نادي الهلال السعودي - شبكة الزعيم - الموقع الرسمي - إخـــتــــبــــارات شـــــبــــكــــة الـــــزعــــــــيـــــــم !!

[ALIGN=CENTER]
http://www.crearecountry.com/flowerdivider.gif

إقتباس:

يالله أنك تحييهم ..

الله يحيك ويبقيك

إقتباس:

وقبل كل شئ الله يوفق أبنائنا الطلاب <<< يوم قلتها حسيت أني صرت شايب وتعدى الـ 60 .. في أمتحاناتهم وإن شاء الله ينجحوووون كل أبوهم في إمتحان الآخرة وهو الأهم وإمتحان الدنيا ..

اللهم آمـــــيــــــن :)

إقتباس:

أول شئ نشوف وش اللي صاير في قاعة الجمهور الهلالي .. وطبعاً المراقبين معروفين هم محمد ابو لما وابو بدر و الصوت الهلالي ومنادي والعوام ..
والقاعة مليااااااااااااااااااااانه وأنواع الزحمه وأسئلة هلالية بحته وتشووووف أنواع الحماس واحد يفكر وواحد بالش بعمره حاطين سؤال من هو وجايبين صورة لاعب هلالي قديم وأخينا بالله ما يدري من هو ويحاول ينقش من واحد من الشيباااان جنبه بس خوينا الشايب مطرق له وناسفه تسنه ما يدري عنه وهذاك يلمح له يابو فلان لاهنت بس هالسؤال بس !! الله يحفظ لك محمد << طبعاً هذا محمد هو مهوب حفيد هالرجال إلا حفيد حفيده ما شاء الله تبارك الله .. وتشوف أنواع الحماس من الأعضاء وشيل وحط واحد يبي الجزيرة وواحد ما يبيها وواحد يبي الرياض والثاني لا وواحد يبي الرياضية والثالث لا وواحد يبي الندوة << إلا هي تطبع إلين الحين وإلا لا .. ومن هالكلام واللي يبي الأجانب واللي ما يبيهم وواحد يبي الإدارة والثاني لا وهذا حالهم آخر ما جيناهم .. طبعاً كان فيه زيارة من مجلس إدارة الموقع للوقوف على سير الإمتحان ولتفقد أحوال الأعضاء وكانت الزيارة من ابو فهد والإعصار وسلمان 99999 وابو ذكرى وفاهم جداً وأزرقني وكوكتيل وباقي أعضاء المجلس تساني نسيت منهم أحد طبعاً تخلف عن هالزيارة هلالي الجوف والموج لمراقبتهم على قاعة الإمتحان الخاصة بهم .. هذا بخصوص الجمهور الهلالي ..

:D:D:D:D:D:D
يوووووووووه الله يعين اللي موجودين هناك من جد أنواع القلق والحر والزحمه بس تدري وش احلى مافيه .. يقدرون يغشون بكل سهوله :D
بس تتوقع :blueroll:
ابولما وشلة المشرفين الجمهور ==>> أختصار :D
معهم بعد ابوفهد وكوكتيل والإعصار وفاهم جداً وأزرقني يقدرون يكتشفون اللي يغشون :D
==>> كنسلت سلمان 99999 وأبو ذكرى لان بصراحه ماعمري شفتهم :D:bigeek: واتوقع مايدخلون كثير ===>> الله يخلف عليها بتتوقف :dead:
بس تعال وأنا أختك ابومنار ووين مراقب فيه !!
بالجمهور وإلا بالكمبيوتر والإنترنت :rolleyes: وإلا عندنا بالعام :bigrazz:
وبعدين افا بس افا فيه أحد ينسى ابو منار :mad: ماتحب استاذك :bigrazz:

إقتباس:

أما بخصوص منتدى الرياضة السعودية كان فيه شيل وحط هناك والمراقبين شوي وإلا ينزلون العقال اللي هم الموج وتأبط هلالاً .. كانت الدعوة حماس من الأعضاء اللي يقول أن التحكيم هو اللي ساعد الإتحاد على التصدر واللي يقول أن التحكيم هو اللي طلع الهلال من المربع واللي يقول ويقول .. وكان فيه سؤال عن الكرة السعودية وسبب عدم تطورها بالشكل المطلوب وما الأسباب التي أدت إلى هذا الشئ << ياخي عقب هالسؤال مفروض أصير رئيس تحرير جريدة .. طبعاً أختلفت الأسباب والعوامل وكل عضو عنده رأي .. وآخر ما جيناهم كان الموج توه طارد واحد من الأعضاء لمحاولة الغش طبعاً نحتفظ بأسم اليوزر كان مبرشم على سرواله الطويل ..

:D:D:D:D:D:D
موووب هينيييييين (( سهلين للي مايعرفون هالكلمه :bigrazz: ==>> وش على بالك مايعرفون مثلك :mad: ))
الموج وتأبط هلالاً ماعندهم وقت والله :D
وحركه والله الموج يعرف يطرد :o بس خساره ماطرد المراقب الاوضاع ==>> أبد ماتقصد صدى الامس :razz:

إقتباس:

أما الرياضة العالمية كانت القاعة أنواع الحماس اللي تشوفه لابس فلينة ريال مدريد واللي برشلونة واللي فالنسيا واللي اليوفي واللي روما واللي ميلان واللي انتر ميلان وانت ماشي كل واحد جاي بطقم هذي من شروط هلالي الجوف وMALINKO .. وزي ما أنتم عارفين أنه ممنوع دخول الإمتحان لمن ينضم لمجلس إدارة الموقع ولقينا الفيصل الهلالي داخل بفنيلة اليوفي ومتنكر بها يعنني ما كفشووووه وما درينا إلا وهلالي الجوف ينبرش على هاك الإنبراشه ولا أحمد جميل بعزه ويقوله تقلع أنت والفيديو اللي جايبه معك طبعاً الفيصل ناسي الوضع ويحسب أنه يبي يسجل مباراة جايب الفيديو وبعض التوصيلات لأن المسيكين طفش كلن يذاكر إلا هو وكلن يصحح إلا هو جالس لا شغله ولا مشغله .. قال ياولد ورى ما تدخل الإمتحان محد داري عنك .. لا تلومونه الفراغ وما يسوي ..

خخخخخخخخخخخخخخخخخ
خطير الفيصل الهلالي .. الله يهديه ورى مافزع معك وخليته يصور لنا اشكال الاعضاء وقاعات الاختبار :D
وأنا عارفه ليش أختار منتدى الرياضه العالميه موب علشان اليوفي لااااااااا
لان ولد الجوف ومالينكو مايدرون خير شر عن الاعضاء :D فاختار الرياضه العالميه
وإلا هو وده بالجمهور بس اللي هناك مراقبين كثار واحتمال يكشفونه عاد يجيه خصم من راتبه لمدة 3 شهور :D

إقتباس:

طبعاً منتدى كبار الكتاب وهذولا هم نفسهم اللي تشوفونهم يدرسون منازل كانت لهم قاعة خاصة ومكيف سبيلت جديد وانواع الفلة وشاهي وعصير وحركات لأن كل واحد أكبر من المشرفين والمراقبين عليهم ذولا هم الشياب .. ويطلعون بين الفترتين ولا أحد يقولهم شئ واسطااااااااااااااااات ..

:D:D:D:D
قوويه منازل .. وحركات والله عندهم بريك
مالت علينا :mad: المويه مانقدر نشربها إلا بعد مانطر منهم :mad::D

إقتباس:

ومنتدى الألعاب المتنوعة أنواع الفلة أختبارهم وشو ؟؟ مطامر ولعب جمبااااز وتشقلب بالهواء وركض ورمي جلة وغيرها وتشوفهم أنواع الضحك والوناسة واحد من الحماس يبي يتشقلب طب على حقين الجمهور الهلالي بالغلط

:D:D:D:D:D
ياااي وناااااااااسه
طيب مايبادلونا لو بساعه وحده .. بس بس ساعه
على فكره من الحكم عندهم :D
وإلا الدنيا فوضى في ذاك وعلى كيف كيفهم مثل حقين كبار الكتاب :mad::D

إقتباس:

طبعاً منتدى الثقافة الإسلامية كان المشرف عليهم شيروكي طبعاً شيروكي مهوب متعب نفس بالمراقبة لأن واثق إن شاء الله أنهم أهل للثقة وأنهم يخافون ربهم أكثر من خوفهم من المراقب .. عشان كذا من بعيد لبعيد يراقب وكانت القاعة هدوء ولا تسمع وشوشه منا وإلا منا ..

ماشاء الله عليهم .. شكل قاعتهم تجننننننننننننن
تتوقع لو اروح هناك بقاعتهم انام :D

إقتباس:

