25/06/2004, 08:57 PM
|
| زعيــم فعــال | | تاريخ التسجيل: 31/03/2004 المكان: الريـاض
مشاركات: 209
| |
|
ودع زمـانـك فإن الهلال مـرتـحـلُ
[ALIGN=CENTER]
السلام عليكم ورحمة الله وبركاتـه
مساكم الله بالخيـر
بدايتـاً احب اقدم نفسي لكم عضـو جديد معكم واتمنى تقبلوني ,,
واحب اذكر اني سجلت هنـا منذ زمن لكن ما شاركت معكم
ولذالك بسبب عدم ملائمة الوقت (انذاك) لنقد
والكلام عن امور الهلال لانه كان مازال يلعب في البطولات
وظننـت (عبثاً) ان كثرت النقد والضغط على اللاعبين سيؤثـر عليهم
فأحببـت ان اكون مترياً حتى النهايه (ولما نشوف اخرتها معهم )
الهلال والاداره
شخصياً اقول الله يكون في عون من يرأس الهلال لان الضغوط كبيره جداً والشق اكبر من الرقعه
واعتقد ان اغلبية الجماهير الهلاليـه الواعيه تعي جيداً ان الامير عبدالهل بن مساعد قدم الكثير
وما قصر مع الهلال في اي شي , لكن بطبيعة الحـال اى عمل له سلبيات وايجابيات
وهذى مايعيب ابداً في اى اداره كانت
وحسب رايي ان مشكلة الاداره الهلاليه من البطانه
يا ناس الامر واضح ومكشوف فيه خطط تقدم من الرئيس واسليب رائعه
وواعيه وحديثه لكن عند التطبيق !!
والواضح من هذي الطريقـه ان فيه داخلنـا ناس تجري بعكس الاتجاه
وهذى اللي جعل امور النادي في تخبط لايعلم به الا الله
واتصور القريبيـن من الهلال فعلاً يعرفون معنى كلامي
المدربيـن والامور الفنيـه
منـذ ان كان اديمووس مدرباً للهلال وحتى استلم الدفه المذكور العجلاني
والى ان مرت على الحبشي واستقرت على اوسكار
لم نرى منهجيـه للعب الهلالي والسبب بسيط اللي هو اللاعبيـن
لان كل شي تقدم لهم والنتيجه !!
في وقت سابق عندما كانت الاصوات تنادي بإقالة اديموس والضغط كبير على الاداره
الهلاليه من الجماهيـر (وانا احدهم ) كنت اتمنى اشوف قوة شخصية الاداره على الجمهور
وعلى اللاعبين (اللي دلعناهم ومعد يشوفوننـا شي ) كنت اتمنى ان تصر الاداره
على بقاء اديمووس فقط عشان يتعلومون لاعبيننـا ان مو بإمكانهم يتنقون المدربين لهم
وايضاً عشان نكون ارقى في التعامل مع الامور يكون فكرنا فكر احترافي , الاهم ان يفهم الكل من جمهور ولاعبين واداره واعلاميين (وهذولي الاهم) ان الرياضه رقي في الاخلاق وتشبع لذات
مهوب شرط اننـا في كل مباراة نفوز وباللي هي به لو يقولون الهلال فاز والمباراة منتهيه تعادل كان فرحنا مو شرط اننا نلعب مباراة هدف اللاعبين منها التخلص منها
نبي يكون هدفهم المتعه لانفسهم ولنـا .
اللي محتاجينـه منهجيه في اللعب تكون معروفه للهلال والهلاليين زي المنهجيه اللي قدمها لنا
الجنرال يوردنيسكو كان وقتها فيه فكر كرووي كنا نشوف لعب منظم خطط مرسومه بين اللاعبين
بعد ما غادر يوردينسكو معد شفنا شي الى اليوم !!
