هل اصبح استاد الملك فهد شيئاً من الأطلال لجماهير الهلال..مهم لجماهير الرياض
سجل عندك انا اول الحاظرين...
باحظر انا و15 من الشباب معي...
بنهز الاستاد.. بندمر المدرجات.. سنحطم الأسوار بالحظور..
+++++++ ++++++++++++ ++++++++++++++++ +++++++++++
8
8
8
شفتوا العبارات اللي فوق هذي؟؟ كم مرة سمعتوها بالثلاث سنين الأخيرة؟؟
قبل كل مباراة بنحظر بنجي وتاليتها الحظور 3 الآف نصفهم يسبون اللعيبه
ويشتمون .. هذا حنا والحقيقه تجرح.. ادري.
كنا الجمهور الكثيف الاول عربياً والآن بعض فرق الخليج افظل منا حظور ومؤازرة لفرقها..
ليش ؟؟ لانتحجج نقول مستوى ونجوم وماني عارف ايش.. المستوى والنجوم لاتصنعها مدرجات خاويه وكراسي جامده.. اسأل نفسك لو انت لاعب هلالي .. عندك مباراه.. تفكر فيها من كم يوم.. ودخلت المباراة سواءاً بالملز او الاستاد وشفت الجمهور مطنش مستهتر غايب عن ابسط انواع الدعم ومستكثر 15 ريال عليك.. بالله عليك هل تستطيع تحرث الملعب وتحاور وتمرر وتجتهد.. اتحداك.. والله ما الوم اللعيبه قد ما الوم جمهورنا..
والليله وما ادراك مالليله.. الزمالك بعدته (حازم..حسام..بشير...) وعتاده (الجاليه المصريه)..
الله يفشلنا اذا شاف العرب جمهور الظيف اكبر من جمهور المظيف.. اليوم الحظور ولا غيره ياجماهير الهلال.. اليوم ننهي صيام المدرجات الهلاليه.. والمقاطعه اللي ماوراها سنع..
الليله حدد مصير فريقك.. وموقفك هل انت حقاً هلالي ام مجرد متابع للكره لاغير..
جماهير الهلال بالرياض الي انا واحد منهم: الحاقد والمندس واللي خارج الرياض فقط هم المعذورون اليله.. حرام تدفع 10 ريال في مقهى واخراج تلفزيوني تعبان وتستكثر حظورك..
واتمنى من مشرفي الشبكه ان العظو اللي بالرياض ويكون بالمنتدى الليله وقت المباراة اتمنى منهم سحب عظويته
(مطنقر ابو سارة)...
آخر شي باقوله: ترى اللاعب اللي مستواه4 من 10 .. بدعم الله ثم جمهوره وقت المباراه ممكن يرتقي ل6 او حتى 7 من 10 .. وانتم وظمايركم ياجماهير الزعيم بالرياض؟؟؟
باطلع بعد شوي والوعد المباراة وخلوني ماشوفكم ياويلكم مني .. هههههههههههه
ملاحظه مجرد توقع:
بالله ثم الجمهور الكثيف اتوقعها 2..صفر. هلاليه انشالله واتوقعها مباراة ســـــــــــامي..
اما في حال المدرجات الباليه اتوقعها بأقل تقدير تعادل وحنا الربحانين..
((الله يستر لا يخش علي مندس بالعرض يمشي مليون عشان جبت طاري ابوعبدالله!!)
-------------------------------------------------
قالت لي قلبك وين قلتلها ناسيه.. قالت لي وينه قلت وسط العريجا..
ابو سارة
تحياتي؛؛؛
الوضع المتطور
