[ALIGN=CENTER]عزيزي القارئ << حلوة عزيزي !



اللي تابعوا الحلقة الأولى من ·.¸.•°™ فـنـجـال و عــلـوم حـريــم !! (( 1 )) ™°·.¸.•° أكيد وسعّوا صدورهم و ضحكوا , بس هالمرّة بنخلّي فيها فيها شويّة تراجيديا >> وش عنده فجر السعيد ؟!


بس لازم للي ما قرأ الجزء الأول يقرأه علشان يفهم القصّة ;)



على العموم ما ودّنا نكثّر البربرة و نكمّل لكم الحتّوتة


_________________________



بعد ما كبر سهيلان و صار رجّال و تاقف على شنبه الناموسه قرر أنه يدخل مجال
( تسمين و تربية الدواجن)
بس كانت فيه مشكلة صغيرة , سهيلان ما عنده السيولة المطلوبة :sad:, ويا أنّه يتسلّف و هذي انس يفكّر فيها ! أو أنّه يدخّل معه شريك , و يجيب الله واحد مقرود يشاركه اسمه ( الأزرق العالي ) شاب طموح يشع حيوية و نظارة << حشى صار شامبو مهوب آدمي !!

و يتوكلون على الله و يشترون ذيك المزرعة من المزارع (برنس واحدات ) بالتقسيط << طبعا توهّق برنس !!

المهم بدأ الشغل على خفيف , والمكاسب كبداية ( مشجّعة ) وشوي شوي الدخل يزيد والمزرعة تتوسّع وبدأ الناس يقولون عن الأزرق العالي و سهيلان أنّهم ( تجّار ) ...

بعد فترة تهاوش الأزرق العالي مع سهيلان <<< ماش ما يصبرون على بعض !! و يشتري سهيلان نصيب الأزرق وصير الحلال كلّه لسهل أبو الثمانيات << عاد الحين كبر راسه مضبوط !

و تمشي السنين و يجيه بعد مدّه عمدة حارتهم القديمة ( أبو سليمان ) و معه ولده 100% هلالي يبيه يتوسّط له بشغل عند سهل بس سهيلان قعد يصرّف و يلف و يدور و الميزانية ما تسمح و من هالكلام , أبو سليمان طاب خاطره وطلع مع ولده 100% هلالي , و هم طالعين إلأّ هذا جاج أبو الدجاج و معه ولده الأقرع أبو الذهب و برضه جاج يبي وظيفه لولده أبو النحاس و من يوم شافهم سهيلان من بعيد وصى السكيورتي يكرِشهم !!

سهيلان أعرس على الماسة الرزقاء << المسكينه ما تستاهل بس كل شئ قسمة و نصيب !!

و يجبون لهم ولد وش حليله و يسمّونه ( واحد زاحف ) << الحلى بوادِ وهو بواد !!

و تمشي السنين ... و الصغار يكبرون ...;)

و يجيك واحد زاحف بالمدرسة يضرب ( ديك الجن ) ولد هلالي الجوف ( الصيّاد )

و يحقد ( الديك ) و يروح بنص الليل والناس نائمين ويأخذ شوزن أبوه ويطلق على مزرعة سهل علشان يخوّف ولده !

و تجيك الطلقات ببراميل الديزل اللي عند البرسيم !! << برسيم عند دجاج ما لها سنع بس علشان نكمّل القصّة !!

و تولّع المزرعة كلها مثل عود كبريت !! والمشكلة إن سهيلان من زود البخل ما أمّن على المزرعة !

و يوم جاء الصبح و بعد ما كتب الدفاع المدني التقرير كالعادة ( ماس كهربائي ) ! قعد سهيلان يتأمّل
مزرعته و هي صايرة كنّها شوشة ( ريم الزعيم ) من كثر سوادها عقب الحريق !!

و يمر من عنده الشايب أبو سليمان ويقوله : يا وليدي قم توضّأ وصل وادع إن الله يفرجه ..
بس النفسيّة عند سهيلان ما خلتّه يستوعب أي كلام ..

# الحين تبون ننهيها نهاية مأساويّة ( وقلب سهل يوقف .. ) و من هالكلام ؟ ولاّ تبون نهاية توسّع الصدر >> يشاور !!

بالنهاية .. جت مويه باردة على وجه سهل 888 خلتّه يقوم من النوم , أثاري هذي سهله 666 تقوّمه من النوم تقول له : قم طس إلحق دوامك إنت و صلعتك !!

و أوّل مرة يقوم سهيلان وهو مستانس هو وقرعته يوم درى إنّه حلم و من يومها وهو يسلّم على كل الناس .;)

تمت .[/ALIGN]

[ALIGN=CENTER]هلا الحاتمي ..

إقتباس عزيزي القارئ << حلوة عزيزي !

