#1  
قديم 18/05/2004, 10:54 PM
زعيــم فعــال
تاريخ التسجيل: 03/05/2004
مشاركات: 322
الــــزبــــــــــــــده

لاحول ولا قوة الا بالله ...والله مدري وش اقول استغفر الله العظيم

والله اني مصدوم وصوتي راح ويومي صار كله هم

على العموم ..

اول شي مبروك لنادي الشارقه تأهلهم لدور الثمانيه ..وياااااااااااااااله من تأهل اجزم ان الشارقه الأن اكتفو وانهم اخذو كأس افضل من كأس اسيا مليون مره ...واجزم انهم عقب مباراة الهلال اكتفو ماعاد يبون شي من هنا لعشر سنين ...........مع انها مباراة هديه ولو واحد ثاني غشيم ما يعرف الهلال يبي يقول المباراة مبيوعه ..........بمباركة المدرب والاعبين ....مبروكين ويستاهلون كل خير .... وتوقع بطولة اسيا اتحاديه مع احترامي للكل

انا مستغرب تفكير ونهج هالعجلاني اللي باعها بتراب اخر المباراة ...
تقدمو علينا بهدف مع انه جا الهدف كباقي اهداف الشارقه شوته كيفما اتفق واحد يشوت ومغمض عينه لكنها تصيب معه ..ما عدا الهدف الرابع والخامس اللي كانو غلطات دفاعيه بحته وهدايا لا ترد ..
طيب ياعجلاني لحقنا قول التعادل ولحقنا الفوز وانهينا الشوط الاول بفوز هلالي صريح اداء ونتيجه وتملك للملعب ولم يكن للشارقه اي حضور غير الهدف اللي جا رمية من غير رامي ..داخل الشوط الثاني على ارض الخصم ياخي على اقل تقدير ومن البديهي انك تحاول اول ربع ساعه تحافظ على منطقتك تحاول تكسر اي حماس او هجوم من نادي الشارقه على الاقل لين يبدون نفسيا يتعبون وبدنيا ..وبعدها ابدى اعمل هجمات مرتده سريعه صدقني كان طلعنا فايزين يمكن فوق السبعه اهداف مع مرور الوقت ...لكن زاجالو العرب رفض هالتفكير .. وداخل الشوط الثاني كنه مهزوم ويبي يهاجم ...خربها مع تغيرراته اللي قبل ما يجريها ما حاول يحط تاريخ واسم الهلال العريق قدام عينه بانه بممكن كذا تغيرات يجيب العيد وجابه الحبيب .
- وضع المفرج مكان المطيري غلط واضح واسلوب واصرار من العجلاني عقيم ولا له مبرر
-الابقاء على سامي الجابر في الشوط الثاني وكان واضح عليه انه اجهدالشوط الاول فيه مجامله وعدم قرائه جيده للاعبين داخل الملعب من البطه العجلاني
- اخراج عبدالله الشريده والابقاء على الشيحان احتياط في ظل الارهاق اللي اصاب الجابر غلط واضح وكبير من .. البطه
- فتح الدفاع بالشكل العشوائي ساهم وبشكل فضيع في النتيجه
- الدعيع صدقني ما كنت جاهز وحرام المجازفه فيه في مباراة هامه مع تألق حسن العتيبي ..انظلم الدعيع بلعب المباراة وانظلم الهلال قبله .
- وش بقى اقول ...من جد الواحد تعب وهو يسولف وضايق صدره ..وننهزم من مين من الشارقه النكره في المشاركات الخارجيه والبطولات .................لكن يستاهلون هو كان يلعب بمدربين اثنين بالملعب مدربهم ومدربنا ....................

بالمقابل ............................

مجبورين ننسى وغصب علينا لازم ننسى لان الايام تمشي قدام ما ترجع ورى ...وهذا الريال (ريال مدريد) انهزم وبالخمسات من فرق مغموره وبالمراكز الاخيره ...شيء عادي

الاهم
ان يلتف الجميع من جمهور واداره ولاعبين لتدارك كل تلك الاخطاء ولنطوي هذا اليوم الاسود في تاريخ الهلال العريق ...ونبدأ صفحات جديده مع بطولة الدوري القادمه ...وبطولة العرب ..
واللي صار صار .. والله يعوضنا خير ..............


ياهلال لا يهزك ريح ..........هديه مقبوله منك يالزعيم للشعب الاماراتي



والله يوفقنا بالقادم

اخر تعديل كان بواسطة » ابولميااااء في يوم » 18/05/2004 عند الساعة » 11:11 PM
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:26 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube