نادي الهلال السعودي - شبكة الزعيم - الموقع الرسمي - شي ماشفتوه في الملعب وبين الجماهير

[ALIGN=CENTER]السلام عليكم ورحمه الله وبركاته

كيف الحال ..
اخباركم ايه

اتجهت للملعب قبل صلاه العشاء بس مادخلت الملعب الا يوم صليت العشاء في محطه
وذهبت الا الملعب

قبل ان اقص التذاكر لاحظت شي واحد وهو
فيه ناس تكسب في التذاكر خمسه ريال
ولاني جيت متاخر جاء لم ولد صغير قال تبي تذاكر لصديقي وصديقي قال وحقين الملعب مايبعون :D
قاله لا بس فيه زحمه وانا قلت دامه زحمه جب التذاكر قلتله بكم قال عشرين جيت ابعطيه بس اشوي صديقي ساله وقال بكم يبعون التذاكر هناك قاله الصغير 15 ريال قلت اجل خلهن معك واروح وخليه
وقبل لا اصل التذاكر اشوف الناس تشري من الناس بعشرين ريال استغربت قلت يقالهم مبعدين عن الزحمه
المهم ماعلين ...
اخذت تذاكر وذهبت الا الملعب
وشفت ناس يصلون عند الملعب وموسيقه اللعب النظيف تسمع طربها وقلت بنفس اشوي اني ماصليت هنا
المهم ماعلينا

ذهبت للمدرجات الدرجه الاولي وانا ابي الفوقيه
دخلت للي تحت زحمه ياولد رجعت ودي ارقي بس حراس الامن رافضين اننا نرقي فوق بحجه ان المدرج اللي تحت توه لازم ينتلي ثم تدخلون
بدات المباراه والجمهور قاعد عند الدرج يتحراء الامن يسمحون لنا بالدخول واشوي فيه واحد فزع لنا وقال والله انا ابنتضر لين ينتلي اللي تحت ويدخل غصب
وندخل وراه وعجزو يردوننا وخلونا
ودورنا مكان حركه بالوسط علشان نشوف صح
جلست
واانا اتابع المباراه مع التشجيع واتلفت يمين ويسار
ولفت انتباهي مع الجمهور المصري اشخاص سعوديين قلت الحمدلله علي العافيه يازين العقل

وبعدها لفت انتباهي علم اصفر مشبوك مع العلم الزملكوي قلت لخوي افلقني اذا فازو
===========
وجاكم الصفر وخر عن طريقه :D فيه اثنين يسون دعايه لصفر اللي راح يكون زود في رقم الجوال
كل واحد قاعد وراء المرمى
بس اللي لفت انتباهي لهم فيه واحد من الاثنين يرقص كل ملتفت لمه اشوفه يرقص
======
وفواز الدوخي حمسنا مع التشجيع وهو ابوعلي

==
وفيه بين الجماهير الهلاليه شال لونه اصفر بس مادري هل هو اتحادى او نصراوي :shy:
===
الشوط الاول كان الهلال الافضل
وكم فرح الجمهور بهدف سامي وخاصه بعد غيبه من اللعب اساسي والجمهور بعد كان متفائل ان سامي اساسي
اما هدف تراوري ياهو هدف كم تمنيته ان يكون في الشباك النثرويه
بس اللي خلاني اعصب وانا وبعض الجماهير انه مافيه اعاده للهدفين بعد الهدف مباشره في شاشه الملعب وحالتي حله كل شوي اشوف الشاشه اذا كان فيه اعاده
بس اشو ماريحوني الا بين الشوطين سوو اعاده للهدفين

بعد نهايه الشوط الاول كان فينجادا يتهجم علي مساعد الحكم هو بعض الاداريين ومساعده
بس عملوها صح خلو الحكم يرتكب بعض الاخطاء في الشوط الثاني اللي ماله اي داعي

اما في الشوط الثاني اشوف مساعد المدرب حق الزمالك كاشت بالملعب كل اصابه ينزل لا ارض الملعب ويروح ويوجه احد لاعبيه سووها اكثر من مره من اما مري الحكم الرابع ومساعدي الحكم وحكم الساحه كاشت هو الاخر مسوي نفسه يناضر اللاعب المصاب لو كان هلالي كان فيه كلام ثاني

وكان بعد فيه حركات بين الجماهير الهلاليه والمصريه
مثل الهلالين يقولون للجماهير الزمالكويه
قوم واقف وانت بتكلمني
وبعض الكلمات بس نسيتها لم احفظها

=====
من الاعبين اللي احبطو بالجمهور الي اشوفهم واسمعهم سامي الجابر بكم كور وخاصه اللي يخطيهن وهو يركض
واللي كان موجه للمرمى في الشوط الثاني وطوح فيها فوق
======
وكذلك بعد نزول ذياب مجرشي توقعو نزول الجري بعد اصابه المفرج
===
وبعد تركي الشايع بعد نزوله بدل من سامي توقوعو الصويلح ومتحمسين بعد للصويلح بعد الفرص الضايعه
=====
ومن اللعبين اللي صفقو لهم سامي الجابر واكثر شي حسن العتيبي وفهد المفرج وسيفو
===

اما بخصوص تمثيل اللعب المصري ونرفزته للاعب سيفو توقعت ان سيفو راح يهلكه
بس جاي حسن العتيبي وهدا اعصاب سيفو

====
اما حقت سيسه اللي بغو يتهوشون فيها هو المصري توقعت انا الحكم يعطي الكرت للمصري فقط لانه هو المخطي الاول بس اخاب ضني وعطى سيسيه كرت معاه

ولكم تحياتي[/ALIGN]