توقعناها من غيرك تجي .. ياما توقعنا
كبيرة منك ياصالح بحق نفوس تطربها.
تعودنا ياابو ابراهيم بكل ابداع تمتعنا
ولكن ماتعودنا ..على الاحباب تقلبها
نبيك تعلم الاقلام كيف الوصف والمعنى
ولكن مانبيك تكون ..للجهّال مضربها
كثير ايام تفرحنا..بكلماتك وترفعنا
لان اسلوبك الاجمل ..لان حروفك الابهى
كثير ايام تكتب عن دواخلنا ..وتسمعنا
تعبرعن خواطرنا..كأن احنا اللي نكتبها
نأيد انك تدافع عن( المسعر ) مدافعنا
وتنصف كل ذي انصاف ..لكن لا تخربها
تهاجم موقع ٍ ازرق ..بكل محبة ٍ معنا
ترى ماله دخل اصلا ..وذي الموجة مايركبها
وفي الموقع محبينك ..وناس ما تقاطعنا
غريبة كيف ترضيها ..ونفس الوقت تغضبها
نبي حرف ٍيقربنا..بكل اسلوب يجمعنا
كفانا ماجرى ..والله يجازي اللي مسببها
قصيدة قهوة مني لكل اللي بموقعنا
تفضل يابوابراهيم بنكهة حب اشربها