خخخخخخخخخخخ مشجع دكة الاحتياط حطم كل التوقعات

ذياب مجرشي او بالاحرى مبلشي صار جناح ايسر طائر بينما سعد الدوسري واحمد الجري واحد في الاحتياط والثاني خارج التشكيلة نهائيا

انتهى الشوط الاول

هل من حسنة لمبلشي ( والي بصراحة اقول الله لا يسامح الي بلش الهلال فيه هو وامثاله ولا يسامح الي خلا الجماهير الي في الملعب تنحرم من مشاهدة الريال وبرشلونة لتشاهد المشجع يخترع اختراعات لم يسبقه لها مثيل حتى على مستوى اديموس الي صرنا نترحم عليه والي اتمنى ان الجماهير تلاحقت روحهم وراحت بيوتهم ) والله حرام مواهب تتنسق وتضيع والمفرج ومجرشي والعنزي والمسعري يصلون للفريق الاول لا ومو بس احتياط كان رضينا بل يصلون لتمثيل الفريق -




وش بقى بعد

وفعلا هلالنا هالموسم عجب عجاب

سامي وسعد والعلي والجمعان خارج التشكيلة والجري

والشايع والمفرج ومبلشي يرتعون ويمرعون

أخالفك عزيزي بنقطة الشايع ..

فتركي لاعب مبدع .. وينتظره مستقبل إن شاء الله ..

ولو ذياب لاعب في الدفاع أحسن له .. ولعلمك تراه مع منتخب الشباب يلعب دفاااااع ..!!

يعني لاعب قادم .. بس لو مايمطرسون بالمراكز الصحيحه للاعبين ..

ايه والله

ياخي لما تغير مراكز اللاعبين وانت ماتدري وش مركزهم الاساسي

الرجاء لاتحكم بسرعه

والله ذياب ادى مستوي طيب بالنسبه له ..

مشكور اخوي

تخيل ،
الهلال
عنده أكثر من مليون مدرب !!!
هذا يبي فلان
والثاني يبي علان
والثالث لعبو فلان ولا تراكم ما تعرفون
والرابع ، والخامس "!!!


يا أحبّة
لا تستعجلوا على أرزاقكم
من أول المباراة والمواضيع تطرح
وتنتقد هذا المدرب !
أيا كان رأيي فيه
فهو الآن يدرب عشقي الكبير
وسأصبر عليه
وسأنتظر منه الكثير
واللاعبون كذلك
سأنتظر منهم الكثير
ولا تنسى أننا نتظر مباراة أهم من الأهلى
فالزمالك بالإنتظار
ونحتاج لهذه البطولة
حتى نفرح بها أميرنا المحبوب
.
.
.
.
.




أنتظروا
واصبروا
ولا تستعجلوا
فالأمور لا تقاس بهذه البساطة ،
أريد رأيك عزيزي
في الشوط الثاني ،
فأنا
رأيت شيئا آخر
صحيح أنه ليس الهلال الذي الأولاني
لكن ومع هذا النقص الكبير
أعجبت كثير بالكثير من فتراته
وهذا اللعب السهل الجميل البسيط
ولست أدري كيف لهذا الذئب
وربما هي غرابة
لست أدري
كيف يتغير وجه الهلال حين ينزل أرض الملعب ؟
.
.
في كل مرّة أراه
أستمتع

ويريحني كثيرا وجوده
الله لا يحرمنا منه ومن ( شطانته وذهانته )






لكم الحب
وكل الود
في أمان الكريم

بالنسبة له ؟؟؟؟؟؟؟؟؟؟

ولمتى ننتظره يقدم مستوى جيد بالنسبة لنا


لاعب فاشل في كل المراكز

مع اديموس لعب ظهير ايمن وفشل مع درجة امتياز
مع الحبشي لعب ظهير ايمن وقلب دفاع وفشل مع درجة الامتياز ومرتبة الفشل قصدي الشرف
مع العجلاتي لعب لاعب وسط ايسر وفشل
مع العجلاني لعب لاعب محور وفشل


