صف لنا ردة فعلك... عقب نكسة الهلال الاخيره
 

:D:D:)طريقة اتمنى ان تكون جديده في طرح المواضيع بعيدا عن التقليديه وبحثا عن التجديد وطردا للرتابه... واذا فيه احد سواها قبلي ارجو المعذره لاني ترى مثل ماذكرت يمكن هذا اول منتدى اشارك فيه...
على العموم امممممممممممم:)
كلنا كهلالين كنا متفائلين بالهلال ذيك المباراه لعدة اعتبارات اهمها انها تقام على ارض ستاد الملك فهد الي شهد ملاحم هلاليه تاريخيه .... لكن ابيك بكل صراحه توصف لي ردة فعلك كيف كانت ومرمى الهلال يستقبل تلك الاهداف..:sigh:
خلوني ابدا بنفسي انا بصراحه كنت حاضر المباراه مع اخوي الي دايم اي مباراه احضرها معه
بعد القول الاول لهم جتني رساله من خويي اللي يشجع الفريق المنافس مارديت عليه بعدها جاب الهلال التعادي طبعا الجمهور كان يحتفل وانا مشغول ادور على جوالي لانه طاح مني يوم نقزت:D
انتهى الشوط على كذا والهلال كان مستواه يبشر بالخير..
الشوط الثاني جاب الاهلي الثاني وبدت الاتصالات ثاني مرة .....
جاب الثالث
ومازال عندي امل ان الهلال راح يسوي شئ :D
جا الرابع اخوي قام مادري وين راح :razz:
وانا في حالة ذهول وصدمه شديده
مادريت بنفسي الا انا ابكي زي الطفل :sad: جا اخوي سحبني من يدي وهو يسب ويلعن وانا مدري وش يقول جالس اناشق :p
وحنا طالعين سمعنا صيحة الجمهور المنافس الا هو الخامس لهم ...
انا الى اليوم يومي نومي متقطع بسبب ذيك المباراه
والحمد لله اني خلصت الامتاحنات قبل المباراه بيوم والا كنت راح اقاطع الامتحانات بعد :D

اتمنى من كل عضو يوصف لي مشاعره ذيك اللحظة
وكيف كان وقع النكسة عليه