#1  
قديم 11/04/2001, 02:19 AM
زعيــم مميــز
تاريخ التسجيل: 13/11/2000
المكان: السعودية _ حــائــل
مشاركات: 1,663
Question

الاخ العزيز عماد ,,,,,,, والاخوة الأعضاء .... تحية طيبة ... وبعـــد ..

لقد كتب الاخ العزيز عماد قبل فترة عن .. لعبة (( البلاي ستيشن 2)) وعن شريط ((وينتج إليفن)) .... الدوري الياباني رقم " 5 " ...

وذكر الاخ العزيز عــــمـــــاد بأن من بين المنتخبات التي في الشريط المنتخب السعودي وتقريباً في أخر تشكيلة له (( تشكيلة كأس آسيا 2000 م ))

كما ذكر بأن أهازيج الجمهور السعودي التي في الجهاز هي أهازيج الجمهور الهلالي الحبيب وعندما يردد .... (( ياهلاااااااااااااال ))

كما أكد صحة كلامة الاخوة الاعضاء الباقين

وسؤالي بالتحديد ..(( واللي هو زبدة الكلام )) ... وأريد الأجابة الشافية وبسرررررررررعة ... هو..

ماهو أسم الجهاز بالتحديد ؟؟ ... ومانوعيتة ؟؟.... يعني ياباني أو أمريكي أو أوروبي !! وما أسم الشريط بالضبط ؟؟ .... وكم سعرهما ؟؟

وماهو المكان اللي أجده فيه؟؟

........ أقول ماني كفو عربيه فصحى ... كلما أرجع واقرى اللي كتبت فوق أحس أني مافهمت شي من السؤال !!!
يعني وبالعامية ..... أبي اسم ونوع كالجهاز اللي لاشغلة به ذاك الشريط أطالع الشلهوب وأسمع الجمهور الهلالي يردد (( ياهلااااااال))

وأنا غداً بمشيئة الله وبالتحديد في العصر قادم لمدينة الرياض لمساندة زعيم الاندية يوم الجمعة

واللي أبية وش اسم المحل اللي القى فية الجهاز و الشريط ؟؟ ..... مع تحديد مكانة بالضبط !!

الله لايهينكم أريد الاجابه قبل الظهر ....... بسرررررررررعــــــــــــه
  #2  
قديم 11/04/2001, 06:45 AM
زعيــم فعــال
تاريخ التسجيل: 10/01/2001
المكان: المملكة
مشاركات: 400
هلا اخوي وش دعوى الفصحى عندك ممتازة و ما فيها شي ...
الجهاز هو بلايستيشن 2 PlayStation 2 و تلقاه تقريبا في كل محلات الرياض و خاصة محلات النسر و اذا ما كنت تعرف وين محلات النسر اكيد تعرف مركز الشعلة راح تلقى لهم فرع هناك بس شوف اذا كنت بس تبي تلعب ويننج اليفن 5 و ما تبي العاب غيره اشتري بلايستيشن 2 ياباني لان ويننج اليفن اصلي متوفر و اظنه ب280 اما اذا كنت تبي تلعب بغيره فانصحك بالنظام الامريكي و قلهم يركبون لك قطعة تشغيل الكوبي ثم دور عن ويننج اليفن 5 كوبي ولا يضحكون عليك ترى في شريط ياباني مرسوم عليه منتخب اليابان و مكتوب 2000 هذا واحد يقلد ويننح اليفن يعني لا تشتري اي شي مكتوب عليه 2000 ويننج اليفن الجديد لازم يكون مكتوب عليه 5 و ارجو اني اكون وضحتلك الصورة و ترى اسعار الجهاز مختلفة من محل لاخر ....
  #3  
قديم 11/04/2001, 10:41 AM
زعيــم مميــز
تاريخ التسجيل: 13/11/2000
المكان: السعودية _ حــائــل
مشاركات: 1,663
Talking

يعطيك آلف عافيــة ... أخوي عمـــاد .... وماقصرت .... وعساك على القوة ..

وقسم بالله لو أني رايح لاحد المحلات وانا ماقريت ..(( توجيهاتك السديدة)).. كان علووووم وانواع النصب والضحك عليّ من أصحاب المحلات ..

ومادام محلات النسر لهم فرع في مركز الشعلة .... فالحمدلله أجل وصلنالهم ..

وبالنسبة للشريط أعتقد أن أحد الأخوة في موضوعك السابق وضع صورة لغلاف الشريط والتي عليها صورة لاحد لاعبي اليابان .... فما أدري هل هو هذا الشريط ؟؟

ومرة اخرى شكراً لك ....
  #4  
قديم 12/04/2001, 01:34 AM
زعيــم فعــال
تاريخ التسجيل: 10/01/2001
المكان: المملكة
مشاركات: 400
العفو يا اخوي و الشريط اللي مرسوم عليه اللاعب الياباني هو ويننج اليفن 5 -Winning Eleven 5- و لا تنسى ان الشريط اللي مكتوب عليه 2000 هو شريط غير ويننج اليفن لان راعين المحلات نصابين يبون يصرفون هالشريط باي طريقة ...
اسف على التأخر في الرد بس ما ادري وش قصة رسائل الاعلام بالردود هالايام ما توصلني ؟؟؟
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 06:23 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube