وقفة........ليش الشاب السعودي دائماً مظلوم؟؟؟؟؟ - نادي الهلال السعودي - شبكة الزعيم

مجـــــــــــــد · #1 27/06/2004, 06:15 AM

[ALIGN=CENTER]أنا أبغى أكتب هالموضوع وعارفة إن المعترضين أكثر من المؤيدين بس أبغى رأي الشباب و البنات من بيئة غير بيئتي
لأني لما أتناقشت مع صاحباتي وحدة بس أيدتني و مجموعة كبيرة عارضتني
ويقولون لي أول مرة نشوف وحدة تدافع عن العيال!!!!

السؤال

ليش الشاب السعودي دائماً مظلوم ؟؟؟؟؟

الأسواق للعوائل بس الشباب مايدخلونها لحالهم ( اللي يبيعون في المحلات شباب و معظمهم أجانب) كيف يمنع الشباب من الدخول لحاله وأصلاً فيه شباب داخل السوق اللي يبيعون طبعاً و فيه محلات ماهي موجودة إلا بالمراكز اللي يبغى يروح لها مع أصحابه ما يقدر لازم يروح مع عائلته

المنتزهات للعوائل فقط بالرغم من أن فيه" بعض "الشباب اللي مع "بعض "العوائل عيونه بتطلع من راسه إذا شاف حرمة

وفيه شباب لحالهم والله العظيم محترمين جداً جداً (في الأماكن العادية )

معظم المؤجرين السكن ما نسكن عزوبي و كأنه ماكان عزوبي بالرغم من أنه ماهو كل عزوبي رديء وفيه عزوبيين ساكنين جنبنا أرحم من العوائل بكثير

سيارات الأجرة نركب مع أجنبي ولا نركب مع شاب سعودي ليش ؟؟؟؟؟؟

المفروض نقدر له هالجهد و أنه يبغى يشتغل ما هو نحاربه

المعاكسات والترقيم كلها أخطاء على الشباب أنا ما أنكر فيه شباب يغلطون لكن كمان فيه بنات يغلطن لكن المجتمع يحطه كله على راس الولد يا أخي إذا فيه بنات ياخذون الآلة الحاسبة حقت صاحب المحل اللي على الطاولة و تكتب له الرقم وش وراها ( قصة حقيقية) أنا ماأنكر إن هذا الشي غلط لكن يتحمله الكل الأب و الأم و الولد والبنت

ما أعمم الكلام السابق على الجميع

أختكم

[/ALIGN]