|
100 مليون تدخل الخزينه الهلاليه [ALIGN=CENTER]السلام عليكم ورحمة الله وبركاته اكتب اول موضوع لي بي منتدى الزعيم لا ن اي واحد يشجع الزعيم ويشووفه بشكل الي هو في الحين يتمنى ماشجع الهلال لاكن دمي ازرق مقدر اشجع اي فريق غيره موضوعي ابي اعرف وين 200 او اكثر عضو شرف بنادي الهلال؟؟؟؟؟؟؟؟؟؟؟؟؟ هل اعضاء الشرف صارو اسم فقط !!!!!!!!!!!!!!!!! أين الوليد أين سلطان بن محمد وأين عضو الشرف الي وزع قطع اراضي في لبنان واختفىى وأين وأين ؟؟؟؟؟؟؟؟؟؟؟ الخ:no: لوو فرضنا مع ان لوو تفيد عمل الشيطان كل عضو من ها المتين وزياده دفع 500 الف كم بيصير المبلغ بيوصل مائة مليون ريال يعني بنشتري فيها لاعبين يدعمون الهلال عشر سنوات قدام وغير المحترفين ويمكن نجيب البلوي يلحق كور بنادي بعد :D بس الي نشوفه مع كل رئيس يجي الهلال يطلع عضو شرف يدعم واذا راح الرئيس الي يدعمه اختفى :upset: مائة مليون ويمكن تزود لان الوليد ماراح يدفع 500 الف اكيد بيدفع زياده وكثير من اعضاء الشرف ماراح يدفعون 500 الف بس بيدفعون اكثر بس ياليت يتحركون لان الي نشوفه شي يجيب المرض في حياتي مااشفت الهلال بهذا المستوى من اشوف الهلال اتمنى تنتهي المبارة بتعادل او هزيمه واحد صفر صارت يدينا على قلوبنا ياليت نشوف الغنام والقحطاني وعطيف ومجرشي وكم واحد من انديه اخر بنادي الهلال المووسم القادم لان العبين صغار بسن وراح ينفعون الفريق مع اني اتوقع راح يووقعون لي نادي الاتحاد قريبن اذا اعضاء الهلال راحو يجمعون لاعبين من انديه بي ملايين وراح ينسقون واذكركم جمعو الملايين وجيبو لاعب مفيد احسن من تجميع لاعبين ووضعهم بلاحتياط وياليت يعطون فرصه لي لاعبين الفريق الاولمبي وخاصة في الظهير الايسر والمحور لاني اتوقع بيعتزلون وهم في الفريق الاولمبي ياليت يشووفون فريق الشباب وش سووى الاولمبيين حقينهم بي الاتهاد نبي محترف يسوي ثلاث محترفين احسن من تجميع محترفين امثال سيفو جايبين مصارع ماجبتو لاعب ماغير يتفلت على الحكام كل محترفين الي يجيبهم الهلال مهاجمين وعندنا فوق ثمان مهاجمين مدري وش بيسون الثمانيه مدري متى بتعطى الفرصه لي حسين العلي والشيحان والصويلح والجمعان والعنبر وغيرهم حسين العلي افضل هداف في الهلال كل مبارة يخشها هدف من فرصه او فرصتين وتراوري مليون فرصه ولا هدف يسجل ويلعب اساسي وسيسه ماسك خط جده مكه السريع دايم يسيدلين تطلع الكورة برى ولا يوطيها 0 الشيحان من اخطر المهاجمين ولاعب سريع دفعنا عليه فلوس علشان نحطه بدكة الاحتياط ياليت نشوفه ببطولة الصداقه علشان يستعيد تووهجه0 الصويلح والعنبر كنز الهلال القادم ياليت تعطى لهم الثقه في بعض المباريات وشفنا وش سووى بي الطائي الي عجزو مهاجمينا الكبار يسوون شي قدامهم0 الجمعان وما ادراك ما الجمعان ياليت ينتبه لي نفسه لاني اجزم انه راح يكون اخطر مهاجم سعودي بلا جدال لاكن ما اتوقع مافي امل يطور نفسه ولا يركز بشوته ويتدرب على الشوت لانه انسان عجاز ياليت يشوف الصويلح ويتعلم منه لاعب صغير لاكن في نفس الوقت كبيرر0 اسف على الاطاله واتمنى ان كلامي يوصل لي اعضاء الشرف لا يطبقونه بس يخلونه اقتراح اقل شي 0 الف شكر للجميع تحياتي لكم[/ALIGN] |
بدايه موفقه لك يالغالي وحياك الله اقتراح راااااااااااااائع بس تتوقع يدفعون ما اظن لازم الخصخصه لازم وبعدين تلقى البلوي يقشر بصل.. تحياتي لك وحياك بين اخوانك.. |