والله هذي مصيبه كبرى اذا اللاعب ما يبي يلعب ما يبي يقدم شي يمتع نفسه ويمتع جمهوره
مشكلتنـا اختيار المدربين
اما يكون ضعيف شخصيه يجي يمشونه اللاعبين على كيفهم
والا نختار مدرب انجازات وما ندري عن كيف منهجيته في اللعب
ولا اسلوب التعامل مع اللاعبين
والا نختـار مدربيـن (صب قهوه ) هذولى يجون فقط عشان تمشي الاداره الكلام عليهم
وعند اى فشل يطرد وتوضع المشكله عليه وهو يسكت (وترى ساكت عشانهم دافعين له )
ونصير نطلع من مدرب طوارئ الى مدرب طوارئ اخر .
* عجبـي في خمسين سنه درب المنتخب الالماني خمس مدربين وحنـا في خمس شهور اربعه
اللاعبيـن وفرقة طقها والحقهـا
سابقاً كنا نشوف هلال مختلف عن الكل من بداية خط الدفاع الى الهجوم كل لاعب بارع في مكانه
الحين اللاعبين ضعف لياقي وبصريح العباره (لا ولاء لنادي ولا غيره )
في الكلام نلقاهم الافضل لكن في الملعب الله يرحم مزنه بس
اما كل ماشاف كوره بالارض زحلق (عزيز والغامدي والخثران) والقائمه تطول
والا كل ما صار شي قام يعترض وينافخ (سامي الجابر والشريده )
والا اللي داخل الملعب ما يدري وش يصير بس يوزع ابتسامات (المفرج وبقية الطقه )
والله الهلال محتاج تغييرات جذريه بالنسبه للاعبين لازم نشوف شباب صغار معنا لهم طموح
لما طلع التمياط كان معه وقتها الثنيان والتيماوي والجابر (ايام عزه)
استفاد منهم وتعلم منهم لين اصبح نجم مثلهم
الحين حاطين احمد الصويلح مع سامي وتراوري وسيسيه
وش نتوقع بيصير بعدين .. ؟
الهلال محتاج تغيير فكر اللاعبين كل واحد ينزل الملعب وكن على راسه ريشه
جمهور اداره مدرب ما يهمهم
-==-=-=-=-=-=-=-=-=--=-=-=-=-=-=-=-=-=
بعقلانيـه وبدون عواطف
* سامي الجابـر حافظ على ما تبقى من جمهورك وانا اولهم
واعلن الاعتزال وخلنـا نشوفك كإداري لانك بالفعل ستكون ناجح .
* رغم عدم اعجابي بعمر الغامدي (واني افضل اشوف بليس في الملعب ولا اشوفه)
الا انه افضل السيئين مع احمد الصويلح في مباراة الاسماعيلي .
* الاعلام الهلالي ,, متى نشوف منكم تشخيص دقيق للي يصير للهلال
خالي من التمجيد لناس عن ناس وبعيد عن تشخيص واقع الانديه الاخرى
لان الاعلام الهلالي افضل من يشخص حال الانديه الاخرى
وينسى نفسه .
محمد الشلهووب الكره تخدم من يخدمها
-=-=-=-=-=-==-=-=-=-=
كلام في الممنــوع
هذى موجه الى ادارة منتدى الزعيـم وادارة نادي الهلال
طبعاً نرى ان شبكة الزعيم هي الموقع الرسمي لنادي الهلال
ولكن ثمة امر مهـم ,,
هل رأينـا كاعضاء في شبكة الزعيـم مأخوذ به من ادارة الهلال
والا بس مجرد تنفيس عن الجمهور عبر الانترنت
اتصور ما دامت الشبكه هي الموقع الرسمي لنادي على الشبكه العنكبوتيه فمن المهم جداً
تفعيل دور الجمهور الهلالي
والا ما الفائده من وجودنـا هنـا ..؟؟
والا بس سكتوهم بس ... !!
وقفنـا الله واياكم لما يحبه ويرضاه
وتقبلوا تحياتـي ,,
عبدالعزيز[/ALIGN] |
الوضع الشجري
