فى يوم من الايام كنت جالس مع خالى ذاك المنصفق وكنا قاعدين نشرب شاهى قام الخال والتفت
على وقال قرب عندى شوى بأقول لك شى مهم
قمت وبعدت عنه مهبول اقرب جنبه ...
فقال لى وش الفرق بين شياطين الجن وشياطين الأنس
قلت له مدرى قال شياطين الجن
طيبين وش حليلهم مايخدعونك ولا يعرفون ينافقون ;) يوم قال هالكلمه قعدت اضحك ههههه
قال شكلك ماصدقتنى
اسمع هالقصه يمكن تقتنع :
صالح شاب داشر وطول ليلة سهران على النت وراس معسل رايح وراس معسل جاى الين صار
الملحق كأنة كورلا مخبطة
وبعد ماصارت عيونه عيون ضفدع مفغوص برجل بزر يحسبه علبه
سان توب
قام صالح يبى ينام وهو فى عز نومتة ... شوى الا الخال قام يتنهد ثم كمل وقال وهو
فى عز نومته دخلت عليه شاكيرا ههههههههههههه الخال قام يضحك ( يأخى احس انه انت
السكنى )
قال دخلت عليه وحده ورفسته برجلها على صدره ( حشى فان دام مهيب جنيه )
وقالت له ياللى ماتستحى على دمك وماتخاف الله غرقتنا بهاالدخنه الين انكتم شايبنا وطاح مغمى
عليه
والحين طالبين له الاسعاف بالله عليك وش اسوى فيك
قام صالح وراح معها يوم
دخل الينهم سادحين الشايب على جنبه ومايقوى يتنفس قال لها صالح خذى علبه هالفكس ومرخيه
وانا بأوصل مشوار قريب وبأرجع ... راح صالح وطق على عزبه زيود مشافيح كوره واخذ منهم
طرمبه
ورجع للشايب وقام ينفخ فيه بهالطرمبه والشايب قام يدخن من تحت مره دخان اسود
ومره دخان ازرق وفى الاخير طلعت القصديره حقه الجمر ( مدرى وشلون بلعها هالشايب )
وطاب الشايب وسامح صالح ( هاه شفت وشلون انهم طيبين )
ناظرت الخال بنص عين
الينه بالع زقاره مالبورو وقال شكلك ماصدقتنى
طيب اسمع هالقصه :
محمد كأن جاى من الطايف الى الرياض وقبل لايوصل عفيف تعطل موتره والساعه حوالى 1بالليل
حاول محمد فى الموتر انه يشتغل بس مانفع ولا حوله اى محطه :sad: قام ابوحميد ونزل بساطه
السحرى هههههههههههه برضه قام يضحك الخال ( والله انى اخاف من ضحكته اكثر من سواليف
هالجن )
قام محمد وفرش بساطه جنب موتره وقال من اصبح افلح وماامداه يجلس الا وجاه
واحد راسه كبير مررررره وفيه خفوس والله العالم انه كأن مشروع كيرم ويوم ضاع المضراب قال
اخليه راس ابرك
وعليه اذانى من طولها مربى عشه حمام وبراطمه سايحه ( مدرى وش جانى
بس قمت احس برطوبه تحتى )
قال لمحمد امش معى للبيت وريح عندى والى جاء
الصبح اخلى واحد من العيال يروح معك وتصلحون موترك قال له محمد الحين انت ورا ماتنقلع (
مسوى فيها قوى هالخبل )
قام ابو الأذانى والقط محمد بكراعينه واسحبه معه وهو يقول بتروح
معى بتروح انا مواعد عيال اوريهم خفاش
يوم وصل للبيت الين مرته فاكه راسها ومعطيته
عيالها يلعبون فيه كوره ( انا فى هاللحظه رفست بريق الشاهى الا هو بخشه الخال )
قال لعياله
يالملاعين وراكم مشغلين امك وانتى الى جاء هالليل قمتى تصيحين عندى راسى يعورنى بلا والله من
تصميخ هالعواير
قالت له وش انت جايب لايكون مندى ترا ماابيه مسويه رجيم
قامت
واخذت راسها وكأن واحد من العيال منفرد بيجيب هدف بس حسبته تسلل واخذت راسها منه
يوم ناظرت فى محمد وهى اللى ترحمه قالت له تكفى ترانى طالبتك حتى لو ماتجيب لى قارورة عطر
حبشوش
قال وش تبين قالت له اتركه خله يروح لأهله ;)
هاه اقتنعت انهم طيبين ناظرت فى البريق هو فيه شاهى ولا لا شكل هالخال داف شى
قال ماش يا ابو النحاس شكلك ماصدقت الى الحين انهم طيبين طيب شف هالقصه وانا كنت موجود
فيها ( يعنى بأصدقك يوم صرت موجود )
يقول الخال :
تركى ولد وسيم جدا وازين من اللى فى الصوره اللى حاطها سهل
ومن زود حلاه حبته وحده
وقامت وخطفته وهو نايم وراحت فيه عند اهلها وقالت لهم زوجونى منه
وتركى مسيكين
مايدرى وش يسوى :sad: قام واحد من الجالسين وقال لتركى انت تبيها ولا لا قال تركى لا ماابيها
قال شف مالك الا تلعب معها كيرم ان فزت عليها رجعانك عند اهلك وان فازت عليك بتأخذها غصب
عليك
قال تركى ماعندى مانع بس ابى اجيب المدرب حقى ( طبعا المدرب هو الخال )
طلب الخال منهم مهله على بال مايسوى معسكر لتركى ويرفع من مستوى اللياقه عنده وبعد كل
تمرين يمرون على اقرب مثلوثه
يوم جاء وقت المباره الين تركى كأنه اسطوانه غاز 50
حطو الكيرم وصفو الحبوب وقالو لتركى وش تبى البيض والا السود تو تركى بيقول البيض نط فى
حلقه العجلانى قصدى الخال وقال له خذ السود انا متفائل
وقبل لايلعبون قال تركى للخال وش
الخطه قال له الخال الخطه ( شد حيلك ) ههههههههههه
انتهى الشوط الاول بفوز الجنيه
والشوط الثانى فاز تركى يوم جاء الشوط الثالث والاخير التفت تركى على الخال وقال له عطنى خطه
زى الناس
قال له العجلانى ابشر الخطه ( شد حيلك مره ) هههههه راح فيها تركى
قامت الجنيه وبدت تلعب ومابقى الا حبتين ان جابتها فازت فى هاللحظه قام الخال وبلع لسانه (
يعرف يصرف هالخال)
المهم فازت الجنيه على تركى وقالت له خلاص انت بتاعى قام تركى
يصيح وسعابيله غرقتهم
يوم شافت تركى كذا التفت عليه وقالت من عافنا عفناه واللى مايبينى
ماابيه بس حبيت اثبت لك انى شاريتك قم وخذ العجلانى معك وطس لأهلك
شفت وشلون انهم
طيبين وصريحين ولا يعرفون ينافقون
وانا تعبت وانا اكتب والمره الجايه اذا كانا من الموجودين بينكم اقول لكم من هم
شياطين الأنس ;)
شياطين الجن ارحم من شياطين الأنس 
بس احتياطا : صح لسانك ! 
[/ALIGN]
الوضع العادي