كان المجلس العام هذا من جد أنواع الزحمة والحوسة وكان فيه قسمين قسم للرجال وقسم للنساء منعاً للإختلاط .. تشوف ابو سليمان وحبي تيماوي والبارق 2000 مغير يتمشوون بالقاعة والمراقبة للأعضاء خوفاً من الغش .. وكان سهل 888 [[ إلا يا سهل وش أخبار البرفسور <<< ناسي أنه جالس يكتب موضوع ]] وقدامه البرفسور ومتفقين بينهم أنهم يساعدون بعض تشوف سهل يطق كرسي البرفسور يقوله يا دب وش جواب السؤال الثالث فقرة ج .. يقوله ما ادري بس الظاهر أنها صح او يمكن خطأ بس الأكيد أنه واحد من هالأثنين << والله من الذهانه السؤال كان صع علامة صح أو علامة خطأ .. يوم شاف سهل ان الوضع كذا وان ما حولك احد وهو يحول على اللي جنبه ويقول انت هيه ياللي تمر من هنا يقصد الحاتمي وش الجواب حق السؤال الثالث فقرة ج .. قال الحاتمي شف إذا مريت من هنا بعلمك ويوم قفلت مع سهل وهو اللي يقوم ويطلع السن توب اللي بالدرج ومبرشم عليه قال السعة السعة لا بارك الله بالضيق [[ وش دخلها ما أدري !! ]] .. وطبعاً كان ابو سليمان و حبي تيماوي والبارق 2000 يراقبون الأعضاء ويتمشون بالقاعة ويشوفون أحد معه براشيم وإلا شئ !!

:D:D:D:D:D
أخس والله ياسهل فعلاً مانت سهل :bigeek::D
تعرف تبرشم .. وتغش اجل والله مالوم نفسي اذا كنت خبيره بهالمجال :bigrazz: طالعه على مديري :razz:
بس تصدقون بوسليمان وحبي تيماوي والبارق عميان :bigeek::D=>> بتتوقف 9 شهور :cry:
أجل ماشافوا علبة سن توب مطلعه :mad: أكيد سهلوه عنده واسطه :o وإلا كان مسكه البارق :D

إقتباس:

س 4 /
د / إذا كان البارق بالبدائع وحبي تيماوي يعدل رد بالمجلس العام كم درجة الحرارة عند ابو سليمان في حائل ؟؟!!؟؟

س 6 /
ب/ ما بين القوسين [ @ ] على ماذا يدل :

1/ علامة للبريد الإلكتروني . 2/ رد لحبي تيماوي . 3/ لا تدل على شئ .

س 8 /
هـ / إذا خيرت لرحلة للتمتع بهذا الصيف إلى أي الإختيارات التالية تختار :

1 / ماليزيا . 2 / سوريا <<< قديييييييييييييييييم . 3 / البدائع . 4 / أسبانيا .

[ الله من الخبث عندك يالبارق .. طبعاً الإجابة الصحيحة هي البدائع ]

كشششششششششششششششخه اسئلتكم :D
وش زينها والله أحسن منا :mad: حاطين لنا اسئله صعبه .. سالتهم ليش تحطون لنا اسئله صعبة قالوا علشان نتخبر ذكائكم :D يعني بس احنا اللي يختبرون ذكائهم والتماسيح مايبون يختبرون ذكائهم :blueroll:

:cry::cry::cry: مساكين أحنا نرحم :cry::cry::cry:

إقتباس:

طبعاً الأزرق العالي كفشه ابو سليمان وهو يشرب من هالبايسون وهو متحمس بوسط القاعة ويوم قاله وش جابه ؟؟ وليش مدخله معك للقاعة ؟؟ قال والله يا ابو سليمان اني ما غشيت [[ اللي ببطنه ريح ما يستريح ]] قال ابوسليمان هو احد جاب طاري الغش هات خل اشوف انت مبرشم وإلا لا ويوم شاف ابو سليمان البايسون ما فيه شئ قال وشوله مدخله معك للقاعه أجل قال الأزرق والله يا بعدي أني متحمس وأخاف أنه يجيني النوم وإلا شئ هم أنام ويقضي الوقت وأنا ما جاوبت ولا سؤال !! [[ والله من زين العذر إلا قل والله اني مدمن ]] قام ابوسليمان وجغم منه جغمه يبي يشوف وش طعمه وهل فيه شئ منا وإلا منا !! ويوم ذاقه وجاز له طعمه وهو اللي يأخذه ويقول للأزرق بسرعه حل وخل عنك الخرابيط واخذ البايسون وكمل المراقبة .. حبي تيماوي كشف قرقاص وبروق نجد وهم يغشون بالقاعة وطردهم منها أجل بالله أحد يبي يغش يدخل معه الكتاب بكبره وبروق نجد وش مسوي !! من زود الذهانة عنده مدخل كتاب الجمهور الهلالي يعنني مضيع !!

:D:D:D:D
شكل بوسليمان كان عطشان مره .. الظاهر الفراش ماجاب له شاهي :D
ومسكييييييين الآزرق رحمته
يالله خيره بغيرها يالازرق بس هاه ماوصيك وأنا أختك مره ثانيه قبل لاتعطيه بوسليمان اشربه بجغمه وحده :D ثم عطه ==>> تعلمه النذاله :bigrazz:

أخس أخس أخس يالقووووووووووي ياحبي تيماوي منت هين والله
حركات تعرف تطرد :D

أما بروق ماشاء الله قمه بالذكاء :D

إقتباس:

طبعاً قاعة البنات وما أدراك ما قاعة البنات !!

