مباراه السعوديه مع تايلند الاخيره في كأس العالم ..
شارك عبدالله الشريده في قلب الدفاع ... وشارك الشيحان طبعا في نفس المباراه ..
والاثنين ادو اداء رائع ...
ناهيك عن اصابه الشيحان اللي كان وقتها شعله نشاط كبيره جدا ...

اخي العزيز ..
في وجهه نظري المتواضعه الشريده هو افضل الموجودين ... الى جانب عبدالله سليمان المظلوم اعلاميا .. ابك من سيفيو المصارع والا المفرج البطيء الاتكالي والا خليل العجوز ..

صحيح الشريده خلاص انتهى وقته ويعتبر لاعب كبير ..
لكن مو معناه اننا نغلط عليه بكلام حرام يخرج من اسنان عمره فوق 11 سنه ...

في وقت من الاوقات هذا اللاعب صنع فرحه وصنع الفاب رائعه مع الازرق ..
ونحن زي مانحنا نأمر وننهى ونقول كويس ومو كويس ...

اما بحديثك فأنا اقترح انك تشجع المنتخب مثل كلام بعض الناس ..
تقولهم من تشجع يقول المنتخب ..

وحط في بالك لو المنتخب بالافضل ..
ماكان قعد القهوجي سنين من اجل المنتخب ... ولا كان جات فترات من القحط على ابراهيم ماطر والا خميس العويران ... والا سامي الجابر ... والا اللي قاعدين نشوفه الحين مع حسين عبدالغني ... مع اني اكرهه جدا الا انه يستحق مركز الظهير الايسر في المنتخب ...

اخي العزيز ..
الافضل مو شرط يمثل منتخب ...
والشريده والا مدري مين هم ناس صنعو فرحات هلاليه ... وحرام اننا نظلهم بس لانهم جابو هدف في نفسهم ...
والا كان بيير عيسى ميت الحين !!!!!

يسلموووووووو ..

أخوي المعترض ...إذا كنت تقول إن الشريدة أكثر من انجازات عبدالله سليمان ...مأنت تتكلم عن النادي مو المنتخب ...لأن المنتخب مايبيلها ...نقاش ...لاعب مثل المنتخب 8 سنوات ....ولاعب مثله لموسم واحد...(أما على مستوى النادي) فوجود الشريدة في الهلال هو من شفع له بتحقيق القاب أكثر من سليمان لأن الأهلي لم يحقق بطولات كثيرة في ال10 سنوات الأخيرة ...وإذا بتقيس الامور على هالمقياس ...ترى انجازات النزهان أكثر من انجازات حسين عبدالغني ...لكن لو أخذناهم على المستوى الفردي والمهارات ...نجد الكفة الأرجح لعبدالغني ...
بعدين مدربي المنتخب ماهم سعوديين عشان يتحيزون لنادي ضد الأخر بل على العكس كل مدرب يأتي يحاول أن يزيد من انجازاته لترتفع أسمه في بورصة المدربين ...وكلهم أقتنعو بسليمان ومنحوه الثقة بينما الشريدة !!!
أعتقد لانحتاج لمقارنة بين الاثنين ... الشريدة يأتي في منطقة الدفاع بعد عبدالله سليمان وأحمد خليل (بشهادة مدربي المنتخبات السعودية)
البطاطا 2002(نوووورت الموضوع ...وزييييييييييينته بردودك) بس ياليت يالغالي ...ماتكون ولا تتأثر ببعض الشباب الموجودين هنا ...واللي تحكمهم ميولهم وعاطفتهم ...دون دليل مملموس ...أو حجة يقنعك بها ...أنا أحاجكم بمدربي المنتخب السعودي...على مدى ثماان سنوات...
أما قولك تكر والمنتشري ماهم نيستا ومالديني ...أنت صادق ...لكنهم أفضل قلبي دفاع في المملكة حاليا...بعد أنا أقدر أقول للأعضاء اللي يتكلمون عن سامي (واللي أنا معجب فيه وأعتبر نفسي أحد المتحمسين لهذا اللاعب) إنه ماهو رونالدو ...والا فييري...أخوي أنا أتكلم على المستوى المحلي ....أمات المستوى العالمي فيبيلنا تخطيط...لنصل لنصف ماوصلة إليه البرازيل أو إيطاليا...وبما أن الاتحاد السعودي بعد فيصل بن فهد أصبح عشوائي فيبيلنا مئة سنة يمكن نصل لربع ماوصلو إليه...........
تحيــــــــــــــــــــــــــــــــــــــــاتي