انت تقول يا العيون الاسبانيه

إقتباس وعلى العموم وش رايك نعمل استفتاء على مستوى شبكة الزعيم نشوف مين يوافقني الراي في انتقاد سليمان والمسعري والمفرج ومين يوافقك الراي في انتقاد الجري والبرقان والصويلح والعنبر

بالله عليك تسمي هذا انتقاد تتهزى وتتكلم ولا فيه رد لك او موضوع الا مدخل المفرج فيه ثمن تقولي انتقاد طيب وش دخل اسم عائلته في لعبه يااخي مااعجبك لعبه تكلم عن لعبه اما غيره فاسمحلي اقولك ان اسلوبك سخيف

وتقول

إقتباس اذكر انك ناديتني مرة بالعيون السيلانية لمجرد اختلافنا في وجهات النظر والان جاي تنصح وتستكثر علي اني اقول فهد المتفرج ؟؟؟؟؟؟؟ تناقض عجيب غريب وقبل ما تنصح احد شف روحك

انت تتهزى بعائلة المفرج اما انا تكلمت عن النيك نيم اذا كان النيك نيم هو اسم عائلتك فانا اسف اما اذا كان غير كذا فاسمحلي

اما bestuser فيقول

إقتباس يضحك على اللاعبين واخر شي يجينا مسوي داعية !!

اتحداك تثبت

إقتباس بالله شف لك منتدى فريقك تراه ذه فريق ( الزعيييييييييييم ) مهوب منتدى ثاني , يمكن انك غلطان ؟

يوووووه ضيقت صدري تصدق خلاص ابترك الكتابه ياحليلك بس يالفاهم

مايبيلها أثبات وانا اخوك ,

رح راجع مشاركاتك وشف ,

وقتي مايسمح لي في البحث ,,

إقتباس إقتباس من مشاركة spanish eyes وش نعطيهم مليون ما مليون هو نادي ضمان اجتماعي هذول ياما حلبوا الهلال بدون فايدة فهد المتفرج لسه ماخذ مقدم عقد من ادارة الهلال وما رضى يجدد الا بمقدم عقد وكأن في ملفه العديد من العروض كارلوس زمانه سليمان كذلك ومشكلته لا علاقة للهلال فيها هو الي تكفل بضمان ربعه وطاح فيها واذا كان احد يبي يعطيه مساعدة من اعضاء الشرف كان بها اما بعزقة فلوس النادي يمين ويسار فلا اما حسين المسعري فهذا لا تعليق مستغرب اصلا شلون قدر يواصل لحد الحين مع فريق الهلال عموما هؤلاء اللاعبين لم يقدموا حاجة تذكر للهلال بل كانوا عالة على قلوب الجماهير وهم الي المفروض يدفعون فلوس لنا ومن الحين اقول لفهد المتفرج خل ولدك يروح نادي الرياض مع عمه ابراهيم المفرج اما الشيء الكثير الي شفناه من الثلاثي الكوكباني فنعم شفنا حسين المسعري في البطولة العربية وهو كابتن الفريق ويهدي الكرة للاعب الملعب التونسي ليسجل هدف وشفنا فهد المتفرج مع الاتهاد في نهائي 1416 وهويتسبب في خروج الهلال وفي نهائي 1418 امام الشباب الي لولا الله ومن ثم سامي كانت البطولة شبابية اما عبد الله سليمان فيكفيك مربع البطولة الاسيوية في ايران ومهاجمي الفرق وخاصة الحسن اليامي يتلاعب به يمنة ويسرة ترى الي صادنا من الضغط كافينا وعيالنا مو ناقصنهم ضغط كمان وفي النهاية اراهن ان الخبر كاذب وان حسين المسعري وفهد المتفرج ظالين على كبودنا

اهم شيء ان يغادر الهلال اللاعبين الكبار في السن واولهم عبدالله الشريده مع خطاب شكر على كل ماقدموه للهلال في السنوات الماضيه. حان الوقت ليتركوا الفرصه لغيرهم .

