[ALIGN=CENTER]يالله أنك تحييهم ..

وقبل كل شئ الله يوفق أبنائنا الطلاب <<< يوم قلتها حسيت أني صرت شايب وتعدى الـ 60 .. في أمتحاناتهم وإن شاء الله ينجحوووون كل أبوهم في إمتحان الآخرة وهو الأهم وإمتحان الدنيا ..

أول شئ نشوف وش اللي صاير في قاعة الجمهور الهلالي .. وطبعاً المراقبين معروفين هم محمد ابو لما وابو بدر و الصوت الهلالي ومنادي والعوام ..
والقاعة مليااااااااااااااااااااانه وأنواع الزحمه وأسئلة هلالية بحته وتشووووف أنواع الحماس واحد يفكر وواحد بالش بعمره حاطين سؤال من هو وجايبين صورة لاعب هلالي قديم وأخينا بالله ما يدري من هو ويحاول ينقش من واحد من الشيباااان جنبه بس خوينا الشايب مطرق له وناسفه تسنه ما يدري عنه وهذاك يلمح له يابو فلان لاهنت بس هالسؤال بس !! الله يحفظ لك محمد << طبعاً هذا محمد هو مهوب حفيد هالرجال إلا حفيد حفيده ما شاء الله تبارك الله .. وتشوف أنواع الحماس من الأعضاء وشيل وحط واحد يبي الجزيرة وواحد ما يبيها وواحد يبي الرياض والثاني لا وواحد يبي الرياضية والثالث لا وواحد يبي الندوة << إلا هي تطبع إلين الحين وإلا لا .. ومن هالكلام واللي يبي الأجانب واللي ما يبيهم وواحد يبي الإدارة والثاني لا وهذا حالهم آخر ما جيناهم .. طبعاً كان فيه زيارة من مجلس إدارة الموقع للوقوف على سير الإمتحان ولتفقد أحوال الأعضاء وكانت الزيارة من ابو فهد والإعصار وسلمان 99999 وابو ذكرى وفاهم جداً وأزرقني وكوكتيل وباقي أعضاء المجلس تساني نسيت منهم أحد طبعاً تخلف عن هالزيارة هلالي الجوف والموج لمراقبتهم على قاعة الإمتحان الخاصة بهم .. هذا بخصوص الجمهور الهلالي ..

أما بخصوص منتدى الرياضة السعودية كان فيه شيل وحط هناك والمراقبين شوي وإلا ينزلون العقال اللي هم الموج وتأبط هلالاً .. كانت الدعوة حماس من الأعضاء اللي يقول أن التحكيم هو اللي ساعد الإتحاد على التصدر واللي يقول أن التحكيم هو اللي طلع الهلال من المربع واللي يقول ويقول .. وكان فيه سؤال عن الكرة السعودية وسبب عدم تطورها بالشكل المطلوب وما الأسباب التي أدت إلى هذا الشئ << ياخي عقب هالسؤال مفروض أصير رئيس تحرير جريدة .. طبعاً أختلفت الأسباب والعوامل وكل عضو عنده رأي .. وآخر ما جيناهم كان الموج توه طارد واحد من الأعضاء لمحاولة الغش طبعاً نحتفظ بأسم اليوزر كان مبرشم على سرواله الطويل ..

أما الرياضة العالمية كانت القاعة أنواع الحماس اللي تشوفه لابس فلينة ريال مدريد واللي برشلونة واللي فالنسيا واللي اليوفي واللي روما واللي ميلان واللي انتر ميلان وانت ماشي كل واحد جاي بطقم هذي من شروط هلالي الجوف وMALINKO .. وزي ما أنتم عارفين أنه ممنوع دخول الإمتحان لمن ينضم لمجلس إدارة الموقع ولقينا الفيصل الهلالي داخل بفنيلة اليوفي ومتنكر بها يعنني ما كفشووووه وما درينا إلا وهلالي الجوف ينبرش على هاك الإنبراشه ولا أحمد جميل بعزه ويقوله تقلع أنت والفيديو اللي جايبه معك طبعاً الفيصل ناسي الوضع ويحسب أنه يبي يسجل مباراة جايب الفيديو وبعض التوصيلات لأن المسيكين طفش كلن يذاكر إلا هو وكلن يصحح إلا هو جالس لا شغله ولا مشغله .. قال ياولد ورى ما تدخل الإمتحان محد داري عنك .. لا تلومونه الفراغ وما يسوي ..