:D:D:D
مأخذين راحتنا وأنا أختك .. ماعندنا لا مراقبين ولا مراقبات :D
بس تعالى بسألك سؤال :blueroll:
وشلون دخلت :bigrazz: ==>> أبد مااحرجته :D

إقتباس:

يا فيها من السوالف !! وحده من البنات الله يستر عليها ومنيب قايل أسمها يوم شافت السؤال السابع فقرة [[ و ]] وهي اللي تدوخ ويغمى عليها !! كان السؤال فيه صورة ضب وطالبين منهم ذكر أسماء بعض الأعضاء في جسد الضب ..

أيييييييييييييييييييييه عرفتها ذيك أم شوشه منفوشه :D
بس يااخي يافيها نذاله هالبنت أشوفها تحل وتحل واقولها تكفين ساعدني مفحطه باول سؤال قلت وخري من هناك الغش حرام وانا مااحب أغشش
قمت وصكيته بعين :D مادريت الا وهي مغممى عليها لانها شافت صورة ضب => توقيت فايروسي عيونها خخخخخخخخ

إقتباس:

طبعاً الفيروسه الزرقاء حاولت تغش من كادي بس كادي مطنشتها تقول فارقي بس منيب ناقصتس توني جايه من القصيم وتعبانه وتبين اعلمتس اها بس خلين اخلص من اللي بيدي <<< ابد مهيب متحمسه .. ويوم شافت ان ما فيه فائدة من كادي وتقوم تحول على كيفي كويتية وهي اللي تقولها واللي يعافيتس قال كيفي كويتية وش تقولين ؟؟ ما فهمت الـ تس الأخيرة .. قال تكفين السؤال السادس تكفين قالت كيفي كويتية والله مو فاضيه لك خليني اخلص بدري عشان الحق على الطيارة قبل لا تروح علي الرحلة << ما عندها وقت جايه عشان هالإمتحان وتبي ترجع بنفس اليوم اخس يالبزنس ومان ..

:no::no::no::no::no:
ذكرتني بالذاك اليوم اللي اكتشفت فيه خيانه صديقاتي ونذالتهم :mad: كانت صدمه لي :bigeek::cry:
اجل صديقتهم مايساعدونها :(.. وانا لو طلبوا مني اي شيء على طول اطمر :D.. ابشري سمي خذي :D
بس ارووووووويك فيهم :D==>> أبد ماشبيت النار بينهم :razz:

إقتباس:

ويوم شافت الفيروسة ان محد معطيها وجه وهي اللي تطلع البراشيم اللي معها وهي كانت حاطتها بشنطة الميك اب << حركااات وخبره هالبنت .. وتقوم وتنقش كل الأسئلة ويوم خلصت منها عطتها الماسة الزرقاء وقالت كملي حلتس وإذا قضيتي عطيها المملكة وإلا نجمة الإبداع ..

:D:D:D:D
حركات والله أعرف اغش
بس تصدق ماسوه أزعجتني :mad: يااخي طول وقتها هذي الكلمه وشي .. انا ماتذكر اخذنا مثل كذا
اقولها يابنت الحلال حلي وأنتي ساكته ==>> أبد ماخربت الاخلاق :D

إقتباس:

وفيه أكثر من بنت برضوه نحتفظ بيوزراتهن عشان ما ينحرجن تاركات الحل وما يحلن شئ جالسات يفكرن ويتخيلن السؤال العاشر اللي يقول :

تمت دعوتك لحضور حفل زفاف فما نوع الفستان الذي ستلبسينه << لغة إنما أييييييه :

1/ كم روماني . 2 / شوقر . 3 / ساري . 4 / كرته <<< قديييييييييييييم << طبعاً هالكلام على حسب مصادرنا .
وكل وحده تتخيل وش تبي تلبس ومن زود الخيال تقول وحده منهن لا هالفستان لبسته بعرس فلانه ما ينفع وذا لابسته بعرس فلانه !!

:D:D:D:D:D
اييييييييه عرفتهم :razz:
لا وفيه وحده خربت الاخلاق معها قامت من زود الحماس طلعت الكتالوج تختار لها فستان:bigeek::D

إقتباس:

عاد منتدى الكمبيوتر والإنترنت فالها اللهلوب جالس على المكتب وتارك الأعضاء ما يحتاج يقوم ويفر عليهم ويشوف هذا وش يسوي لأن إختبارهم كان نوعين نوع يتم عن طريق التصفيات كل واحد يحاول يهكر جهاز الثاني وإذا قدر يجي للبعده وأنت ماشي .. والنوع الثاني كان عن طريق فك حماية بعض البرامج واللي حاطها اللهبوب ومختارها بعناية ..

