يا هلاليين ((الي يبيها على بلاطه)) يدخل
 

صدقوني يا معشر بنو هلال
صدقوني هذا الوضع والي يقول غير كذا يغالط نفسه


سبب تدهور الهلال في السنوات الماضيه ((ولا تهون السنه)) سببه اعضاء الشرف

والمسبب لهذا السبب هو وبكل صراحه ووضوح ((وبالمشرمخي))على قوله اهل سويا(( وعلى بلاطه)) مثل ما يقولون المصاروه هو:


((الهلال اصبح آخر اهتمامات اعضاء الشرف الاكارم))

فلم يعودوا يعشقوا انتصاره مثل اول
ولم يعودوا يهتموا بفرح جمهوره
ولم يعودوا يقاتلوا لأجل تحقيق صفقه لأجله

والقائمه تطول


العكس والنقيض تشاهده في ((هوامير جده)) فقد انقلب الحال واصبحوا هم من يملكوا هذه الميزات واصبح همهم الاول والاخير انديتهم حتى يحققوا لها المجد ولهم الشهره وحب الجماهير


تتذكروا الدعم ((الخيالي)) الذي كان يقدمه ((الوليد بن طلال)) بدون عقد اجماعات ولا غيره ((اتركوا الدعم الحالي فهو لا يوازي نقطه في بحر دعمه للهلال سابقا))
تتكروا الدعم ((المعنوي)) الفضيع لخالد بن الوليد بن طلال وكيف كان يقفز فرحا مع الجمهور مع كل هدف هلالي .
تتذكروا صفقات بشار عبد الله وجاسم الهويدي ومحمد الدعيع وعبد الله الشريده واحمد خليل وكيف كانت تحسم بطريقه قاصمه ((لظهور))منافسينا فيها.
سلطان بن محمد بن سعود الكبير وينه عن دعم الهلال في السنوات القليله الماضيه
والقائمه تطول

اتمنى ان يكون كلامي كله غلط بغلط ومجرد كذب ولكن ((للأسف)) تلك هي الحقيقه

سلامي...

اول شي سلام ..
وبعدين يالحبيب اعضاء الشرف ما يتحملون النكسه الهلاليه لوحدهم
صدقني ثم صدقني ان اللاعبين لهم الدور الكبير في نكسة الهلال
ناهيك عن تشكيلة العجلاني ( اللي اعتبره مدرب قدير لكن ما وفق مع الهلال)
وفي النهايه وش تبي من اعضاء الشرف
يدفعون مكافات للاعبين على الخساير
ولاَ يدفعون فلوس على الفاضي
وابدا لاتقول يجيبون لنا اجانب لاننا ما انبلشنا الا بالاجانب هاذولي



تحياتي لك اخوي....،

اخي الكريم انا اتكلم في وادي وانت في واد اخر

انااااا اتكلم عن الهلال في السنوات الثلاث الاخيره وهجر اعضاء الشرف له .


سلامي...

مالها الا الخصخصة

الى متى نعتمد على دعم اعضاء الشرف

شوف الاندية الاوروبية ..شغل مرتب ميزانية ودخل جماهيري واسهم للفريق في البورصة

على فكرة الان تدرس الخصخصة في وزارة لتجارة .. ماعليك الا انتظار نتيجة الدراسة

همسه بإذن الشطار اللاعبين .. قدموا مستوى .. فتعود المتعه .. فنثق بكم ونرجع للمدرجات .. فيعود اعضاء الشرف طربا وسخاء .. فكرة القدم متعه .. اذا فقدت .. فقدتونا