طبعاً منتدى كبار الكتاب وهذولا هم نفسهم اللي تشوفونهم يدرسون منازل كانت لهم قاعة خاصة ومكيف سبيلت جديد وانواع الفلة وشاهي وعصير وحركات لأن كل واحد أكبر من المشرفين والمراقبين عليهم ذولا هم الشياب .. ويطلعون بين الفترتين ولا أحد يقولهم شئ واسطااااااااااااااااات ..

ومنتدى الألعاب المتنوعة أنواع الفلة أختبارهم وشو ؟؟ مطامر ولعب جمبااااز وتشقلب بالهواء وركض ورمي جلة وغيرها وتشوفهم أنواع الضحك والوناسة واحد من الحماس يبي يتشقلب طب على حقين الجمهور الهلالي بالغلط ..

طبعاً منتدى الثقافة الإسلامية كان المشرف عليهم شيروكي طبعاً شيروكي مهوب متعب نفس بالمراقبة لأن واثق إن شاء الله أنهم أهل للثقة وأنهم يخافون ربهم أكثر من خوفهم من المراقب .. عشان كذا من بعيد لبعيد يراقب وكانت القاعة هدوء ولا تسمع وشوشه منا وإلا منا ..

كان المجلس العام هذا من جد أنواع الزحمة والحوسة وكان فيه قسمين قسم للرجال وقسم للنساء منعاً للإختلاط .. تشوف ابو سليمان وحبي تيماوي والبارق 2000 مغير يتمشوون بالقاعة والمراقبة للأعضاء خوفاً من الغش .. وكان سهل 888 [[ إلا يا سهل وش أخبار البرفسور <<< ناسي أنه جالس يكتب موضوع ]] وقدامه البرفسور ومتفقين بينهم أنهم يساعدون بعض تشوف سهل يطق كرسي البرفسور يقوله يا دب وش جواب السؤال الثالث فقرة ج .. يقوله ما ادري بس الظاهر أنها صح او يمكن خطأ بس الأكيد أنه واحد من هالأثنين << والله من الذهانه السؤال كان صع علامة صح أو علامة خطأ .. يوم شاف سهل ان الوضع كذا وان ما حولك احد وهو يحول على اللي جنبه ويقول انت هيه ياللي تمر من هنا يقصد الحاتمي وش الجواب حق السؤال الثالث فقرة ج .. قال الحاتمي شف إذا مريت من هنا بعلمك ويوم قفلت مع سهل وهو اللي يقوم ويطلع السن توب اللي بالدرج ومبرشم عليه قال السعة السعة لا بارك الله بالضيق [[ وش دخلها ما أدري !! ]] .. وطبعاً كان ابو سليمان و حبي تيماوي والبارق 2000 يراقبون الأعضاء ويتمشون بالقاعة ويشوفون أحد معه براشيم وإلا شئ !! وكان فيه كم سؤال يحوس الأعضاء !! أجل بالله هذي أسئلة !!
س 4 /
د / إذا كان البارق بالبدائع وحبي تيماوي يعدل رد بالمجلس العام كم درجة الحرارة عند ابو سليمان في حائل ؟؟!!؟؟

س 6 /
ب/ ما بين القوسين [ @ ] على ماذا يدل :

1/ علامة للبريد الإلكتروني . 2/ رد لحبي تيماوي . 3/ لا تدل على شئ .

س 8 /
هـ / إذا خيرت لرحلة للتمتع بهذا الصيف إلى أي الإختيارات التالية تختار :

1 / ماليزيا . 2 / سوريا <<< قديييييييييييييييييم ;) . 3 / البدائع . 4 / أسبانيا .