يازين أختبارهم زيناه
والله فله وناسه
يااخي هذولاء الناس المتطورين :D ماعندهم ورقه وقلم .. يقلدون اليابانيين بالاختبارات :D

إقتباس:

عشان كذا كان جالس على المكتب وحاط رجل على رجل ويقرأ الجريدة وكان معه بيالتين شاهي وحده يشربها الحين و الثانية إذا خلصت البيالة الأولى

لا لا لا تصدق صدى شرب البيالتين مع بعض :bigeek::D

إقتباس:

أما منتدى الإبداعات الهلالية .. كان الزعيم 2000 وابو ريناز جالسين وانواع السواليف .. ومن يوم تدخل القاعة وتشوووف هالحوسه وانواع الألوان على الأرض .. والأعضاء كل واحد جالس يرسم وجايبين ألوان خشبية وألوان زيتية وألوان مائية وألوان برية طبعاً هذي من الشروط عشان تدخل الإختبار .. وكل واحد معه خشبة من هالخشب اللي يرسمون عليه ومدهر رسم وكان الموضوع المطلوب رسمه إختياري [[ مثل كل درس للفنية وآخرتها كل الطلاب راسمين منظر طبيعي وفيه ماء وكم شجرة وبيت ]] ..

ناس متطوورين وناس راجعين للورى :bigrazz: ==> ابد ماسبتهم

إقتباس:

أما منتدى الألعاب الإلكترونية فكان da7imtuta أنواع الضحك والوناسة جالس يتفرج على الأعضاء وهم يلعبون وكان الإختبار عن طريق مباريات وكان دوري بخروج المغلوب وأنت ماشي وما تسمع إلا الصراااااااااااخ قوووووووووووووووووووووووووووول واللي يقول والله غش أنه مهوب بلنتي واللي متحمس بقوووووووه ويقول خل عنك والله يالحكم انه غاش معك لانك تعرفه .. وهذا وضعهم ما فيه إلا تكسير روس [[ وأمريكان ]] ..

ياازين أختبارهم زيناااه :D
بس غريبه داحم توتا ماعصب عليهم يوم رفعوا اصواتهم وصارخوا .. تراه شديد :D

إقتباس:

عاد حقين الإتصالات مجمعهم The Master ومقسمهم لمجموعات كل مجموعة تمثل التلفون اللي معها تشوف بعضهم لابس فنيلة نوكيا وبعضهم اريكسون وبعضهم سيمنس وما جر غصنه .. وكل واحد يحاول يثبت ان جواله هو الصح فكان The Master يصلح المسابقة عن طريق كل واحد يحاول يرسل رسالة فيها فيروس ونشوف هل اللي مستقبلها يقدر يلغيها ويردها على خويه اللي مرسلها له .. يعني نفس مسابقة اللهلوب بس فرق شوي .. ويحاول يصفي كل واحد منهم .. وهذا حالهم واحد من الحماس أرسل رسالة ما فيها شئ بس انها سامجة بقوووووه هذاك اللي استقبلها انسحب من المسابقة بعد ما عجز انه يحاول يرسل رسالة اسمج منها

:D:D:D:D:D:D
وااااااااااااو اختبارهم حلو ومنظم
موب عاقلين طلاب الاتصالات

إقتباس:

عاد يوم خلصنا من المنتديات سألنا إدارة الموقع متى النتائج وهل تتوقعون أن فيه رسوب ؟؟ قالت الإدارة أنه الموعد للنتائج يبي يكون على حسب مزااااج راعي الموضوع وإذا كان فيه دور ثاني هو اللي يبي يعلمكم

أذا كانت النتايج على حسب راعي الموضوع فأجل ماراح نشوفها خير شر :cry: وبتطلع السنه الجايه s37s
==>> أبد ماسبت صدى :D

عموما ،،
أنا في أنتظار النتيجه ..
وإن شاء الله ياااااااارب ينجحني البارق وابوسليمان وحبي تيماوي ويقولون الفيروسه ذي نبي الفكه منها ويطلعوني لسنه ثالثه مدري رابع :D ==>> ماتعرف هي باي صف :D

إقتباس:

برايفت لبعض الناس .. هاه هالمره مهنا حلوووووم وش تقول !!

