[ALIGN=CENTER]السلام عليكم ورحمة الله وبركاته ..

وينك ياآدديموس .؟؟ والله لك وحشه ,, تعال شوف وش سوى العجلاني ..

يالله يالي كنتم تطالبون بالعجلاني وتتهربون من آدديموس .. أنا ما ابي العجلاني ولا أبي آدديموس ..

بس أفضل آدديموس عليه .. فرق بين مدرب كان يدرب الحماده والطائي .. ومدرب يدرب
أجاكس أما أجاكس .. :sad:

نجي لتشكيله .. أصلاً وين التشكيله ؟؟ ,, ما أشوف تشكيله واضحه ..

سوى تراوري بالهجوم وسامي قاعد يسخن بس الباقين وينهم مادري

انا اللي أعرف محلاتهم ..
تراوري هجوم
حسن العتيبي حارس
المفرج عند الاوات يحتري الكوره تطلع عشان يرمي آوات

* لماذا يلعب المفرج ؟؟ ماله أي بصمه على الفريق من مباراة النصر
على ما أظن بتاريخ 1419 ..

* سعد الدوسري والجمعان والعلي .. وش قاعدين يسوون بالاحتياط ؟؟

* اللي يتمنون الهلال ينهزم عشان يطلعون النصر هل هم هلاليين ؟؟

وفي الاخير .. الله يعينك ياأمير الهلال .. ونادي الهلال نفسه .. على هالاعبين
قمه في الاستهتار .. يصنعون لعب للفريق الاهلي أكثر من يصنعون لعب للهلال ..

لا وهالجماهير ماشاء الله الاخلاص للفريق يقوطر مع اذانهم الله يصلحهم

فيه هلالي يقول :

إقتباس أتمنى إن الهلال ينهزم

والله قهر ..

يالله جاوبوا على الاسئله اللي فوق [/ALIGN]

اللي يقول اتمنى ينهزم الهلال هذا هلالي مزيف ( تايوووووووووووواني )

الهلال لم يتعاقد مع مدرب

تعاقد مع عجلاتي مع احترامي

بس ذياب مبلشي اليوم يخليني اقول هالكلام واكثر

والله قهر راجعوا المواضيع الي قبل وتشوفون وش كاتبين

أنا مثلك أخي الكريم أتسآل وين الذين طالبوا برحيل أديموس ورحبوا بالتعاقد مع الفشلاني

وش فادكم سامي الجابر اليوم مع احترامي وتقديري له كلاعب خدم الهلال ولك زمن رجاله...

لقد ظلم أديموس وهاهو الهلال يعاني بسبب هذا الظلم..

الحبشي أفضل بكثير

إقتباس إقتباس من مشاركة اللموشي [ALIGN=CENTER] المفرج عند الاوات يحتري الكوره تطلع عشان يرمي آوات * لماذا يلعب المفرج ؟؟ ماله أي بصمه على الفريق من مباراة النصر على ما أظن بتاريخ 1419 .. *[/ALIGN]

ما شاء الله لا اله الا الله شكلك تتفرج على مبارات مسجلة على الفديو !!

الحين المفرج مره طالع يساند الهجوم و صلح كورة لسيسية كانت كفية بتعديل النتيجة ولكن وش ذنب المفرج اذا كان سيسية نكبة وما يعرف يشوت!! وعلى فكرة هذي هي الهجمة الوحيدة المنظمة للهلال.

ومره تلقاه يساند الشريدة في الدفاع هدف الاهلي الثاني غير مكانه من ظهير ايسر الى مدافع ايمن علشان يغطي المكان اللي تركه احمد خليل ، وانت تقولي ان المفرج عند الاوت يحتري الكوره تطلع !!

ياخوي المفرج لعب اليوم امام الاهلي بشكل مميز وقدر يستد خانته بكل اقتدر بالرغم من وجود لاعب كارثة مثل الشايع في مركز المحور !!

إقتباس إقتباس من مشاركة أرابيسك أنا مثلك أخي الكريم أتسآل وين الذين طالبوا برحيل أديموس ورحبوا بالتعاقد مع الفشلاني وش فادكم سامي الجابر اليوم مع احترامي وتقديري له كلاعب خدم الهلال ولك زمن رجاله... لقد ظلم أديموس وهاهو الهلال يعاني بسبب هذا الظلم.. الحبشي أفضل بكثير

وش تبي سامي يسوي اكثر من كذا دخل وجاب هدف وهو المتسبب في ضربة الجزاء يااخوي لااديموس ولاالعجلاني اااااه يالحبشي

والله حاله

من جد

لاتعليق

هلا وغلا




في لقاء مع الكبير سامي الجابر قال انه واللاعبين سألو عندما كانو

معسكرين في هولندا الهولنديين عن دموس فجاء الرد صاعقا حيث اخبروه انه مجهول

وغير معروف بالنسبة لهم ...

تحياتي .

تحيه للجميع::

اخواني الهلاليين:

ما فيه فريق بالعالم ما ينهزم ياجماعة وخلونا واقعيين صحيح أن الهزيمة لا نقبلها كهلاليين كون فريقنا بينه وبين الفرق الأخرى فرق شاسع وهيهات لهم أن يوصولوا لما وصل إلية فريقنا العزيز مهما فعلوا بفرقهم ولو أشتروا جميع لاعبي المنتخب وجهازيه الفني والإداري بعد!!!!!!!!!!!!

ولكن ما رفع ضغطي في مباراة الأهلى إلا العجلاني في الشوط الأول الله يصلحه ؟؟؟؟؟؟؟؟؟
ملخبط أم التشكيلة وأغلب اللاعبين مدافعين لا هذا كوم ووضعه سيفو في مركز المحور كوم ثاني والله كان ضايع الشوط الأول وعبء على الهلال ولكن حينما رجع للدفاع استعاد مستواه وبصراحه في الشوط الثاني خف الضغط شوي على الأقل شفنا كوره هلالية بنزول الذيب بيض الله وجهة وما أقول إلا (( الله يستر منك يالعجلاني لاتوهقنا بالمباريات المهمة )) ونتمنى التوفيق للزعيم..............

أما من تمنى هزيمة الهلال فهؤلاء مخطئون إن لم يكونوا مدسوسين بين جماهير الهلال ومنذ أن عرفت الهلال لايخشى لانصر ولا غير النصر وعينه على البطولة وبس وبحمد الله يحققها ...........

تحياتــــــــــــــــــــــــــــــــــــــــــــي ،،،،،،،،،،،،،،،،،،،،،،،،،،،،،،،

انا هلالي قديم ومتعـصب جدا ومنيب تايواني و تمنيت خسارة الهلال امام الأهلى لسبـبـين:
* كرها في النصر و علشان تكون احتمالية فوز النصر بالطوله صفر ونشوف حالة رئيسهم بعد ماضاع منه ثالث بطوله .
* ينهزم الهلال الأن وتبين عيوب الفريق افضل من انه يفوز ويسـكـتون عن الأخطاء.




تحياتي