انا ضد سياسة سب اللاعبين حتى لو كان مستواه لا يؤاهله للعب في الهلال

اذا عندك توجيه بدون تجريح ونصائح والا السب لن يجلب النتائج للزعيم

وماهي الفائدة المرجوه من هذا السب ؟؟؟؟؟؟؟؟؟؟؟؟؟؟؟؟؟؟؟؟؟؟؟

هل هو تحطيم اللاعب ؟؟؟؟؟؟؟؟؟؟؟؟؟؟؟؟؟؟؟؟؟

وهل انت افضل من ادارة نادي الهلال وجهازه الفني والاداري لاختيار اللاعبين المنسقين؟؟؟؟؟؟؟؟؟؟



ويكفي اللاعب انه هلالي وهذا دافع لكل محب للهلال ان يدعمه معنويا بدلا من الاستهزاء به

شاكر ومقدر حبكم لزعيم الاندية الاسيوية

خاربرلكم شات انواع الفضاوه
ويعطون اول خمسه اشراف

وين قالبينها هواش وسب ودخول العائله بالموضوع

على الاقل احترام لاسم الهلال وليس للاعضاء

في الحقيقه التجديد مطلوووووب واللاعبين المذكورين قدموا كل ما عندهم وخدموا النادي بما فيه الكفايه

يجب التجديد الشامل ومن قل عطاؤه يقال له ما قصرت ومع السلامه‍‍‍‍

الشريده ، خليل ، سليمان ، النزهان ، المطيري ، المفرج ، المسعري ، الشايع ، عزيز ، عمر الغامدي،
يجب ان يدركوا من انفسهم انهم قدموا كل ما في وسعهم ولم يعد لديهم الجديد ليضيفوه للزعيم؟
واذا في روسهم كوره فلديهم الفرصة للالتحاق بفرق اخرى غير الزعيم ؟؟

ويجب ضخ الدماء الشابه وبعض عناصر الفريق الاولومبي وفريق الشباب؟ بشرط عدم المطالبه ببطوله خلال عامين قادمين؟

اعتقد بكذا نستطيع ان نبني فريق زعيم جديد؟؟

ولا ننسى الاختيار الموفق للاعبين الاجاااااانب؟؟

تحياتي مليوووووووووووووووووووووووووون

الازرق المتوهج:: شاكر لك اشادتك الغالي وهي تاج فخر على راسي


هلالي مووت : ما دمت لاعب محترف واعرف امكانياتي راح اشكرهم على الصبر علي طول هالمدة بل واعطائي مقدم عقد ...... فهد المفرج صار يعطونه مقدم عقد؟؟؟؟ اتحداك لو ينسقه الهلال احد ياخذه من الدرجة الممتازة ...... وشفنا الاهلي نسق لاعبين يشار لهم بالبنان مثل حمزة صالح والاتحاد استغنى عن احمد جميل ومحمد الخليوي وريال مدريد استغنى عن كابتنه واحد الركائز الاساسية في صنع مجده هيييرو

كل اللاعبين اخذوا اكثر مما اعطوا من يوسف لسامي للنعيمة هؤلاء نجوم الهلال ومع ذلك ما قدمه لهم الهلال كان اكثر مما اعطوه

فما بالك بفهد المفرج ولا حسين المسعري ولا عبد الله سليمان

البقاء للاصلح اخوي واحنا مو في ضمان اجتماعي حتى يتم مراعاة نفسيات فلان وعلان وانه جايب مولود وما نبي نزعله

وبصراحة لو انا مكان فهد المفرج ولا حسين المسعري كنت دورت لي نادي ثاني .. شلون ابقى في نادي 70% من جماهيره على الاقل ما يبوني

اما عبد الله سليمان فهذا لاعب كان المدافع الاول في المملكة ومن الصعب انك تعديه لكن الان مستواه اصبح سيء جدا وعمره كبير

هل تعرف ان المجاملات هذي هي السبب في تنسيق الكثير الكثير من النجوم الشابة بحجة ان القائمة لا تتسع لاكثر من خمسين لاعب

وهنا اسئلك من تفضل فائدة الهلال ام فائدة الثلاثي ؟؟؟؟؟؟؟؟؟

عني انا افضل فائدة الهلال الي هو اولى بالثلاثة مليون الي راح تدفع للثلاثة ثلاثة مليون تسدد ديون النادي وتجيب مواهب شابة تخدم الفريق



