|
افتكاك كرة + ارتقاء رائع + مهارة + ثقة بالنفس = عبد اللطيف الغنام ضااالة الزعيم بسم الله الرحمن الرحيم ,, أولاً : نبارك للأشقاء جماهير ولاعبي وإداريي فريق الشباب فوزهم على ( الطحالب ) بهدفين رائعين أحدهما ( كبري ) . ثانياً : بصراحة شدني وأعجبني جدا ً ذلك الكابتن الرائع الذي قاد فريقه لليلة بكل ثقة وكأنه لاعب في الثلاثينات من العمر بالرغم من أنه لم يتجاوز 23 سنة , إنه المحور الرائع الفنان الذي يليق كثيراً بالفانيلة الزرقاء الهلالية ( عبد اللطيف الغنام ) ياناس والله ذبحنا خالد عزيز بالرغم من اجتهاده , وذبحنا الخثران وياليته يرجع للشباب ازين . ثالثاً : زيد المولد وآآآآآه ياخانة الظهير الأيسر :sad: أنا شخصياً أعتبر خلو خانة الظهير الأيسر من اللاعب الفذ هي سبب الخماسيتين من (( اللي مايسوى واللي بعد مايسوى :mad: )) أعلم أن بعضكم ربما لن تعجبه هذه المطالبات وسيقول أن الإدارة ليست في خدمة أعضاء منتديات شبكة الزعيم وقد يقول البعض ( أحسن شيء اطلب فريق الشباب كله ) والله ياليت مادام ماعندنا ناس فالحة ليه لا ؟؟؟ مادام المفرج (( الله يبعده عن الهلال )) وأشكاله موجودين ليه مانطلب الغنام وزيد المولد ليه لا ؟؟ ياناس انا من خمسة الشارقة اعاني من قهر غير طبيعي ياناس والله لو اي واحد عنده اقل قدر من المعرفة بالكورة كان نزّل الجري أو النزهان ظهير ايسر ولايبلينا ويرفع ضغوطنا بـ ( الظهير الطائر ) فهد المفرج . ياناس والله ذبحتونا وحنا حيين . هذا هو البلوي دفع 15 مليون وجاب كريري والودعاني , ادفعوا مثلها وجيبوا لنا الغنام وزيد المولد وكفااية فضااااايح ترى خلاااص متنا متنا متنا :sad: |
8 8 8 8 اول شي اسم الاعب عبدالطيف الغنام اخوي لاعب مميز جدا ونتمنى من ادارة النادي اتمام الصفقة |
السلام عليكم ورحمة الله وبركاته أخوي إسمه عبداللطيف الغنام صراحه محور رائع وله مستقبل انشاءالله |
الشباب جالس يبني من جديد لا تتوقعون يترك واحد من لاعبيه :) |
يعني اصبح الشباب قطع غيار للاندية ووووين مدرسة الهلال الكروية اليس فيها مواهب كرووية تذكر .. |
حسب علمي ان عبداللطيف الغنام عمره الان 20 سنه لاعب فنان وجسم جيد في الالتحام .. صغير في العمر ولعب باسلوب الكبار وفكر المحترفين وفوق كذا اخلاق ومحترم يكفيك انه شوي ويكون حافظ للقران ماشاء الله عليه .. حافظ تقريبا 25 جزء من ايام مابرز مع منتخب الشباب في بطولة اسيا وانا عيني عليه واتابع لمساته الحلوه ياليت يبدا الموسم الجاي مع الهلال |
وأنت مصدق أن الشباب بيتخلون عنه بسهوله !! لابعد من اللي يبغاه الهلال ؟؟ بدري من جد ؟؟ هذا الشيحان الحين وهو عمره واصل الـ 70 يالله بالطقاق عطوكم اياه !!؟؟ حاولوا تطورون مستوى خالد عزيز ولاتفكرون في لاعبين غيره ؟ّ؟ّ؟ّ؟ّ؟ّ؟ّ؟؟ّ؟ّ؟!!!!!!! |
[ALIGN=CENTER]اللاعب عبد اللطيف الغنام من مواليد عام 1402هـ يعني عمره 23سنة تقريباً جسمه رائع يعني بنية محور فكر راقي قوة تسديد إرتقاء بالنسبة للتعاقد معه فممكن توجهون السؤال لصاحب القناعات الغريبة والتي بسببها فقد الهلال هذه الموهبة ما أقول إلا حسبي الله عليك يا راعي الحليب عندما سأله الشيخ أبو مساعد كم يستاهل اللاعب قال ولا ريال على فكرة بسبب تفكيره المادي فقد الهلال الكثير من المواهب ويأتي بعض الأعضاء ويطالبوا بعودته [/ALIGN] |
هلالي جلاجل مشكور على المعلومات الررائعة والله زدت قهري يوم قلت انهم فرطوا فيه |
صبحك الله بالخير اخوي اولاً: اعتقد مستحيل الشباب يتخلى عن لاعب مثله وخاصه انهم يبحثون الآن عن البطولات.. ثانيا: لو انهم يوفرون فلوسهم ويخلونها لبناء جيل المستقبل يااخي عندك البرقان الجريء العنبر الصويلح المطرف الرائع اللي يحترف الملعب بالرغم من صغر حجمه... نجوم صغار لكن ماراح يعرف الهلال ولا الجمهور اللي ضدهم قيمتهم لين يروحون لنادي ثاني.. ونعض اصابع الندم عليهم... تحياتي |
وش بتسوي لو تدري انه تمرن في الهلال وماكان يبغى الا 100 الف اعتقد ولاعطوه وجه؟؟ |
مساء الخير شباب اللا عب عبداللطيف الغنام وبما اني قريب من صديقه فهو من مواليد 1404هـ وهو كان يتمرن في الهلال لكن للاسف باي باي فهو هلالي حتى الموت صدقوني فهوا يعشق الهلال وينتمي من عائله هلاليه فهوا يتمنى اللعب للهلال لانه يعشقه والولد ثقه في كل شي حتى الكلام والله فهوا ذو اخلاق رائعه وعطوه الكابتنيه عشان اخلاقه العاليه والمحترمه فلاعبين الشباب اللي اكبر منه سلموا الكبتنيه له جميعهم ارغموها عليه لا نهوا محبوب الجميع واتمنى منكم يازعماء انكم ترفعون خطاب للنادي لاحضار هذا اللاعب في اقرب وقت لان البلوي قد تشاور مع الاداره الشبابيه وابدة موافقه اولى هذا الكلام اكيد ياليته يلعب للهلال ينسينا عزيز وطقته والله انه كفوا وانتوا شفتوه امام الاهلي ايش سوا عطل جميع الكور عنهم والله انه يستحق الهلال بس نبغى مفاوضات من الان الحقوا عليه قبل لاينخطف منا مثل ماراح غيره اتمنى تدخل عبدالرحمن بن مساعد وعبدالرحمن بن سعيد في الموضوع ياليت يارب. |
معلومة مهمة يقول المعلق الشهير محمد البكر في تعليقه على إحدى مباريات منتخب الشباب : اللاعب عبد اللطيف الغنام يحفظ 27 جزء من القرآن . فكيف تستغربون بروز ونباغة وتميز ونجابة هذا اللاعب . فائدة : كان اللاعب عبد الله البرقان اللاعب السابق لنادي الهلال يتميز بهذه الميزة بين زملائه فبرز حتى وصل إلى المنتخب في بطولة الخليج التاسعة في الرياض عام 1408هـ . أخوكم : الكاتب النحرير جدة ـ بوابة الحرمين الشريفين الجمعة المباركة 9 / 4 / 1425هـ |
مشكور ياخوي على اقتراحك بس لي تعقيب بسيط في لاعب وانت ذكرت اسمه وهو الجري طيب مادام عندنا الجري ليش نجيب احد ثاني مع العلم انا المدرب العجلاني مقتنع في المفرج ومدام غيرنا المدرب فاكيد اراء المدربين حتختلف فنصبر يمكن اوسكار يقتنع في الجري عاشــــق الزعيــــم |
والله اتمنى واقسم بلله من يوم شفته يلعب مع المنتخب وكيف الادمي فيه ثقه غير طبيعيه تمريرات متقنه ويكفي انه صغير ويطلع منه هالمستوى وانشالله نشوفه هلالي في الموسم القادم . ملاحظه للجميع : اولا اختلاف الراي لايفسد للود قضيه واحنا حبايب مهما اختلفنا نتفق على حب الزعيم ثانيا ياحبايبي الكل يطالب باعفاء بعض اللاعبين منهم المفرج والضعيف صحيح مستواه ضعيف لكن تردى زياده والسبب المدربين اللي نكبوه في خانة هو في غنا عنها