[ الله من الخبث عندك يالبارق .. طبعاً الإجابة الصحيحة هي البدائع ]

طبعاً الأزرق العالي كفشه ابو سليمان وهو يشرب من هالبايسون وهو متحمس بوسط القاعة ويوم قاله وش جابه ؟؟ وليش مدخله معك للقاعة ؟؟ قال والله يا ابو سليمان اني ما غشيت [[ اللي ببطنه ريح ما يستريح ]] قال ابوسليمان هو احد جاب طاري الغش هات خل اشوف انت مبرشم وإلا لا ويوم شاف ابو سليمان البايسون ما فيه شئ قال وشوله مدخله معك للقاعه أجل قال الأزرق والله يا بعدي أني متحمس وأخاف أنه يجيني النوم وإلا شئ هم أنام ويقضي الوقت وأنا ما جاوبت ولا سؤال !! [[ والله من زين العذر إلا قل والله اني مدمن ]] قام ابوسليمان وجغم منه جغمه يبي يشوف وش طعمه وهل فيه شئ منا وإلا منا !! ويوم ذاقه وجاز له طعمه وهو اللي يأخذه ويقول للأزرق بسرعه حل وخل عنك الخرابيط واخذ البايسون وكمل المراقبة .. حبي تيماوي كشف قرقاص وبروق نجد وهم يغشون بالقاعة وطردهم منها أجل بالله أحد يبي يغش يدخل معه الكتاب بكبره وبروق نجد وش مسوي !! من زود الذهانة عنده مدخل كتاب الجمهور الهلالي يعنني مضيع !!

طبعاً قاعة البنات وما أدراك ما قاعة البنات !!
يا فيها من السوالف !! وحده من البنات الله يستر عليها ومنيب قايل أسمها يوم شافت السؤال السابع فقرة [[ و ]] وهي اللي تدوخ ويغمى عليها !! كان السؤال فيه صورة ضب وطالبين منهم ذكر أسماء بعض الأعضاء في جسد الضب .. طبعاً الفيروسه الزرقاء حاولت تغش من كادي بس كادي مطنشتها تقول فارقي بس منيب ناقصتس توني جايه من القصيم وتعبانه وتبين اعلمتس اها بس خلين اخلص من اللي بيدي <<< ابد مهيب متحمسه .. ويوم شافت ان ما فيه فائدة من كادي وتقوم تحول على كيفي كويتية وهي اللي تقولها واللي يعافيتس قال كيفي كويتية وش تقولين ؟؟ ما فهمت الـ تس الأخيرة .. قال تكفين السؤال السادس تكفين قالت كيفي كويتية والله مو فاضيه لك خليني اخلص بدري عشان الحق على الطيارة قبل لا تروح علي الرحلة << ما عندها وقت جايه عشان هالإمتحان وتبي ترجع بنفس اليوم اخس يالبزنس ومان ..
ويوم شافت الفيروسة ان محد معطيها وجه وهي اللي تطلع البراشيم اللي معها وهي كانت حاطتها بشنطة الميك اب << حركااات وخبره هالبنت .. وتقوم وتنقش كل الأسئلة ويوم خلصت منها عطتها الماسة الزرقاء وقالت كملي حلتس وإذا قضيتي عطيها المملكة وإلا نجمة الإبداع .. وفيه أكثر من بنت برضوه نحتفظ بيوزراتهن عشان ما ينحرجن تاركات الحل وما يحلن شئ جالسات يفكرن ويتخيلن السؤال العاشر اللي يقول :

تمت دعوتك لحضور حفل زفاف فما نوع الفستان الذي ستلبسينه << لغة إنما أييييييه :

1/ كم روماني . 2 / شوقر . 3 / ساري . 4 / كرته <<< قديييييييييييييم << طبعاً هالكلام على حسب مصادرنا .
وكل وحده تتخيل وش تبي تلبس ومن زود الخيال تقول وحده منهن لا هالفستان لبسته بعرس فلانه ما ينفع وذا لابسته بعرس فلانه !!

