|
بسم الله الرحمن الرحيم اعزائى اعضاء منتدي الجماهير الهلاليين السلام عليكم ورحمة الله وبركاته ابارك للجميع البطوله الاخيرة و انشاءالله من هذا وزود المهم اللي عنده دش وشاف قناة اوربت وشاهد لقاء مذيع القناه محمد السقا مع اللاعب نواف التمياط راح يضحك ويبكي بنفس الوقت .. بصراحة تحس ان نواف عايش بعالم ثاني ، كل هلالي ذاك اليوم طاير من الفرحه طبعا علشان البطوله والاهم من هذا انه تم قهر النثر، يجينا نواف بتعليق ان مش مهم البطوله تروح للهلال او للنصر اهم شئ ان البطوله باسم الوطن يعني الشيخ نواف يبي يفهمنا انه ابو المثاليه وانه لاعب خلوق جدا جدا.. ، ياخوي نواف ندري ان المهم الوطن لانه محفور بقلوب جميع السعوديين ، انت ماتسمعهم وش يقولون عن الهلال و كلام كبيرهم بالتشكيك في البطوله والبطولات السابقه وان الهلال اكبر نادي يرشي الحكام واللاعبين ياليتك تصير مثل بعض زملائك اللي والله انهم يبردون كبد الواحد وعلي راسهم شيخ الرياضين الذي قال (لا يدخل بيتي اللون الاصفر) ، اتمني يا نواف ان تعيد حساباتك وان تعيش مع المحيط الذي انت فيه فانت لاعب موهوب ومفيد في الفريق لكن في اللقاءات لست مع الاسف ذلك المتحدث . اذا كان احد يعرف نواف الرجاء خباره بذلك وشكرا له. تحياتي للجميع........... اخوكم عبدالرحمن الحميدان |
آه يانواف....... اخوي @ ابو داحم باختصار تراها ماهي مثالية من نواف ، الدعوى أكبر من دلك نواف مايبي الهلال يعني خلوه في حاله وفي القريب العاجل سوف أعطيكم البراهين والأثباتات على صحة كلامي ، حتى لو وجهاً لوجه مع نواف؟؟؟؟؟؟؟؟؟؟؟؟؟؟؟؟؟ واقول يانواف أنت من يحتاج الهلال وليس العكس؟؟؟؟؟؟؟؟؟؟؟؟؟؟! |
واضح جداً أن نواف لا يريد الهلال وسينتقل مع أقرب فرصة ، ويزعم النصراويون أنهم كانوا قاب قوسين أو أدني من ضمه قبل موسمين وربما صدقوا . أعتقد أن نواف لاعب عادي لا يغير نتيجة ويلعب بمزاجية ممقوتة وهناك عوامل عديدة ساعدت على شهرته منها بلا شك المهارات ولكنها ليست أهمها . |
نواف ضحيه الصحافه التى اوهمته بانه المثالى الذي يجب ان يختلف كلامه وتصرفاته عن الاخرين(وهذا ليس عيبا)ولكن المشكله انه يبدو ان نواف اساء الفهم فاعتقد انه عندما لا يعطي الهلال حقه في اى ظهور اعلامي فانه يكون بذلك (ملك المثاليه)وهذا هو الخطا بعينه فانك عندما تهضم حق فريقك فانك تكون جاحدا ولست مثاليا سواء كنت تقصد ذلك او لا تقصده |
يا اخوان ما يصير هالكلام والله.. نواف وغيره من اللاعبين قالوها قبل ...كيف يفكرون بالإنتقال وهم في افضل نادي عربي...وحتى اذا انتقلوا فلن يفلحوا لانه انتقال من كبير الي صغير اياً كان هذا اللاعب والأمثله كثيره........واكن معكم كل الحق في مثاليه نواف اللي ترفع الضغط... هذه بعض الملاحضات التي لابد ان تصل الي نواف ويستوعبها: -1 لاعب الوسط المهاجم يصنع اهداف اكثر من تسجيله للاهداف(كل كوره تشوتها من نص الملعب .......ليش ياخوي) -2 عدم الإحتفاظ بالكوره اكثر من اللازم(وانت في الفتره الأخيره نسيت شيء اسمه لمسه وحده) وغيرها كثير .. اكتفي باللي قلته لكن اتمنى ان تصل لنواف(صقر السعوديه)والذي اعتبره من افضل لاعبين الوسط اللي مروا علي الكره السعوديه ونبيه يكمل انشاء الله والسلام |