والسبب هذا اثر على الشريده الله لايحرمنا منه ولا من ولاءه لشعار الزعيم الغامدي اقسم بلله ان اللاعب عنده الكثير واصبروا عليه عزيز رجعوه لخانة الدوخي وعطوه وقت وشوفوا وش يجي منه تراوري :اتمنى انه يستمر (هداف بدون صانع لعب ) اما البقيه (الخثران ,سيفوا ,سيسيه ابو الاجنحه )بااااااااي بااااااااي وااااااسف على الاطاله والموضوع خارج عن موضوع الكاتب لاني لو كتبت موضوع عنه ماراح احد يدخل وسلامتكم اخيرا تقبلو تحيااااااااااتي |
[ALIGN=CENTER] والله ياكثر مطالبكم كل من لعب مباراه كويس تبون الهلال يجيبه قال عبد اللطيف الغنام وش يطلع هذا والله الهلال أكبر منه ومهوب حاجته والله لو أنه روبرتو كارلوس واذا حافظ 20 جزء من القرآن يعني نجيبه علشان كذا أحنا بنادي ماحنا بمدرسة تحفيظ قرآن عندنا بالاولمبي اللي أحسن من الغنام مليون مره [/ALIGN] |
8 8 8 8 8 8 الى يا عمري يا سامي هلا اخوي ... اولا عبداللطيف لاعب ممتاز للغايه ومحد يقول بنجيبه عشانه حافظ للقران لكن هذي احد مميزاته .... صحيح انها ما تفيد مهاريا لكنها مفيده في النادي عساه انشا الله يغير من اخلاق بعض اللاعبين اذا جا..... إقتباس:
والله ان كلامك مظبوط:yes::yes: |
مع المنتخب الأولمبي عادي جداً .. بس مع الشباب مستواه مميز وكذلك عبده عطيف واحمد عطيف .. وش السبب ما أدري .. !! |
الشباب قاعد يبني فريق للمستقبل ونتمنى ان يفعلها الهلال ويدخل عناصر من الاولمبي والذين لديهم الكثير من المهارات العاااااااليه ومااتوقع الشباب راح يتخلى عن اي لاعب لانهم الجيل الواعد للشباب |
[ALIGN=CENTER]فعلا اللاعب عبداللطيف الغنام لاعب برز بشكل كبير..ولاعب يتمتع بمهارات تنقص بعض لاعبي الهلال للاسف وياليت نشوفه بالهلال بالقريب العاجل...[/ALIGN] |
ياليتني اشوفه هلالي في اقرب وقت |
اما الغنام فهو لاعب ذو أخلاق عالية ولاعب صاحب فكر كروي كبير وخير دليل شارة الكابتنية التي أعطيت له (وياليت الأمير بندر يفتح المفاوضات مع الشباب ونتمنى أن يكون الموسم القادم هلالي) وبخصوص زيد المولد فأتوقع أن الجري فيه الخير والبركة تحياتي |
صح لسانك اخوي والله عبد اللطيف الغناااام لاعب جيد وان شاء الله ينتقل للهلال |
أقول أنتم تمنوا بس ولجلجوا في هالمنتدى لين تملون :o :o كل ما شفتوا لكم لاعب مميز قلتوا نبيه وتشاورون بعضكم في مستواه اللي يسمعكم يقول وش هالكاش:D :D الله يخلف عليكم وعلى اعضاء شرفكم ما عنكم وعن كديش افريقيا |
[ALIGN=CENTER]السلام عليكم ورحمه الله وبركاته... *كلنا شاهدنا ليله البارحه...المستوى اللي قدمه فريق الشباب... مستوى بصراحه اكثر من رائع... عبد اللطيف الغنام..احد اللاعبين المميزين ليله البارحه..هو والدوسري... والهلال فعلا بحاجه لاعب با امكانياته خصوصا محور الارتكاز... يا ليت يجينا ...ويفكنا من انصاف اللاعبين... لكن هل فعلا تمرن الغنام مع الهلال في وقت سابق؟[/ALIGN] |
رد: افتكاك كرة + ارتقاء رائع + مهارة + ثقة بالنفس = عبد اللطيف الغنام ضااالة الزعيم إقتباس:
|
| الوقت المعتمد في المنتدى بتوقيت جرينتش +3.
الوقت الان » 09:29 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd