يا جماهير الهلال يجب ان يمتلئ الملعب حتى يخاف المصريين ، فالمصريين يخافون من جمهور الرياض صدقوني ، روحوا وشوفو الفرق.....

والله كانو بيحضرون لكن بعد هالتخبطات والاختراعات تعبوا ومابيحضرون ..
كرهم العجلاني بالكوره
بنشوف وش بيسوي العجلاني على قوله انه بيريح الاساسين..
عسى بس مايلعب ابو دعيع صانع لعب;)
لاتلومنا (والله احبك)
قسم بالله نفسيه الهلاليين كلها سيئه..:sad:

عــــلى اللـــــه .... !

قابلني ان حضر اكثر من عشره الاف كالعاده الجمهور حب الوساده

أبشر

يوم الأحد أبروح وأخذ معي ثلاثة أو أربعة إن شاء الله

وراح نفوز على إخواننا المصريين

بغض النظر عن النتائج السابقة

تحيه للجميع::

نتمنى والله الملعب يمتلي ياجماعة صدقوني من زمااااان عن جمهور الهلال ما شفناااااه......

ياليت كل الجماهير تحضر ها المره وراح تشوف الزعيم وش راح يسوي بالمباراة وانا متأكد بأذن الله ما راح يطلعون إلا وهم مبسوطين من كل شي بس لاعبينا يبون دعم جماهيرهم وهي الوقود بالنسبه له .........

.........................دعــــــــــــــــــــــــــــــوه .............

ياجماهير الزعيم احضروا وشرفوا فريقكم تكفوووووووووون ..... والوعد الملعب ..........

تحياتـــــــــــــــــــــــــــــــــــــــــي ،،،،،،،،،،،،،،،

إقتباس إقتباس من مشاركة ssuss قابلني ان حضر اكثر من عشره الاف كالعاده الجمهور حب الوساده

وأنا أحب أقولك قابلني إذا حضر أكثر من 3 آلاف مشجع جمهور الهلال هذا الموسم

الحين مايعجبكم العجلاني وانتم اكثر ناس تطالبون فيه صدق والله انكم غريبين

اغرب جمهور في العالم جمهور الهلال

وشكرررااااااااااااااا

اشكر كاتب الموضوع

ولكن كل الذين ردوا يحسبون على جماهير الهلال واشك انهم هلاليين

وشكراااااااااااااا

ياشباب العجلاني مابه بــــاس الباس والله في الوســـط الضايع
ولايهون العجلاني لا عاد يلعب براس حربة واحد تراوري يبيلة من يساعدة
تكفى ياعجلاني الكرات الطويلة لاتناسب لاعبي الهـــــلال عليك بالمثلثات فهي متعى لعب الهلال
ياجماهير الريــــــــاض ياجماهير الريــــــــاض ياجماهير الريــــــــــاض
الله يرحم والديكم اترسوا الملعب أمام الزمالك المصري لأن مباراة الرد في القاهرة راح يحضر كل أهل القاهرة وتذكروا مباراة الأهــــــــلي المصــــــري
تكفون ياجماهير الزعيم طقوا الغترة وترززوا في الملعب وصدقوني راح يتجلى الهلال بدراً
آه يالقهر لواني في الرياض كان ترززت ومعي ثلاثه أربعة أقل شيء وكلة على شان الزعيم
ياجماهير الزعيم من يبخل علة الزعيم بالحضور في هذه الضروف فما نبية يوقف مع الزعيم بعد اليوم صدقوني الشباب يبغالهم رفع المعنوية فقط وتشوفون الشغل السنع
تحياتي للزعماء الكرمـــاء وعلى دروب محبة هذا الزعيم نلتقي وبالتوفيق ياهلالنا

نعم الجمهور الهلالي ، وما ادراك ما الجمهور الهلالي ، انه الموج الازرق الذي صاح ( هلاااااااال)
جعل قلوب الخصوم تتقطع خوفا . ارجوكم بس مباراة الزمالك ، نبي 70000 بس

إن شاء الله إن جماهير الهلال رجال مواقف وإذا ما حظروا في مثل هذه المباريات متى يبي يحظرون
وإن شاء الله النتيجه هلالية بحول الله وقوته

تحياتي

إقتباس إقتباس من مشاركة hilalco وأنا أحب أقولك قابلني إذا حضر أكثر من 3 آلاف مشجع جمهور الهلال هذا الموسم

جمهور الهلال جمهور لديه روح رياضية وفي نفس الوقت جمهور ذواق ، فلا تجده يأتي لكي يشجع ضد منافس بالتلفظ او غيره ، ايضا لا تراه يهاجم اللاعبين بالعبارات البذيئة او غيره .
انه جمهور متحد صوته يكفي عن كل الآت الموسيقى . ولا تنسون زعيمكم يوم السبت ، تكفون