أيه زيييين موضوعك .. أجعله دوم كذا :bigrazz:
بس تكفى المره الثانيه اكتب وانت تحلم باحلام ياقضه :D
==>> يعنني هي المقصوده ببعض الناس :o

** تعليقات **

إقتباس:

ذكرتني باللي ينجح من أولى تلقاه أول السنة الجديدة يضحك على حقين أولى يقول بزران

:D:D:D:D
كانك داري أني اسويها خخخخخخخخخخخخ

إقتباس:

في منتدى الجمهور .. اللي جايب سؤال من هو اللاعب ( القديم ) يعرف إجابته وإلا لا

لوووووووووووووووووووووووووووووووووووووووووووول
==>> ماتت ضحك :D

والله أنك أكوس مشرف ==>> ابد ماقلدت ولد الدجه :o

إقتباس:

أرعجنا سهيلان هو وولد عمّه ( دددددددي ) الواحد ما يعرف يسمع كلمة ينقش منها !!

غريبه ماصدت هالكلمه ياصدى الآخطاء :D
شنو أرعجنا !! أنا أتذكرها أزعجنا :D
يمكن معاني الكلمات تغيرت مع الزمن :razz:خخخخخخخخخخخ

إقتباس:

بصراحه انا اكتشفت شي في الفيروسه اذا سألتها سؤال عطتني اجابة غلط
لا يغركم كلام صدى الامس.. ترى الفيروسه (دافورة)

:no::no::no::no:
الله يسامحك يالدوووووبه ويالشينه :D
أنا أعطيك إجابه غلط ... وإلا انتي :mad:
يوم سالتك وقلت لك ماهي طريقة الكبسه قلتي لي بن همام :D وش دخله بالطبخه ماادري :bigrazz:

إقتباس:

اسألني عن كادي مدمنة براشيم .. وازيدك من الشعر بيت .. تراهي تبدل ورقة امتحانها مع اماراتيه عشان اماراتيه شاطره ما شاءالله عليها وتعرف تحل كل شي

اييييييه صادقه :o
كاديوه من تحت لتحت .. آه منها آه
تفأجاءة منها ومن خبرتها في هالمجال :D

أدري طولت عليك ياصدى بس تحملني يااخي
موضوعك خطير :D
لاتحرمنا من كتاباتك

تحياتي لك ،،
أختك / الفيروسه الزرقاء

http://www.crearecountry.com/flowerdivider.gif
[/ALIGN]

[ALIGN=CENTER]هلا والله بالجميع .. وعذراً على الرد المتأخر ..

هلا والله بالأزرق العالي ..

يالله أنك تحييه وتبقيه يارب .. هلا والله براعي البايسون الأول ما شاء الله تبارك الله ..

إقتباس:

مـوضـوع رهـيـب .. و أكيد إن وراه ( عـلـبـة بـايـسـون ) ..

تبي الصدق وإلا ولد عمه !!
ولد عمه ايه ورى هالموضوع علبة بايسون :D !!
بس الصدق وراه ******** :D <<< فضح عمره :D

إقتباس:

الحمد لله إن أبـو سـلـيـمـان ما درى عـن مـوضـوع الإدمــان !!

لو هو داري كان خلاك تمسك الباب وانت ما تشوف الدرب يا بعد حيي ;) !!

إقتباس:

عـاد تــصــدق .. راعـي الــبــقــالــة يـبـي يـرسل لي ( خـطـاب شـكر ) لأنـي كـسّـبـتـه !!

يـعـنـي قـبـل مـا أدخــل للـبـقـالــة أشــوف الـرجـال يـسـتـقـبلـنـي بـعـلـبـة ( بايسون ) ..

ما يلام !!
ما شاء الله عليك .. ما كسبه إلا أنت والظاهر أن الشركة تبي تعطيك شهادة تقدير وشكر :D

تحياتي لك يا خلفهم وما ننحرم من هيك ردود خيو :D

<<< قلب على الموجه اللبنانية :D

هلا الفيروسه الزرقاء ..

إقتباس:

ياأخي مدري ليش جهازي مايحب موضوعك !!

يمكن لانك جايب طاري إختبارات

الحمد لله ان الشعور متبادل :D :D <<< يسمع بالكلمة :D

إقتباس:

ماعلي منه يحب موضوعك وإلا مايحبه راده راده الله لايعوقني من شر ==>> أجل أخر زمن أشاور جهاز

اي والله أخر :D زمن :smilewink

إقتباس:

بس موب اليوم برد عليك .. بكره الحين الفيوز ضاربه وتبي تنام ==>> بعد 3 ساعات بالتمام والكمال بكمل 24 ساعه مواصله

تصدقين ليتك راده وانتي كذا ازين من ذاك الموضوع مدري ذاك الرد :D

إقتباس:

==>> ماتعرف تنام إلا 8 ساعات اواكثر او ماتنام

يقولون ان معدل النوم الطبيعي من 7 إلى 8 ساعات :D أنتي لا ذي ولا بنت الذي :D

إقتباس:

يالله سي يؤ

C يؤ :D اما يؤ :D

تحياتي لكِ ..

