السلام عليكم ورحمه الله وبركاته


ابارك لجميع الاخوان الهلاليين في هذا المنتدى العظيم على حصول الزعيم للبطوله الاخيره من بطوله النخبه هذه البطوله التي لن تقوم بعد دورتها السابعه حيث سوف تدمج جميع البطولات العربيه في مسمى واحد .

@@ يظل زعيمنا العالمي زعيم الزعماء حتى ولو حالوا من تقليل البطوله التي حققها . والحقيقه ان بطوله النخبه هي التي ارتمت في احضان الزعيم حباً وعشقاً وغيره من شقيقاتها البطولات الاخريات.

@@ يجب علينا الا نبالغ في افراحنا بهذه البطوله ولانسرف بها ويجب ان نتذكر ان ماهو قادم اهم بكثير من هذه البطوله (كاس ولي العهد , الدوري) .

@@محمد بن عبدالعزيز الدعيع , والله ونعم وستين الف نعم يابو دعدع والله انك ابدعت ايما ابداع خصوصاً في مباراه الصفاقسي.
تستاهل الشكر وتستاهل كل خير .

@@ سامي بن عبدالله الجابر. ويش اقول يابو عبيد كتمتني في الشوط الثاني من مباراه الصفاقسي, بس ترى لازم نشوف ابداعاتك اكثر واكثر خصوصاً في كاس العالم
مع العلم اني مراهن عليك في هذيك البطوله .

@@ يوسف بن ناصر الثنيان. في اخر موسمين لك يابوناصر كانك واحد عمره عشرين سنه , الله يديمك لنا يانمر الكره الاسيويه.
بس ودي اعرف وش سر التغير اللي طرى عليك وين الزرقات , والفختات. اتمنى انها انتهت.

@@ نواف بن بندر التمياط. الظاهر انك كنت مشغول مع المعوقين في سوريا . ولاكنت فاضي للهلال.
راجع نفسك يانواف زين .

@@صفوت سازيك : هذا المدرب ياشباب احس انه راح يجيب بطوله كاس ولي العهد والدوري احس انه بدا يمسك الدرب صح.
بالتوفيق ياصفوت او سافيت.

@@نجوم الزعيم . ابطال في كل مكان وفي كل زمان


(((((((( اعتزال))))))))

قرأت في جريده الرياضيه الصادره في عدد امس وفي الصفحه الأخيره عن مشجع نصراوي سوف يعتزل تشجيع النصر ويشجع الاهلي
الحقيقه انا ماالومه واشد على يده واقول له الله يهدي غيرك مثل ماهداك.

((((((اي فلم والسلام)))))))))
بعد تصريح الامير ممدوح في قناه الاوربيت بعد المباراه مباشره , (على فكره تراه نفاه امس في قناه الجزيره)
حيث كان يقول وخلاص مانريد افلام هنديه.
رد عليه احد الخبثاء :
ياخي راضين بأي فلم حتى لو كان سوداني المهم فوزوا وجيبوا بطوله زي الناس.

ودمتم,,,,

الله يسمع منك والله حتى انا متفآل بان كأسي ولي العهد والملك
من نصيب الأزرق ان شاء الله .

أخوي الغالي (ذيب نجد) ,,,

ياهلا فيك ياغالي ,,

الف مبروك لك البطوله ولكل هلالي , وباءذن الله نبارك لبعضنا بكاس ولي العهد وكأس الملك (نقول يارب) ,,,

بالنسبه للاعبين الهلال فجميعهم كانوا نجوما , ولا ننسى منهم ايضا اضافه للذين ذكرتهم (توليو والنزهان) واللذان قدما مستويات رائعه وكانا بالفعل مكلمين لبقيه اللاعبين ,,

وبالنسبه لخبر الاعتزال فقد قرأته وحقيقه لم استطيع لومه مما يراه من تخبطات ومعاملات ادرايه سيئه للفريق , وكان اخرها التهجمات اللتي تلقيها الاداره على الفرق الاخرى دون علاج لمشاكلهم , فحقيقه لايلام ابدا ,,,,

وتقبل خالص تحياتي لك ,,,

اخوي ذيب نجد ماقصرت ويعطيك العافيه .... وكلامك جدا منطقي ومعقول .

الاخ الغالي: نواف العمري.
باذن الله بطوله كاس ولي العهد , والدوري هلاليه. بس اصبروا على المدرب وشوفوا.

الأخ الغالي: الأسطوره.
يكفيني فخراً انك قريت الموضوع , وازداد فخري عند ردك عليه .
وبالنسبه لتوليو انا معاك لقد نسيته, فلقد لعب مباره ممتازه.
اما النزهان فلي رأي اخر ؟؟؟؟؟؟؟؟؟؟؟؟؟؟؟؟

الأخ الغالي: يوسف الرشود.
الله يسلمك ياغالي.

وشكراً لكم جميعاً.

الله يعين انشالله ويوفق الهلال في المباريات الجايه انشالله

المدرب بدات تظهر بصماته لما احس بالثقه من اللاعبين والجمهور

الحكم المتسر ع مهما كان لازم يظهر اثر سلبي