عاد منتدى الكمبيوتر والإنترنت فالها اللهلوب جالس على المكتب وتارك الأعضاء ما يحتاج يقوم ويفر عليهم ويشوف هذا وش يسوي لأن إختبارهم كان نوعين نوع يتم عن طريق التصفيات كل واحد يحاول يهكر جهاز الثاني وإذا قدر يجي للبعده وأنت ماشي .. والنوع الثاني كان عن طريق فك حماية بعض البرامج واللي حاطها اللهبوب ومختارها بعناية .. عشان كذا كان جالس على المكتب وحاط رجل على رجل ويقرأ الجريدة وكان معه بيالتين شاهي وحده يشربها الحين و الثانية إذا خلصت البيالة الأولى ..

أما منتدى الإبداعات الهلالية .. كان الزعيم 2000 وابو ريناز جالسين وانواع السواليف .. ومن يوم تدخل القاعة وتشوووف هالحوسه وانواع الألوان على الأرض .. والأعضاء كل واحد جالس يرسم وجايبين ألوان خشبية وألوان زيتية وألوان مائية وألوان برية طبعاً هذي من الشروط عشان تدخل الإختبار .. وكل واحد معه خشبة من هالخشب اللي يرسمون عليه ومدهر رسم وكان الموضوع المطلوب رسمه إختياري [[ مثل كل درس للفنية وآخرتها كل الطلاب راسمين منظر طبيعي وفيه ماء وكم شجرة وبيت ]] ..

أما منتدى الألعاب الإلكترونية فكان da7imtuta أنواع الضحك والوناسة جالس يتفرج على الأعضاء وهم يلعبون وكان الإختبار عن طريق مباريات وكان دوري بخروج المغلوب وأنت ماشي وما تسمع إلا الصراااااااااااخ قوووووووووووووووووووووووووووول واللي يقول والله غش أنه مهوب بلنتي واللي متحمس بقوووووووه ويقول خل عنك والله يالحكم انه غاش معك لانك تعرفه .. وهذا وضعهم ما فيه إلا تكسير روس [[ وأمريكان ]] ..

عاد حقين الإتصالات مجمعهم The Master ومقسمهم لمجموعات كل مجموعة تمثل التلفون اللي معها تشوف بعضهم لابس فنيلة نوكيا وبعضهم اريكسون وبعضهم سيمنس وما جر غصنه .. وكل واحد يحاول يثبت ان جواله هو الصح فكان The Master يصلح المسابقة عن طريق كل واحد يحاول يرسل رسالة فيها فيروس ونشوف هل اللي مستقبلها يقدر يلغيها ويردها على خويه اللي مرسلها له .. يعني نفس مسابقة اللهلوب بس فرق شوي .. ويحاول يصفي كل واحد منهم .. وهذا حالهم واحد من الحماس أرسل رسالة ما فيها شئ بس انها سامجة بقوووووه هذاك اللي استقبلها انسحب من المسابقة بعد ما عجز انه يحاول يرسل رسالة اسمج منها ..

عاد يوم خلصنا من المنتديات سألنا إدارة الموقع متى النتائج وهل تتوقعون أن فيه رسوب ؟؟ قالت الإدارة أنه الموعد للنتائج يبي يكون على حسب مزااااج راعي الموضوع وإذا كان فيه دور ثاني هو اللي يبي يعلمكم

تحياتي للجميع ,.,

برايفت لبعض الناس .. هاه هالمره مهنا حلوووووم وش تقول !! [/ALIGN]

[ALIGN=CENTER]ابو طبيع مايخلي طبعه
كالعادة غشـــــاش ياصدى اليوم ((المتغ....))مايحتاج اكمل انت عارف الكلمة زين;)
ماقلتلي من وين ناقل الموضوع;)
تحياتي لك
مشكوووووووووووور جداً على الموضوع
يووووووووووووووووووووه لاكن>>>>((وش رايك كذا تكتب)) نسيت اعلمك من وين ناقل موضوع لاتسيو
تحياتي للمصحح الأملائي للشبكة وعز الله ماأحد نجح وانت تصحح وش رايك تأخذن معك اصحح
تمنياتي لك بالتوفيق في تصحيح امتحانات الشبكة وخاصة بالمجلس العام[/ALIGN]

[ALIGN=CENTER]
مرحبا بك يا صدى الأمس ..