كلامك عين الصواب . . الهلال فريق مشهور في آسيا ومافيه أحد يدعم النادي . . والله حاله . . ونداء إلى محمد بن فيصل أتمنى إنك تبعد الأجانب الثلاثة ( سيفو وتراوري وسيسية ) لأنهم مافادونا بشي سيفو ماغير يكسر وتروري 17 مليون الف هجمه ماقدر يجيب ولا هدف سيفو لعبه نص ونص بس الحين مانبية . . أتمنى ألا ياأتي إلى الهلال أجنبي يلعب في مركز الهجوم لأن مركز الهجوم ولله الحمد فل تقريبا 8 مهاجمين عطوهم فرصة خاصة العلي والشيحان .. ونبي اعضاء شرف يدعمون مو بس اسم اعضاء شرف. . نبي ننافس البلوي بملايينه .. نبيكم تجوبون مواهب شابة تفيد الفريق . . وهذا اللي عندي . . |
المشكله ماهي بحجم الدعم المشكله من اللي يقدر يتصرف بالميزانية بشكل صحيح وبنفس الوقت يرضي اكبر عدد من الجماهير |
[ALIGN=CENTER]ياخوفي من القادم[/ALIGN] |
لقد اسمعت لو ناديت حيا ولكن لاحياة لمن تنادي عجبـــــــــــــــــــــــــــــــــــــي:D |
الله يستر اذا اعضاء الشرف بس مجرد عضويه فخريه والله بيضيع الهلال وين الاعضااااااااء اللي من جد كان لهم بصمه واضحه في تحقيق البطولات والله المشاكل اللي بينهم بتضيع كيان هالنادي الكبيييييييييييير |
أولا نادي الاتحاد وليس الاتهاد وياليت يعطون فرصه لي لاعبين الفريق الاولمبي وخاصة في الظهير الايسر والمحور لاني اتوقع بيعتزلون وهم في الفريق الاولمبي صدقت والله .. المطرف شاب وهو في الأولمبي الشيحان ياليت نشوفه ببطولة الصداقه |
سلام خاش عرض عجبتني في كلامك: وتراوري مليون فرصه ولا هدف يسجل ويلعب اساسي وسيسه ماسك خط جده مكه السريع دايم تصدق اني اشوفه في الخط يوميا هههههههههه :D +++++++++++ وعجبتني في هذه كمان: أين الوليد أين سلطان بن محمد وأين عضو الشرف الي وزع قطع اراضي في لبنان واختفىى وأين الوليد= بدال ما يجمع المغنيات واهل الفن ويصرف عليهم الملاييين مفروض يهتم بالهلال شوي ((ويدفهم)) بكم مليون للأستثمار الطويل وليس لشراء لاعبين مثل شراء فندق باسم الهلال في الخارج او انشاء مدرسة للبراعم في السنغال او تشاد وبيع اللاعبين للأندية الآوروبية والعربية او ممكن يشتري فندق واحد ويجعله ملك للهلال في مكة او المدينة ويكون خاص للمصروفيات المنتظمة كالرواتب و الفواتير واجور السكن للفرق الهلاليه المختلفة في المدن الأخرى كل هذا عشان يخفف على ميزانية الهلال وما ياتيهم من اعانات رعاية الشباب وبذلك يكون سوى خدمة ولا اروع للهلال اما ان يدفع كم مليون عشان شراء لاعب واحد وفي النهاية يطلع اللاعب ,,,,,,,,,,,,,,,,,,,,,البعيد عنكم(( حمار)) فضاعت الملايين!! وايضا عجبتني في : الشيحان من اخطر المهاجمين ولاعب سريع دفعنا عليه فلوس علشان نحطه بدكة الاحتياط ياليت نشوفه ببطولة الصداقه علشان يستعيد تووهجه0 الصويلح والعنبر كنز الهلال القادم ياليت تعطى لهم الثقه في بعض المباريات وشفنا وش سووى بي واخيرا الأماني كثيرة والأحلام كثيرة والأعضاء كثيرين 200 بس ننتظر الى ياتي فرج من الله وتحياتي للجميع |
معك حق بس لا حياة لمن تنادي |
لقد اسمعت لو ناديت حيا ولكن لاحياة لمن تنادي |
الكلام رائع وهذا عين الصواب لكن ما نبي اعضاء شرف اذا دفع يذل النادي ويتحكم فيه بمعنى اللاعب الفلاني يلعب واللاعب الفلاني ما يلعب يجب الاتفاق على ترك المدرب يضع نظرته التي لا نراه بعض الاحيان كجمهور او اعضاء شرف وكلنا نذكر كيف كانت المطالبات باقاله اد ديموس من قبل الجماهير وبعض اللاعبين منتهي الصلاحية اللي يا العب اساسي والا شيلوا المدرب . والسلام |
يعطيك العافيه اخوي والله بداية موفقه وياليت تستمر والله موضوعك حلو بس وين اللي يسمع والله يكتب اللي فيه الخير |
|
والله أنك صادق ولكن لا حياة لمن تنادي ويمكن إذا مسك النادي الأمير محمد بن فيصل يتغير موقف أعضاء الشرف وبالتوفيق للهلال |
| الوقت المعتمد في المنتدى بتوقيت جرينتش +3.
الوقت الان » 07:48 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd