من ذاكرة اخـتبارات الـثانوي .
مرحبا بالجمـيع
..
اتـذكر وانا في اللحظات هذي لحظات الاخـتــبارات النــــهائيـه .. قـبل كـم سنه ..
كـنا يـدور بـيـننا اتصالات انا والداوفير اللي مثي
.. على هااااه ؟ تهربت اسئله ؟ جاك شيء ؟ واذا جاك شيء تكفى علمني ؟
المـهم .. الساعه 2 الليل جاني اتصل من ولد عـمـي يقـولي ترا اسئلة الرياضيات تهربت ترا بمرك
.. قلت .. ترا فيني النوم تتكلم جد ولا تستهبل . قال يلا انا تحت عند الباب ... انزل ..
نـزلت الا وهذي هي الاسئله قدامي
.. مدري وش اسوي ؟
المهم شفت وشاف الاسئله .. الزبده ماعرفنا نحل ولا سؤال
!!
دقـينا على طالب دفور مثلي
.. وصحيناه من النوم وقلنله الاسئله تهربت بنجيك نعطيك اياها ------> الله من الخبث
الا تبون يحلها لكم
!
المهم على مابال مارد علي وكذا الين الساعه 3 والاختبار باقي عليه 3 ساعات ونصف ! المهم بدأ يحل فيها ويعدل الين خلص من كل الاسئله .. وبدأ يشرح .. للوحين اللي يطالعونه
.. المهم من الساعه 3.30 الين قبل الاختبار واحنا جالسين نحفظ الاسئله ..
جـيـنا واحنا مبسوطين ان الاسئله معنا ومحلوله
..
نـجي نجلس على الطاولات ، تـتــوزع الأوراق .. نشوف الاسـئله .. ثم نشوفها مره ثانيه .. ويطلع اول سؤال اختيارات
.. نشوف السؤال الثاني والثالث واللي بعدده .. ومايطلع ولا سؤال من الي حفظناها جاء في الاختبار
.
الـتــفــت لولد عـمي .. واشوفه يحك رأسه ويبي المدرس يغششه
!!
الزبده :
- لا تـعـتـمدون على اي اسئله تـتـهرب من أي جهه كـانت .
- لا تحاول تـرد على ولد عمك وقت الاختبارات لانه بـينكبك
.
- الله الله بالـبراشيـم