هلا كيفي كويتية ..

إقتباس:

تصدقين زين ما سوت فيك الفيروسه :bluesky: :bluesky:
وبعدين وشلون تصير دافورة وهي ذي حالتها براشيم وخبال :D

إقتباس:

طيب دام كادي معها براشيم ليش تبدل ورقتها مع اماراتيه !!
جيبي كلام معقول :D !!
<<< يعنني الحين كلامه فيه شئ بسيط من الواقعية :D

تحياتي لكِ ..

هلا wolfblue .. يالله انك تحييه .. تفضل يا بعدي ما حولك احد :D

إقتباس:

هلا اخوى صدى بصراحه موضوعك مو حلو ولا ينفع ابد

هذا الواقع :D <<< يحسب أن الرجال يمدحه :D

إقتباس:

<<<<< مقهور علشان اسمه ما انكتب ما يدرى انه لسا فى الصفوف الأولى

لا يا بعدي .. أسمك ما كتبناها لأنك أنت من الكبارية يعني أنت من درجة البرفسور وأنت طالع :D ومنت حق إمتحانات وخرابيط :D << إجحدها عاد :D

إقتباس:

بس ثانى مره خلنى مع المجلس العام اوسع والتكييف حلو هناك انواع الزحمه والحر

اي تكييف واللي يرحم والديك !!
ما تشوف العالم تسبح عرق وأنتم بكرامه :D قال تكييف قال :D

تحياتي لك ..

هلا والله سهل 888 ..

إلا وش أخبار البرفسور :D :D

إقتباس:

يا كثرك

أشكرك على شعورك النبيل :D

إقتباس:

والله البايسون الطيب >> شكله خارجي
صدى عطنا النتايج شكلي بقعد لكم واحد عند باب المدرسه

أنا قلت للأزرق العالي .. كانك تبي الصدق فهو ******** :D <<< فضح عمره :D
أما ولد عمه ايه بايسون :D بس محلي :D مهوب من ربع الـ 100 مليون :smilewink
النتيجة تبون تشوفونها قريب إن شاء الله بس خل نخلص تصحيح :D

تحياتي لك ..
إلا وش أخبار البرفسور :D :D

هلا والله صدى الامس !!
ياخي وش فيك قاط معي بالموضوع كل شوي ترد :D

هلا ريم الزعيم ..

إقتباس:

بصراحه زعلت
لي اربع سنوات في المنتدى ماقد احد قالي هاالكلامِ الا انت ياصدى الامس
وانا كنت قاصده اني ارد على موضوعك......ابشوف وش تبى ترد علي ...!!!!!
مثل كل مره ولا لا
على العموم شكرا لك

زعلتي !!
طقي راسك بالجدااااااااار وأكثر ما كثر الله جدران المنتدى :D :D

امزح ..

بس جد والله أحياناً أشوف لك ردود واضحه ومفهومه وأحياناً أشوف لك ردود كأنها ألغاز وشفرات !! ولا أقدر أفكها !!

تحياتي لكِ ..
وموضوعك قريته وكان واضح بس أنا كنت أتكلم عن الردود وإلا المواضيع ما جبت طاريها ;)

هلا والله الفيروسه الزرقاء ..
هلا والله بارعية الموضوع مدري الرد :D

الله يعين ورانا مشوااااار من جد مع رد هالخبله :D

إقتباس:

يوووووووووه الله يعين اللي موجودين هناك من جد أنواع القلق والحر والزحمه بس تدري وش احلى مافيه .. يقدرون يغشون بكل سهوله

بدري عليهم والمشرفين موجودين !!
هذولا ناس ما تلعب ولا ترحم :bluesky:

إقتباس:

كنسلت سلمان 99999 وأبو ذكرى لان بصراحه ماعمري شفتهم واتوقع مايدخلون كثير ===>> الله يخلف عليها بتتوقف

اللهم آمين وأبركها من ساعه :D
<<< قليل خاتمه :D

إقتباس:

بس تعال وأنا أختك ابومنار ووين مراقب فيه !!
بالجمهور وإلا بالكمبيوتر والإنترنت وإلا عندنا بالعام
وبعدين افا بس افا فيه أحد ينسى ابو منار ماتحب استاذك

ابو منار معطينه الربع إجازة :D !!
<<< عاش مصرف :D

إقتباس:

وحركه والله الموج يعرف يطرد بس خساره ماطرد المراقب الاوضاع ==>> أبد ماتقصد صدى الامس

وشلون تصير المراقب الاوضاع :D !!
أخبرها يا مراقب الاوضاع !!! أو المراقب !!
أما تجمعين بينهم ذي ما تجي :D
بعدين ما يقدر يطردني !! لا هو ولا إدارة الموقع بكبرها :D !!

<<< :bluesky:

إقتباس:

لان ولد الجوف ومالينكو مايدرون خير شر عن الاعضاء

الظاهر أنك ما تدرين عنهم !!
والله يا هم قشرااااااااااااااااااااااااان :D وما ينتحارشوووون :D

إقتباس:

هو وده بالجمهور بس اللي هناك مراقبين كثار واحتمال يكشفونه عاد يجيه خصم من راتبه لمدة 3 شهور

يعني قصدك ان كلام الجاسر صحيح !!؟؟!!
<< ابد ما وده يوهقها :bluesky:

إقتباس:

مالت علينا المويه مانقدر نشربها إلا بعد مانطر منهم

من قالتس ما تصيرين من كبار الكاتبات :D

إقتباس:

طيب مايبادلونا لو بساعه وحده .. بس بس ساعه

ليه ؟؟ ناويه تستعدين لـ أولمبياد أثينا :D

إقتباس:

بس تصدقون بوسليمان وحبي تيماوي والبارق عميان

إهانه للمشرفين !!
وتعدي عليهم ووصفهم بالعميان !!

<<< ابد ما يبيها تتوقف :D

إقتباس:

مأخذين راحتنا وأنا أختك .. ماعندنا لا مراقبين ولا مراقبات
بس تعالى بسألك سؤال

:rolleyes::rolleyes:

إقتباس:

وشلون دخلت ==>> أبد مااحرجته

مثل المغاتير :bluesky: :bluesky: :bluesky:

إقتباس:

بس يااخي يافيها نذاله هالبنت أشوفها تحل وتحل واقولها تكفين ساعدني مفحطه باول سؤال قلت وخري من هناك الغش حرام وانا مااحب أغشش
قمت وصكيته بعين مادريت الا وهي مغممى عليها لانها شافت صورة ضب => توقيت فايروسي عيونها خخخخخخخخ

صكيته !! وإلا صكيتيها !!
:bluesky: :bluesky: :bluesky: :bluesky:

إقتباس:

ذكرتني بالذاك اليوم اللي اكتشفت فيه خيانه صديقاتي ونذالتهم

بالذاك !! :rolleyes::rolleyes::rolleyes:

إقتباس:

أذا كانت النتايج على حسب راعي الموضوع فأجل ماراح نشوفها خير شر

أول شئ .. إذا تكتب كذا >> إذا .. أجل أذا :bluesky:
وبعدين وراكم عجلين على رزقكم !!
ترى في العجلة الندامة :D

إقتباس:

يمكن معاني الكلمات تغيرت مع الزمن

والدليل راجعي ردك :bluesky: :bluesky: :bluesky:

إقتباس:

أدري طولت عليك ياصدى بس تحملني يااخي

الظاهر ردك أطول من الموضوع بكبره :D
ولازم نتحملك !!
بس متى يجيك التوقيف بعد الكلام اللي تعديت فيه على المشرفين !!

<<< ملزم أنها تتوقف :D:bluesky::D

تحياتي لكِ ..

هلا والله ابو الذهب ..
يالله انك تحييه .. وتبقيه .. وشلونك يا بعدي ..
نور المنتدى والموقع كله بوجودك يالشين :D <<< خربها بآخر شئ :D

إقتباس:

واحد حسود ويبيهم يسقطون

بعدي والله :bluesky:
<<< نفس النمونة :D

إقتباس:

حتى هنا ممنوع الاختلاط وين نروح

أنت شفت !!
ياخي بكل مكان ممنوع :( !!
ومالنا إلا أبو هيثم :D

إقتباس:

مدمن معك سلف زقاره يالحبيب

ابشر .. كما ابو الذهب عندنا :D

إقتباس:

اقول صدى ترا الصحن يدور

هههههههههههههههههههههههههههههههههه
هههههههههههههههههههههههههههههههههههههههههه
هههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه

حسبي الله على عدوك :D انا اشهد انك منسم تنسيم :D أكبر من حي النسيم :D <<< لزوم السجع :D

تحياتي لك يا بعدي .. وما ننحرم من هيك طلات ;) وسلم لي على جاج لا هنت .. إلا هو وش أخباره :D
<<< يبي يمسك بسالفة جاج وابو الذهب مثل سالفة سهل والبرفسور :D

تحياتي للجميع ..

يحلفووووون ان الإدارة لازم تعطيني شهادة شكر وتقدير :D وإجازة لمدة أسبوع في أسبانيا :D .. عقب ما خلصت الردود كلها :D .. ويكفي رد هالفيروسه :D اللي أطول من مواضيع الزعيم بكبره :D [/ALIGN]

* تم تعديل بعض العبارات .. والإجازة ولا حتى تحلم فيها :D
إدارة الموقع