قلها مره ثانيه
نهاية مأساويه .. بس ماقلت سهيلان يوم قام لحق على الدوام ؟

الله يرجك وأحجز على بالي موضوع يبيله قعده يطلع حلم

لك مستقبل بالتأليف يا ظلال فجر السعيد [/ALIGN]

ههههههههههههههههههههههههههههههههههه
حلوه يلي مريت من هناك
قصه حلوووووووه
بس الموضوع يمين والقصه جنوب
وانشالله رمضان الجاي نشوف تاليف الحاتمي ((الي مر من هناك))في هلمسلسلات وتنافس فجر السعيد
يسلمووا اناملك

[ALIGN=CENTER]
فجوة علمية في القصة <---هي بس فجوة علمية

الديزل ما يحترق إلا بالحرارة ..وماهوب بالشرارة مثل البنزين ;)

وكان ما صدقت جرّب


بس يا ابو الشباب مرة ثانية خل فيها " أكشن " يعني جلطة أو سكته .. أو إن واحد زاحف يذبح ديك الجن وبعدين يهاوشه ابوه بعدين يذبح أبوه <---- وده يذبح هلالي الجوف حتى لو إنها في قصة ..


تحياتي ،،،
[/ALIGN]

إقتباس على العموم ما ودّنا نكثّر البربرة و نكمّل لكم الحتّوتة

احلى ياحتوتة منتاب عاقل انطوان الحاتمي

إقتباس بس كانت فيه مشكلة صغيرة , سهيلان ما عنده السيولة المطلوبة

ماعنده سيوله بسيطه خله يركب عوامه

إقتباس و أوّل مرة يقوم سهيلان وهو مستانس هو وقرعته يوم درى إنّه حلم و من يومها وهو يسلّم على كل الناس

افا اخرتها حلم ليش مهوب صدق -------- يبى يتشمت بسهل علشانه ماوظفه

[ALIGN=CENTER]
فتى المدينه

إقتباس نهاية مأساويه .. بس ماقلت سهيلان يوم قام لحق على الدوام

من زود الوناسة يوم طلع إنه حلم سحب على الدوام وراح لكوفي شوب !!

إقتباس لك مستقبل بالتأليف يا ظلال فجر السعيد

تراها طالبة مساعدتي علشان مسلسل بتكتبه لرمضان !! <<< أحش إنّي تهوّرت !! [/ALIGN]

[ALIGN=CENTER]100% هلالي

إقتباس اقول يا الحاتمي نبيها نهاية مأساوية .. اخرتها ينتحر سهيلان

حرام عليك ما يستاهل سهل << شكله زعل علينا كحيلان !! [/ALIGN]

[ALIGN=CENTER]نتالي

إقتباس وانشالله رمضان الجاي نشوف تاليف الحاتمي ((الي مر من هناك))في هلمسلسلات وتنافس فجر السعيد

ليه لا << صدّق عمره !

بس ما تلاحظون إننا سوينا دعاية لفجر السعيد !![/ALIGN]

هلا بالسناريست<<<< قعدت ساعه احاول اتهجاها
انت عارف بسبتك انت وابطال افلامك طاح سوق هوليوود يقولون والعهدة على الراوي ان ميل جبسون استبعد من بطولة فلم كبييير ‍!!! بسب ابو الذهب اللي رشحوه للدور

ناس تحلم على دجاج ..
وناس تحلم على بنوك <<<<<<< يحلم كثير

بس الله يخلف على سهل ثمنيات

[ALIGN=CENTER]ما كسر خاطري الا الازرق العالي وش ذنبه يتورط معي في مسائل زي كذا
بس ما شاء الله علي وش ملحي بالحلم تصدق ان في بعض المرات استعين بي !
واروح معي بالحلم اشيك على الامور وارجع

عمومآ ما كل ما يتمنى المرء يدركه صحيح اني كنت احلم ان يكتب عني كاتب ذو شأن
وما توقعت ولا واحد بالطعميه ان تاريخي يتحتحت على يد كاتب شاب << وين المطافي
بس هي الايام ومحاوله جيده وحدّك تلفزيون السودان ويخب عليك
لان اغلب سيناريوهاتك احلام وهم يقدرون هالشي يرزعون الكميراء بوجه الممثل
ويقولون له يالله احلم بسيناريو طارق عجّازين ويبون الناس تفهم [/ALIGN]

[ALIGN=CENTER]
ريم الزعيم

إقتباس ريم مرت من هنا

رجاءا جميع حقوق العبارة محفوظة ;)

إقتباس استخرج من الجمله السابقه تشبيه تمثلي;) المزرعه صارت مثل شوشه ريم الزعيم من كثر سوادها عقب الحريق

شوشة / مفرد والمزرعة مضاف إليه بالضمّه !!

والحريق / ديرة تبعد عن الرياض 200 كيلو !!

<<< يسمع بالنحو !! [/ALIGN]

إقتباس شوشة / مفرد والمزرعة مضاف إليه بالضمّه !! والحريق / ديرة تبعد عن الرياض 200 كيلو !! <<< يسمع بالنحو

شكلك ما قد سمعت بالغه العربيه كلها
انا اسالك في البلاغه وش جاب سيرة النحو!