27/06/2004, 08:26 PM
|
زعيــم نشيــط | | تاريخ التسجيل: 25/03/2001 المكان: حبيبتــ الرياض ــي
مشاركات: 500
| |
ان بقي هاللاعبين .. فكلاكيت موسم ثاني بلا بطولات هلا بالجميع ..
سكتنا وسكتنا وسكتنا لين القهر شوي ويقضي علينا ..
ان قلنا كلمة حق قال البعض شوي شوي على اللاعبين لا تاثرون عليهم وقدامهم مباريات .. مادروا انهم ماجابوا خبرنا ولا خبر زعيمنا معنا ..
والحين وبعد ان انتهاء موسم الجفاف .. اعتقد ان الصراحة مطلوبة .. ليعرف كل من اعتقد انه نجم وهو نجم من ورق حقيقته ..
ليعرفوا اننا لم نكن مقتنعين بتاتاً بمستوياتهم ولا عندنا استعداد نعطيهم اي فرصة اخرى .. لان الزعيم ليس نادي تجارب ولا مستشفى نفسي نداري فيه شعور هذا وذاك وهو اللي ما حس بحرقة جمهورة ولا حس بقيمة الشعار اللي يلبسه .
هلالنا يحتاج لقرار جريء .. يحتاج لإنسان قوي يحتاج لمن يضع ثلاثة ارباع الفريق على قائمة الانتقال او التنسيق ..
لا تلعبون علينا ولا تلعبون على انفسكم .. اديموس .. العجلاني . الحبشي .. اوسكار .. كلهم خطأ واللاعبون صح .. كلهم لا يفقهون تدريب واللاعبين عباقرة كرة .. كل هالمدربين ماعدا الحبشي بحكم انه مدرب الاولمبي وتدريبه للاول مؤقت .. ماوجدوا إلا انصاف لاعبين باستثناء خمسة بالكثير فيهم ايضاً من هو مصاب .
ياناس علتنا واضحه ومع ذلك نعمي عيونا عنها .. من متى ياناس من متى الزعيم يلعب فيه انصاف اللاعبين .
لكن خلاص انتهى الموسم .. كل شيء ضاع .. حتى هيبة الزعيم ضاعت .. والسبب نجامل انصاف اللاعبين .. هل يعقل ان يبقى المسعري في الفريق لغاية الآن .. ماذا قدم ووش عنده يقدم .. كل هذا غشامة ولا عمى في إدارتنا ولا في المدربين .. هل المسعري بمستوى فريق بحجم الهلال ؟؟؟ ومثله الشايع والمطيري والمفرج والغامدي .. يستنزفون الكثير من خزينة الزعيم مرتبات لهم وغيرهم اولى بها .
الدنيا ماتدوم لاحد .. لكل زمن دولة ورجال ولكل زمن في زعيمنا لاعبيه وبانين امجاده .. وين صاحب القرار اللي بنجني بعده الثمار .. وين من يقول شكراً لبعض اللاعبين ماقصرتوا في زمن الاحتراف .. اختاروا لكم نادي او اختاروا الاعتزال .. وين صاحب القرار الجرئ اللي يقولها لكل من :
المطيري .. المفرج .. الشايع .. الغامدي .. محمد العنزي .. الشريده .. احمد خليل .. عبدالله سليمان .. النزهان .. وغيرهم بعد يستحقون ..
ولاحظوا 6 منهم شاركوا اليوم ومع المسعري 7 لاعبين .. ثلث الفريق اما انصاف لاعبين او فيهم من انتهى وجايين ننتظر بطولة او مركز ثالث فيها ..
ايضاً كافي نتعاقد مع لاعبين اجانب علة على الفريق .. نجيب لاعب بقيمة الثلاثة ابرك من ثلاثه ..
ايضاً نحتاج لمدرب مقتدر وقوي شخصية يقعد النصف الآخر من اللاعبين على دكة الاحتياط بحيث لا يلعب إلا من يستحق اللعب لا بالاسماء الكرة تلعب ..
كما نحتاج لإدارة صاحبة نظرة صائبة .. تعرف مع من تتعاقد .. الكيف ليس الكم هو المهم .. كم لاعب تعاقدنا معه او شرينا عقده وقد يستحق ان يلعب مع فرق المؤخرة او المنتصف في الدوري .. لكن مع الزعيم لا ماينفعون .
رضينا بالشيحان .. مع ان مستواه عادي .. رضينا بالخثران مع ان مستواه عادي .. رضينا بالدوسري مع ان مستواه عادي .. رضينا بسيفو مع ان مستواه اقل من العادي .. رضينا بالحربي اللي طالع رئيسنا اليوم يقول هو آمل الهلال مع ان مستواه طوال المباريات اللي لعبها عادي .. إلى هذه الدرجة صرنا نشوف اصحاب المستويات العادية حلم الهلال او أمله !!!!! ..
قد نختلف على اسماء واسماء .. لكننا على العكس من السابق الآن لا نتفق على جدارة اسماء وان حصل فهم لا يتعدون اصابع اليد الواحده .
ياجماهير الزعيم ..
نحب فلان ونحب علان ونحب زيد وعبيد ولكل منهم تقديره .. ولا يلغي محبتنا لهم لما نقول انهم اقل من طموحنا او ان مستواهم في انحدار .. بلاش نجامل على حساب الزعيم .. تذكروا ايام ماكان احتياطينا بقوة الاساسيين .. اما الآن فانعدم عندنا الاحساس بان في الاحتياط من هو بمشيئة الله قادر ان يعمل شيء او يقلب نتيجة .. او ننتظر نزوله .
الله يالدنيا صرنا نخاف من الخمسات بعد ماكنا ننتظرها من لاعبينا في شباك الفرق .. صرنا مانثق اننا راح نفوز حتى لو قابلنا اقل الفرق مستويات ..
خلاصة القول .. ثلاثة ارباع اللاعبين ان رأيناهم في الموسم القادم .. فالنتيجة كلاكيت موسم ثاني بلا بطولات .. |