وشلونك عساك طيب ..ووشلون الأهل والأخوان <---- مسك خط ..

أجل الله يعين الطلبه ... شكلك ما أمداك تخلص من آخر اختبار لك عشان تقولها ..

ذكرتني باللي ينجح من أولى تلقاه أول السنة الجديدة يضحك على حقين أولى يقول بزران ..

والسؤال الثاني بعد يقول وين تبي تروح في الصيف هذي ما يبي لها كلااااام..

وأحسن ما في موضوعك هذا إنه بدون حلم ;)..

بس سؤال : في منتدى الجمهور .. اللي جايب سؤال من هو اللاعب ( القديم ) يعرف إجابته وإلا لا ;)..


تحياتي ،،،
[/ALIGN]

مراحب يالصدى
موضوع متعوب عليه وشكلك بتقهر فيه الطلاب والطالبات عشان يعرفون ان ماعندك اختبارات وقاعد رايق تكتب هالموضوع

إقتباس أما منتدى الألعاب الإلكترونية فكان da7imtuta أنواع الضحك والوناسة جالس يتفرج على الأعضاء وهم يلعبون وكان الإختبار عن طريق مباريات وكان دوري بخروج المغلوب وأنت ماشي وما تسمع إلا الصراااااااااااخ قوووووووووووووووووووووووووووول واللي يقول والله غش أنه مهوب بلنتي واللي متحمس بقوووووووه ويقول خل عنك والله يالحكم انه غاش معك لانك تعرفه .. وهذا وضعهم ما فيه إلا تكسير روس [[ وأمريكان ]] ..

الا ياصدى مادام ماعندنا اختبارات انا وياك نروح نلعب معهم بلايستشن

..

إقتباس حبي تيماوي كشف قرقاص وبروق نجد وهم يغشون بالقاعة وطردهم منها أجل بالله أحد يبي يغش يدخل معه الكتاب بكبره وبروق نجد وش مسوي !! من زود الذهانة عنده مدخل كتاب الجمهور الهلالي يعنني مضيع !!

وش نسوي العتب على النظر والشوف شجر يالله الكتاب بكبره وعسى نشوفه بعد

تسلم يدين الكاتب صراحه موضوع رايق

بس فيه خبر شين يقولون ان منتدى الجمهور الهلالي لم ينجح احد

يقولون معقدينهم بالاساله جايهم سؤال يقول احسب الانحارف المعياري لاسم سامي الجابر

بعد اخر خمستين في منتدى الجمهور الهلالي !!

اما منتدى كبار الكتاب والله شي كانهم مثل المنازل

صدى الامس

مرررررررررراحب

لاتتكلم على المشرفين كبار الضابط >>>ماعندك احد>>منيب صاحيه
......
الحمد الله منيب مع الغشاشين
..............
وموضوع رررررررررروعه حقيقه مهوب مجامله
يعطيك العافيه...
تحيااااااااااااااااااااااااااااااااااتى

هلا وغلا بخوي صدى الأمس ;)
وينك ياخوي لك فترة ماشفناك

لكن من طول الغيبات جاب الغنايم
الصراحة موضوع تحفة مسكت :p

إقتباس حبي تيماوي كشف قرقاص وبروق نجد وهم يغشون بالقاعة وطردهم منها أجل بالله أحد يبي يغش يدخل معه الكتاب بكبره وبروق نجد وش مسوي !! من زود الذهانة عنده مدخل كتاب الجمهور الهلالي يعنني مضيع

هههههههههههههههه الله يرجك ياصدى باتسر

ياخوي وش اسوي متوقع ان حبي تيماوي بب حاط باله



توشكر خبيبي على هيك موضوع

تحياتي لـ إلك كلياتك
اخوك بروق نجد

هههههههههههههههههههههههههههههه


الله يعطيك العافية ؟

@ >>>>>>>> تراهـ ما تقطع يوم قرا ذي

الـحـاتـمــي ...



