هلا كايدهم

موضوع حلو

اكثر ذكرياتي طرافة هي تسرب مادة النحو الفصل الدراسي الأول في ثانوية النجاشي من قبل المدرس المصري محمد عباس ، كانت فضيحة تاريخية .. الاسئلة تسربت بالكامل و 90% من الطلاب كانت درجاتهم فوق الـثلاثين من 35 .
غني عن القول أن هذا المدرس حسب ما اذكر كانت تلك آخر سنة له في السعودية .. حيث واصل ( تخريب الامور ) في الفصل الثاني في الاختبارات الشهرية بشكل أشنع .. لدرجة ان في أحد الاختبارات أحضر معه كتاب ضخم ليتوسده بعد توزيع الاسئلة .. ثم ينام !!

أترك لك تخيل ماكان يجري في الفصل حينذاك ..

بالنسبة لاختبارات الوزارة أكثر موقف طرافة كان في اختبار مادة الجيولوجيا .. أذكر في أحد الدروس توقيت العصور وسنواتها كان درس غثيث حسبما اذكر ، الشاهد من الموضوع وبينما نحن في صالة الامتحان الا ونسمع بصوت خفيف جدا .. العصر الكربوني كذا وكذا .. الخ ، صوت واضح يصدر من شخص بجانبي ( داق اللطمة ) التفت اكثر من مرة وتأكدت أن مصدر الصوت منه رغم أن شفته لا تتحرك !!
اقترب احد المدرسين الذين شكوا في الوضع ... وفجأة .. سحب المدرس شماغ الطالب الذي كان موصل بسلك جانبي إلى مسجل صغير في جيبه .. ضحك الطالب بابتسامة ساخرة .. وكان الاستاذ يضحك ويقول (( ياقدمك )) هههههههه

ياخي والله انا كمان صارلي مثلك في اسئلة الوزارة للرياضيات السنة اللي قبل الماضية
الشباب اللي دوافير مثلي بلغوني انوا الاسئلة اتسربت واتهربت بالفاكس المهم جابوا نسخة وجلسنا نحاول نحلها ماعرفنالها جبنا المصريين والزلمات الدافير لحد ماحليناها ماكن باقي على الاختبار الا ربع ساعة واتلاسئلة اللي معانا اختيارات عاد مالحقت احفظها قلت مافي الا اسجلها على يدي المهم سجلتها على يدي ودخلت الاختبار وانا اقول الرياضيات وضمنه <<<متعقد من الرياضيات
الا الاحتبار اخروه نص ساعة بعد دخل عللينا مراقب من الوزارة بنظارات سود وقام يوزعوا الاسئلة اول ماشفت الروقة جالي انهيار الاسئلة غيروه وحطوا اسئلة الدور الثاني وهاتلك كلها اشرح واثتبت (وانا صفرين على الشمال في هالاسئلة) ولا سوأل جااء اختيارات المهم جاني الانهيار وجلست نص ساعة ماادري راسي يدور اخذتها نوم ماصحيت الا اخر ساعة
المهم قلت ياولد الفلك كتاب جديد<<<الحاجة ام الاختراع
بعد ماخلص الوقت سلمت الورقة
جت النتيجة وانا ناجح ماادري كيف بس (الله يخلي مدرسة اليعقوبي بالخبر) اهم شي نجحت اللي يتذكر الرياضيات السنة قبل الماضية كان اصعب اسئلة مرت على تاريخ الوزارة
الحمد لله نجحت بس انا الحين بالغربة بماليزيا
بس برضو الغش ماشي معانا وها المرة لما يكون كون في اختيارات نغشش بعض بالعربي <<< افلقني لو فهموها

ذكرتوني باخوي الصغير يوم كان في سادس ابتدائي..

السالفة باختصار ان الوالدة (الله يطول في عمرها) سوت له فطور ويم افطر قالت يالله راح اختبر..

طبعاً المدرسة تبعد 100 متر عن البيت.. يعني بالعربي الولد يوح كعابي..

المهم ان ابو الشباب قال باطلع فوق اجيب الكتاب وبعدها بمشي,, عاد اخونا في الله يوم شاف السرير ماقاوم وصك ام النومة وسحب على الاختبار والوالدة طبعا مادرت,,

بعد مرور ساعة الا والجرس يدق وترد الوالدة: نعم!! طلع واحد م المدرسي يقول خلوا ولدكم يجي يختبر سلامات وراه ما جاء..

الوالدة انهبلت وقالت انا متأكده انه طلع من البيت الله يستر عسى مافيه شي (وتخبرون الحريم عاد)

المدرس طلع شقردي.. وقال تعوذي من ابليس ودوريه بالبيت يمكنه نايم هنا ولا هنا..

يوم راحت لغرفته واثر ابو الشباب يشخر.. وهي الي (تتعامل معه بعنف)..

عاد المسيكين توحش وجته عقده من النوم قبل الاختبار الى وقتنا الحالي..