اسأل الأعمي .. ان كان في نومه يشوف
ليه يصحى ؟!
واسأل اللي ما درت عنه الهموم
اللي درى ان العمر محدود
وان الفرح مهما اختفي .. موجود
اسأله ليه ينوم ؟
وان جاوبوك اسألني ليه حنـّا افترقنا


يا صاحبي مابه سبب لفراقنا
غير اننا جينا بزمن ماهو زمنا
ياصاحبي مابه سبب لفراقنا
غير اننا في حبنا عشنا الصدق
وفي وقتنا وشهو الصدق
في وقتنا لجل اللقاء تكذب
ولجل تاصل ماتبي تكذب
ياصاحبي خذها من جرحي نصيحه
كانك تبي تاصل ؟ اكذب .. اكذب .. اكذب
الصدق في وقتنا اصبح فضيحه
في وقتنا دايم تهيم في شي ماتعرف مداه
دايم تهيم فلي بعد عن سكتك
واللي زهد في محبتك
واللي فـ يدك ومتحمل جروحك معك
ما يهمك تنساه
ولو تقتله ما يؤلمك وبقدامك تاطاء على دماه
يا صاحبي وقتنا في اوله ضيّعنا أولى القبلتين
وفي آخرة الله اعلم وش بيبقي
في وقتنا صار الغدر شي ٍ عظيم
والوفا ماظنتي ان كان بتدور بتلقى
يا صاحبي في وقتنا أطول مسافة ممكنه
تمشيها بين النقطتين
الخط المستقيم


يا صاحبي في وقتنا وقت الألم
من يسمعك مهما حكيت
من ينصفك مهما شكيت
منهو اللي ما يضحك إذا ذلتك دنياك وبكيت
يا صاحبي في وقتنا
ما للمشاعر ناس
يا صاحبي في وقتنا لبعض القلوب إحساس
يا صاحبي في وقتنا وقت الكلام
وقل الفعل .. لامات احد وانتقل لعلى رفيق
من طيبنا نحزن عليه
نصلي عليه
ناصل معه للمقبرة
وفي المقبرة غير الدعاء وقولت الله يرحمه
مابه كلام .. وندفنه .. ولا دفناه نبكي
بدون دموع أو بدموع
المهم بعد ما نبكي نتركه ونروح
وتلقانا نقول مسكين يا فلان مسكين
من دنيتك وش اللي خذيت ؟
وبعد باب المقبرة بشبرين
واقل من الدقيقة لامن دخل فينا الزحام
من طيبنا نضحك ونسمع أغنية
لجل نتسلى في الطريق بين المقبرة والبيت
يا ربي سبحانك ياللي تجير من العذاب
قلوبنا وش صابها ؟
في وقت غدا بين الحياة والموت
وبين البكاء والضحك
شبرين ودقيقه وباب
ويدننا اللي قد حثت في وجه ميتنا التراب
هي نفسها اللى بعد شبرين واقل من الدقيقة
اختارت شريط وحطته لجل تقتل طول المسافة
بين المقبرة والبيت
يا صاحبي في وقتنا احسن كثير
من بعضنا
في المقبره على الاقل ميت وندري
المشكلة متنا وإلى الحين ماندري
يا صاحبي في وقتنا ضاع احترام الموت
في وقتنا حكينا ما أكثره
وللأسف كل الحكي من غير صوت
وان كان به فم ٍ صدق
واسمحوا يحكي بصوت .. ما نسمعه
ياصاحبي قدامنا كان اختيارين
يا نجاري وقتنا ونكذب ونخدع نفسنا
يا نفترق .. لان الفراق في وقتنا
هو الصدق .. افترقنا
يا صاحبي كانك تشك في أسباب الفراق
دور لك اعمي وإذا صحى اسأله
ان كان في نومه يشوف ليه صحي
وليه افترقنا ؟؟؟؟؟

ايش رايكم
؟؟؟؟؟؟؟؟؟؟؟؟؟؟؟؟

[ALIGN=CENTER]

إقتباس ايش رايكم

والله مايحتاج القصيــــــدة اكثر من رااائعة

تسلم يمينك على نقلها

تحياتي وانااخوك

;)[/ALIGN]

رائع الف شكر لك على الاختيار المميز

[ALIGN=CENTER]
صح لسااااااااااااااااااااااااااااااااااااانك
جناااااااااااااااااااااااااااااااااااااااااااان
وربى روعه روعه روعه روعه روعه
تسلم يا ذوق على الاختيار الأكثر من رائع


تحياتى لك [/ALIGN]

(برق الزعيم)
(الشـلال الأزرق)
(wolfblue)
شكرا على ردودكم الرائعة ومروركم بالموضوع

الله يعطيك العافيه على الاختيار الرائع
قصيدة رائعه
من روائع
الامير الشاعر عبد الرحمن بن مساعد
تحياتي لك

إقتباس إقتباس من مشاركة برق الزعيم [ALIGN=CENTER] والله مايحتاج القصيــــــدة اكثر من رااائعة تسلم يمينك على نقلها تحياتي وانااخوك ;)[/ALIGN]