مــر مـــن هــــنــــا ...


ويـقـول : بصراحة يا صدى البارح ,, انا سلمّت الورقة بيضاء !!

أرعجنا سهيلان هو وولد عمّه ( دددددددي ) الواحد ما يعرف يسمع كلمة ينقش منها !!

[ALIGN=CENTER]أهـلـيـن صـدى الأمـس ..

وش هالإبداع ؟؟

مـوضـوع رهـيـب .. و أكيد إن وراه ( عـلـبـة بـايـسـون ) ..

إقتباس طبعاً الأزرق العالي كفشه ابو سليمان وهو يشرب من هالبايسون وهو متحمس بوسط القاعة ويوم قاله وش جابه ؟؟ وليش مدخله معك للقاعة ؟؟ قال والله يا ابو سليمان اني ما غشيت [[ اللي ببطنه ريح ما يستريح ]] قال ابوسليمان هو احد جاب طاري الغش هات خل اشوف انت مبرشم وإلا لا ويوم شاف ابو سليمان البايسون ما فيه شئ قال وشوله مدخله معك للقاعه أجل قال الأزرق والله يا بعدي أني متحمس وأخاف أنه يجيني النوم وإلا شئ هم أنام ويقضي الوقت وأنا ما جاوبت ولا سؤال !! [[ والله من زين العذر إلا قل والله اني مدمن ]] قام ابوسليمان وجغم منه جغمه يبي يشوف وش طعمه وهل فيه شئ منا وإلا منا !! ويوم ذاقه وجاز له طعمه وهو اللي يأخذه ويقول للأزرق بسرعه حل وخل عنك الخرابيط واخذ البايسون وكمل المراقبة

و بـعـد ..

الله يـرج عــدوّك !!

الحمد لله إن أبـو سـلـيـمـان ما درى عـن مـوضـوع الإدمــان !!

عـاد تــصــدق .. راعـي الــبــقــالــة يـبـي يـرسل لي ( خـطـاب شـكر ) لأنـي كـسّـبـتـه !!

يـعـنـي قـبـل مـا أدخــل للـبـقـالــة أشــوف الـرجـال يـسـتـقـبلـنـي بـعـلـبـة ( بايسون ) ..

مـشـكـور على هالـمـوضـوع اللي مـا أقـدر أعـبّــر عـنـه إلا بــ ..

تحياتي ..[/ALIGN]

[ALIGN=CENTER]

هلا والله بصدى الامس

إقتباس ويوم شافت ان ما فيه فائدة من كادي وتقوم تحول على كيفي كويتية وهي اللي تقولها واللي يعافيتس قال كيفي كويتية وش تقولين ؟؟ ما فهمت الـ تس الأخيرة .. قال تكفين السؤال السادس تكفين قالت كيفي كويتية والله مو فاضيه لك خليني اخلص بدري عشان الحق على الطيارة قبل لا تروح علي الرحلة << ما عندها وقت جايه عشان هالإمتحان وتبي ترجع بنفس اليوم اخس يالبزنس ومان ..

بصراحه انا اكتشفت شي في الفيروسه اذا سألتها سؤال عطتني اجابة غلط
لا يغركم كلام صدى الامس.. ترى الفيروسه (دافورة)

اسألني عن كادي مدمنة براشيم .. وازيدك من الشعر بيت .. تراهي تبدل ورقة امتحانها مع اماراتيه عشان اماراتيه شاطره ما شاءالله عليها وتعرف تحل كل شي:p[/ALIGN]