أين الامير الوليد بن طلال وإبنه ؟
 

السلام عليكم ورحمة الله وبركاته
اولا تحياتي لجميع الاعضاء ثانيا ودي اخبركم بشي الامير الوليد بن طلال وولده من مشجعين نادي الهلال وهذا اظن كلنا عارفينه بس المشكلة ما بنشوف منهم الدعم الفعال للنادي يعني الامير الوليد بن طلال لو اتكرم ورماله كم ارنب للهلال الهلال انشالله بيرجع مثل اول واحسن خاصة انه يجيب لاعبين اجانب معروفين بمستواهم مو مقالب كالعادة وايضا حوافز للاعبين يعني لو الامير خالد بن الوليد دايم يجي النادي ويحمس اللعبين اعتقد انه بيصير كلام ثاني والامير خالد اختفى من اول ما اختفى التمياط نتمنى منهم العودة



ملاحظة
ارنب = مليون

علمي علمك ياخوي..

ونتمنى رجعتة اليوم قبل بكره


تحياتي

دعموا النادي وهاذي النتيجه تبيهم يجون يدعمون زياده

اول شي الادارة هاذي لازم تتغير على راسها النكرتين نجيب و احمد الخميس

من الصعب أن تدعم ...وتدفع ...وما يؤخذ برأيك ....إدارة دكتاتورية ...تأخذ برأيها فقط ...وتقول عملنا تصويت ...والاغلبية مع رأينا ...ونعمم الأغلبية والتصويت ...الرئيس أعطى حاشيته مناصب ...في النادي ...وقال أنا أفصــــــــــــــصصصصصــــــــل وانتم توافقوني الرأي والهلال يلبس ...وآخر سيء خمسات وثلاثات ...كيف تبي الناس تدعم ...وأنت مهمممممشهم ...ادارتنا شبيهة بادارة النصر....
سأذكر لكم حادثة :
في البطولة العربية اللي شارك فيها الهلال والنصر ...اللي نظمها الهلال ...عرض الأستاذ علي الفردان ...وهو شخص معروف وثري قطري ...(مليونير قطري) وعضو شرف في نادي النصر ...طلب من عبدالرحمن بن سعود أن يترك في قائمة النصر المشاركة في البطولة يترك فراغ للاعب واحد سيحضره هو بخمسة ملايين ريال كان يقول أنه سيحضر لاعب عالمي محترف يلعب مع النصر خصيصا في هذه البطولة ليردوووووو اعتبارهم من الهلال الذي خسرو ا منه في البطولة التي نظموها ...لكن رئيس النصر رفض ...وقال أعطنا الخمسة ملايين ...ونحن نحضر اللاعب ونختاره ...طبعا هو وعدهم بمهاجم ...وبعد أن رأى ردهم انسحب من الموضوع ...وتركهم ...والنتيجة فووووز الهلال بالبطولة ...
هل عرفتم الآن دووووور أعضاء الشرف ...ودور رئيس النادي في نكبة النادي ....هل عرفتم أن بعض رؤساء الاندية تهدم بدل أن تبني ...كم حالنا مشااااااابه لحال النصراويين هذا الموسم

ارنب = مليون ههههههه حلو هالاختصار هذا


بس ياليت مانتكل على الامير الوليد في غيره كثير ليش مايدفعوا كم ارنب خخخخخ

اللي أنا عارفه أن من يعشق الهلال لايمكن أن يبتعد بهذا الشكل !!!!!!!!!!

حسب علمي وماوصلني من اخبار الأمير الوليد بن طلال ينتظر الخصخصه

وبعدها لكل حادث حديث والحدق يفهم

تحياتي وتقديري

سبقوا الربع على باريس:D :D :D :D

والله يا حبكم للحش في خلق الله

والتريقة

الوليد بن طلال دافع 16 مليون

اما جماهير الغفلة مستكثرين حتى الحضور في المباريات

ولين حضروا مباراة في الموسم مثل مباراة الاهلي

تمننوا على الفريق وقلتوا لنا تعالوا وجينا وما ادري ايش

اتمنى تخلون هالمواضيع لاهلها لانكم ما تدرون بشي وما تدرون مين يدفع ومين الي ما يدفع

الحق يقال ان الوليد هالسنة ماقصر وقدم الدعم اللي عليه وزيادة ..

16 أرنب هذي لحالها ميزانية لبعض الاندية .. فكيف نقول انه مادعم ..

حسب علمي ان سمو الامير خالد بن الوليد التزم دينياا وترك المجال الرياضي
ياريت احد يصحح هذى المعلومة بمعلومة ادق