اعلنت شركة الاحتيالات قبل ايام عن اقامة مزاد على بعض السيارات والمعدات والاجهزه القديمه
( يعني سكراب وخرده ) اللي استغنت عنها الشركه بعد ماجددت جميع ممتلكاتها من فلوسي وفلوسك المهم انا رحت للمستودع حقهم اللي مسوين فيه المزاد بالفايزيه بالرياض ولكم ان تتخيلوا المفاجأه الغير متوقعه

تصدقون ان دخول المستودع بفلوس

وشلون ؟
السكيورتي اللي على البوابه رفض اني ادخل مالم اشتري الكتيب حقهم اللي موضح فيه خردتهم اللي يبون يبيعونها, وقيمة هالكتيب عشره ريال !!!!وقاعد يبيعه عند البوابه هندي
الصراحه رفضت هذا الابتزاز وفضلت اني ارجع محل ماجيت بعد عناء الوصول الى المستودع مع العلم ان الاعلان اللي مكتوب بالجريده ماذكر أي شي عن الكتيب ( ابتـــــــــزاز عيني عينك )
( يعني ادفع فلوس علشان تشوف خردتنا )
وعلى كذا بننتظر بكرا يسوون رسوم على عدد الكلمات اللي تطلع من افمك بالجوال 000 وقولوا ماقلت 0