وش باقي نكمل نلعبه حارس وهجوم عشان ندور له مركز ينجح فيه

هذا مستواه يجيب كور مع احترامي


اما عن اختيارات المنتخب

فعمر الغامدي ياخذونه المنتخب واساسي بعد
عبد العزيز الجنوبي
ناصر الحلوي

والكثير الكثير تم اختيارهم للمنتخب


بالنسبة لتركي الشايع

لاعب لا اقول غير جيد

هو ماشي الحال

لكن هلالنا تعود على المتميزين فقط

غير المتميزين مكانهم دكة الاحتياط لا ان يكونوا اساسسيين

ثانيا انت تبيه يلعب في الدفاع

هل هذي بنية لاعب مدافع؟؟؟؟؟؟؟؟؟؟

جسمه ما يصلح حتى دفاع وهو ابسط المراكز

هذا لو اشترك مع مهاجمين النصر السابقين تينيريو ولا بوسكاب وين يلحق كتف قانوني ودوه لك في الاوت


اما المفرج كمان ما اقول مستواه سيء للغاية يعني اصبح مستواه هاه يمشي الحال لكن هناك الافضل منه ولا اظن انه في مستوى اساسي في الهلال هو وبندر المطيري

يظل حسين المسعري ومحمد العنزي اعتذر عن اطلاق حتى كلمة لاعبين عليهما

طيب المباراة مو مهمة يا ابو ماجد

مو مهمة نشوف الرجيع فهد المفرج وذياب هالاسماء اعطيت الفرصة اكثر من مرة وكانت النتيجة سخط جماهيري ويتم الاصرار على الدفع بها لزيادة الاحباط للمشجع الهلالي

انا لا اطالب باسماء ما عدا ابعاد هذا الرباعي المفرج والمسعري والعنزي وذياب
هذه الاسماء لا هي بالمستوى المطلوب وفوق هذا مغضوب عليها جماهيريا لسوء مستواها ومع ذلك يتم الاصرار عليها بشكل عجيب

فقط اطالب باباعدهم واعطاء الفرصة لاحمد الجري وركن المطيري احتياط

ها هو المطيري لم يشارك فلماذا لم يتم اشراك الجري تخيل يتم استدعائه في اخر لحظة

وفي الاخير يبعد حتى عن الاحتياط اي مستوى ننتظره من هذا اللاعب النجم وهو يشاهد هذا التحبيط

طيب قصوا علينا وقالوا قدراته الدفاعية مو في مستوى المفرج والمطيري

هضمناها على مضض

سعد الدوسري احتياط اشركه جناح ايسر

لا نشوف ذياب مبلشي

وش تترجى من الجماهير

وسع صدرك يارجال ما عندك أحد


بعدين تبي الصحيح أنا مرتاح للنتيجة نوعاً ما

بغض النظر عن المستوى اللي يما يسر عدوا


بس ترى النتيجة حلوة مرررررررررررة وستحشر النصراويين في زاوية لايحسدون عليها

تحياتي لك ,,

((لا تنتقدوا اللاعبين ))

لاعب يقوله العجلاني العب يقوله لا !!!!!!

هذا هلالنا بلو فاير شلون نوسع صدرنا وحنا نشوف المهازل


ما يهمني النصر او غيره

يعني بعد ما سمعت انه المباارة راح تلعب في الصف الثاني توقعت اشوف فريق شاب يعتمد عليه
يعني العنبر البرقان الحوطي فهد سرور وباقي النجوم وبالتاكيد اللاعب المهضوم حقه الجري

لاتفاجىء بالمفرج في الظهير الايسر والذياب في الوسط الايسر

وتقول لي وسع صدرك يعني احنا لا فزنا ببلح البصرة ولا عنب الشام فزنا بهم وغم


اما بالنسبة اننا ما ننتقد اللاعبين

اولا انا انتقد من سمح لهذه العينة من اللاعبين بالوصول لتمثيل الهلال

ثانيا انتقد فكر المدرب وتفكيره وخططه الي يسويها بشكل حالمي على ما يبدو

يعني لو لعب اي لاعب يرجى منه شي كان هضمناها اما ذياب مجرشي وسط ايسر ما تحسها قوية مرة؟؟؟؟؟؟؟؟ كنا نتطمش على وصول المفرج للمحور على ايام اديموس
وجانا الي اعظم ذياب وسط ايسر

لا هو لاعب يساري ولا هو الي يمتلك امكانيات هجومية ولا هو الي يمتلك امكانيات دفاعية يعني باختصار لاعب لا يمتلك شي ولو كان يحترم نفسه ويحترم فريقه كان قال لمدرب والله هالمركز اكبر مني وانت تحرقني صراحة اعتقد لغة الحوار مطلوبة مع المدرب واذا كان المركز اكبر من اللاعب عليه ان يعتذر على الاقل لمصلحة الفريق

اللة وأكبر صار الهلال تلفيق لعيبه يا العجلانى

ترا مهوب عيب أنك تحط سيسه وتراورى <<< واللة من زين اللعب بس أرزاق

العلى والجمعان خارج التشكيله وأذا تورط نزلهم على شأن ما يجيه تجريح بس

اقول حرام من 8000 الف دولار الى 60000 الف شهريأ

واللة ثم واللة لو أنه الحبشى يدرب أنه أفضل منه 100 مرة هو وخططه كل مباراة خطه زى ؟؟؟

بس هذا وجهى أن حقق الهلال بطوله او لعب على النهائى ( هذا موسم الاتحاد وبدون زعل )

والله مشكلة هاللاعيبن الي يعتبرون أنصاف لاعبين.....

انا ابغى اعرف وش دور مديرة الكرة في الموضوع ......

وش دور الادارة وينهم عن هالتخبطات الي تصير.....

آنا اسف كنت أقصد مدير الكرة......

اعتذار للاخ العزيز ابراهيم اليوسف على هذا الغلط ....

السموحة والمعذرة من الجميع ايضا.....

إذا الشايع ينتظره مستقبل مشرق ... ابروح انام ازين لي !!!

* كم عمر تركي الشايع اللي يستناه مستقبل مشرق ؟؟؟؟؟

* الجمعان ليش ما يشارك في المباريات هذي كامله علشان يجهز لمباريات المربع؟؟؟؟؟؟

* لن يصلح العجلاني ما افسده الدهر, مجرشي , الشايع, العنزي و فهد المبارك مستوياتهم وامكانيتهم لا تؤهلهم للتمرن مع الهلال.

نصيحه لوجه الله لكل هلالي غيور

انسى الهلال الأن , وتذكره بعد ثلاث سنوات لما يشاركون لاعبين فريق شباب الهلال في الفريق الأول.



تحياتي

اختلف معاك في فهد المبارك يظل لاعب جيد

ايضا الشايع ليس على مستوى اساسي في الزعيم لكن كاحتياطي يفك زنقة

اما الباقين فلا اعتراض عليهم خاصة ذياب مجرشي

الكل يعرف انه يلعب كقلب دفاع

وهو اصلا بغض النظر عن امكانياته جسمه ما يساعد
لا هو بالطويل ولا هو بالضخم

يعني تنسيق على طول

خصوصا لو عرفنا انه عمره يمكن في 19 20 يعني خلاص سن النمو راح يتوقف عنده وراح يظل جسمه على طول كذا قليل من المنطقية لمن يقوم بالتنسيق كم من موهبة نسقت
بينما المسعري وذياب والعنزي يسرحون ويمرعون

وهذا موضووع بعد مباراة الشباب مباشرة