مشكلة نقل الخدمة من مشغل الى آخر ..(موبايلي) - نادي الهلال السعودي - شبكة الزعيم

سكـون اللـيل · #1 23/01/2008, 08:01 PM

السلآلآم عليكم ..

رآح ابدأ بالموضوع على طووول ..

في تآريخ 13/12/2007م
رحت لـ موبايلي اللي على طريق الملك فهد ( في الرياض )
وقلت لهم اني ابي احول جوالي لكم
خلصت كل الإجرائات وقالي الموظف خلاص 6 ايام او اقل رآح يتم نقل الخدمه لك ..
المهم انتظرت جوآلي 22 يوم
وارسلولي رسآله من موبايلي في تآريخ 5/1/2008م
السبب في تأخر الوقت حسب ما قالي موظف موبايلي
انها فترة العيد وان هيئة الإتصالات السعوديه مقفله
مضمون الرساله انه تم رفض طلبك
اتصل على 0560101100 ( رقم موبايلي )
كلمتهم وقالي ان الرفض جآء من الإتصالات ....
وانتظرت الفترة ذيك كلها على نصب الإتصالات السعوديه ..

واليوم رحت
لـ فرع موبايلي ( في عرعر )
وقالي عندك مشآكل في الإتصالات روح خلصها وتعال ..
رحت للإتصالات وقالو لي ما عندك اي شي
وكل شي تمام انت مسدد وعندك مبلغ اضافي كمآن
رجعت لـ فرع موبايلي وقالي
ما نقدر نحول لك
والمشكله من عندهم رح ارجع للإتصالات وقلهم وش في جوالي .. ( بالحرف الواحد )
رجعت للإتصالات للمرهـ الثانيه
قال ما عندك اي مشكله وحتى لو عندك مشآكل تظهر عندهم مو عندنـــاا
ورجعت للمرهـ الثالثه لموبايلي
وقالي ما اقدر اخدمك في الشي هذاا
!!!!!

علماً اني مسدد جوالي في المرهـ الأولى
وعندي مبلغ اضافي

والمرهـ الثانيه اللي هي اليوم
سددته وعندي مبلغ اضافي

احد يقدر يفيدني .. ؟

سكـون اللـيل · #2 24/01/2008, 03:35 AM

ما فيه ولا واحد يقدر يفيدني ؟؟

nmn1 · #3 24/01/2008, 08:39 AM

أنا زيك رحت حولت جوالي لموبايلي ورفضو الاتصالات

شوق المشاعر · #4 24/01/2008, 08:21 PM

انا صارتلي نفس مشكلتك وقعدت اسبوعين ضايع والحل دق على هيئة الأتصالات في الرياض وبتدعيلي
دق على الرقمين واشرح مشكلتك وتنحل
014618065
014618112
هذولاء مهندسين مختصين في المشاكل الفنيه بين مشغل الشبكتين واذا ماردو عليك
دق على قسم الشؤن الفنيه واطرح مشكلتك
014618050
وهذا سنترال الهيئه كامله
014618000
وترهم للأمااااااااااانه تفاعلو مع مشكلتي جداااا

سكـون اللـيل · #5 25/01/2008, 12:51 AM

يعطيكم العافيه .. على الردود ..

اخوي شوق المشآعر
بكرهـ الصبآح رآح اتصل عليهم واقولهم مشكلتي ..

جديد الهلال · #6 25/01/2008, 11:48 PM

لاجديد عند الاتصالات

وحيدالجزيرة · #7 27/01/2008, 03:32 AM

انا زيك 24 يوم من16/12/2007
اخر شي سويت اعادة طلب بعديومين اشتغل

موهوب القصيم · #8 27/01/2008, 09:16 PM

الاتصالات نصب بنصب

اذا جا الواحد يحول جواله لموبايلي رفضو

لأنهم يقولون ان العميل مستفيد من بعض العروض

ولذالك يصعب تحويل الرقم

كل هذا علشان مايحولون الرقم

الغامض666 · #9 27/01/2008, 11:08 PM

والله ما أنصب من الإتصالات إلا موبايلي!!!!
احمد ربك أنا لي طلب من تاريخ 13/11/2007 بس عشان خدمة رنان وإلى يومك موظفين ومشرفين وأنواع الأفلام وآخرها يقولون تم حل المشكلة!!!! والحقيقة ماصار فيها أي شيء!! ومالي غير ردد ياليل ماطولك!!