كل الفرق على فكرة تطور فكرها واصبحت تفكر في فائدتها اكثر من التفكير بمشاعر فلان وعلان قس على ذلك

نادي النصر بدا ينتبه لنفسه والحين ينوي تنسيق وعدم التجديد للعديد من لاعبيه بعد ان عرف انهم هم السبب في خروجه من البطولات

نادي الاتحاد وين الدغريري وعلي سهيل وما ادري مين اشترى الاتحاد فريقا بالكامل ولولا هالفريق ما كان وصل لما وصل اليه ... تخيل انه استمع لمقولة والله نبي اولاد النادي ولا ما نبي نشتري نبي لاعبين من قاعدتنا صدقني كنت للحين تلاقيه مكانك سر

نادي الاهلي اكثر نادي ما يعرف شي اسمه مجاملة وين خالد مسعد وين القهوجي وين ابراهيم سويد وين عبد الله سليمان وين حمزة صالح

وان شاء الهلال في الطريق وان كان عندي شك

8
8
اي والله جبتها في الصميم,,

نادي الضمانات الاجتماعية ,

أول كنا ننسق والفرق يجون وياخذون ويتلاهفون , والحين ماحد يبي منا !!

العيون الاسبانيه كلامك الحين معقول ومتزن وفيه افكار اما كلامك قبل فكله استزاء وانتقاص وان كنت اشوف انك شايل على ولد فهد المفرج ماادري هو سوالك شي ؟؟ يمكن ليش لا !!!!

لا شايل عليه ولا على ولده

الله يوفقهم ويخلي ولده له ويخليه مولود خير وصلاح

والله يفك عبد الله سليمان من الاسر ويحصل له شخص يخلصه من الورطة الي وقع روحه فيها

لكن احد الاخوان في مجمل رده يعارض تنسيق الثلاثة لا بسبب اقتناعه بمستواهم انما لان حسين المسعري لاعب قديم وفهد المفرج توه جايبين له ولد وراح يزعل وعبد الله سليمان في السجن
اي باختصار يطالب بتقديم مصلحة اللاعبين على مصلحة النادي
بينما انا اقول ان مصلحة النادي الي هي مصلحة ادارته ولاعبيه وجماهيره واعضاء شرفه اهم من مصلحة ثلاثة لاعبين او مشاعرهم

يجب ان يطرد كل من لايخدم الزعيم ولايستطيع ان يخدمه وعلى رأسهم خالد عزيز والمسعري والمفرج والنزهان والاجانب الثلاثه والبقيه الباقيه التي لاتستطيع ان تثري حاجة الفريق بالفائده.

وتقبل ارق التحايا.

يا جماعة خلو عنكم المهاترات الي تسبب حساسيات
بيننا ، ونبغى النقد الهادف الي يوصل للي نأمل منهم الشيء
الكثير في المواسم القادمة ...
اما الكابتن فهد المفرج اعتقد انه انظلم بوضعه في مركز الظهير
وأكثر من مركز شفناه فيه وهذا اكيد راح يؤثر على مستواه وعلى
مركزه الاساسي ،على العموم اعتقد انه ممكن يأخذفرصة في نادي غير الهلال
وبانسبه للكابتن حسين اخذ اكثر من فرصة خصوصا عندما اعاده بلاتشي
وهناك افضل منه يعني ما اعتقد راح يكون له مكان
اما الكابتن عبدالله سليمان فمن يوم جا للهلال وهو في غير مستواه الي نعرفه
عنه، وانا من وجهة نظري ان 90% من الي ينتقلون من فريق كبير الي فريق اكبر
راح ينزل مستواهم ....
وشكرا للكباتن وسيظلون في ذاكرتنا و يكفي انهم شرفو ارتداء شعار الهلال وشرفوه،،،،
--------------------------------------------------------------------------------
والشكر كل الشكر للجميع...

والحين وش بتقولون عن المفرج وعزيز

هذا تنبيش في الماضي هههههههههههههه