يا شباب حرام عليكم الي قاعدين تقولونه على نواف ..فهذا الرجل يعشق الزعيم ... والله حرام عليكم تفترون على نواف... حتى وأن أنخفض مستواه في الفترة الحاليه ... فكل لاعب في العالم معرض للهبوط المستوى فما بالكم بنواف وهو يلعب في منذ بدايه الموسم في الاسبوع بمعدل مبارتين ..مع النتخب والهلال..وهبط مستواه يعتبر طبيعي نتيجه لذلك .. فأرجوا من الجميع ترك نواف لحاله ومساعدته على العوده إلى مستواه عن طريق أبعاده عن الشحن النفسي والانتقاد... |
اختلاف وجهات النظر لا يفسد للود قضية يا اخوان... صحيح ان لكل واحد وجهة نظر واحترمها...لكن شوي شوي...ومثل ما انت لك وجهة نظر اخ ابو دحام الهلالي.. ونواف التمياط له شخصية وطريقة تفكير تخصه... وان كان مستواه انخفض وانا مع هذا الراي.. لكل جواد كبوة...واعطوا نواف فرصة... وانشاء الله ماراح يخيب امالنا... مشكوررين جميعا... لك تحياتي |
ليش مهب مثاليه الا مثاليه ونص بعد وارجوا ان لا ننجرف وراء هؤلاء الجهله ممن يشككون في بطولات الهلال ويسيئون له فهم جهله ولا يهمهم مشاعر الآخرين وليس معنى انهم لايتحلون بالمثاليه ان نصبح مثلهم فهذه مبادىْ وصعب التخلي عنها فهو رأى كيف كان (زملائه) لاعبي النصر من أنكسار وأنهيار وهستيريه فتحفظ على فرحته احتراما لمشاعرهم وهذا ان دل فهو يدل على مثالية نواف اللتي يجب نحترمها جميعا خصوصا ان زملائه بعض لاعبي النصر ليس لهم ذنب فيما يقوله رئيسهم او نائبه فتحيه لهذا اللاعب المتكامل فنا وأخلاقا آملين ان نرى جميع لاعبينا بهذه الروح و الأخلاق |
احبتي في الله السلام عليكم ورحمة الله وبركاته وبعد: ماذا عساكم تريدون هل تريدونهم يجهلون قوله جميل لاتظلمون منطق وعقل يامحبون كلامه لقناتهم موزون نهج هلالي فيه مفتون أحبتي بالولاءلاتعبثون هذا منهجه لا تنكرون |
والله انتم قسيتوا على نواف ..بغض النظر عن مستواه المنخفض اللي اجزم انه بيرجع .. واجزم ان لهذا ظروفه الطبيعيه .. اما عن مثاليته .. بصراحه هذا اللي يحتاجه الهلال .. انتم مافكرتوا ان مثل هالتصاريح في مصلحة الهلال اولاً ومصلحة الوطن ثانياً ومصلحة اللاعب ثالثاً .. مصلحة الهلال في ان مثل هالتصاريح تعطي مثالية للهلال.. وتخلي الهلال بلاعبينه اكبر من النصر واحتجاجاتهم وتصاريحهم .. يعني انتم ماتبغون فرق بين لاعبينا ولاعبينهم ؟؟؟؟؟؟ في مصلحة الوطن : هالتصاريح اذا بيشوفها احد برا السعوديه .. بتعكس له صورة السعوديين الاصيلة .. بعد ماخربوها النصراويين .. وبتعكس له صورة الهلاليين الراقية .. في مصلحة اللاعب : المثالية دائماً شي يميز اللاعب .. ويعطيه حجم عند الجمهور عامة .. هلاليين او غير هلاليين .. وماندري يمكن هي قناعات شخصية تخص اللاعب .. فيه منا ناس مثاليين اكيد كانوا يتمنونها ان ماراحت للهلال تكون للنصر .. وهذا ماهو حب في النصر بكثر ماهو حب للوطن .. نتمنى تركزون على امور اكبر من كذا .. احنا نشجع الكيان الهلالي ككل مانشجع احد اللاعبين او نهتم بتصاريحهم .. |
يا بعدي يا هلالية سدير.....نعم الكلام والله وعيين العقل.. ولا تهون بعض الردود....ولكن البعض الآخر!!!؟؟ |
<FONT color="#FF011B">يا خي لازم يقول كذا ولا قموا عليه (شطبوه).................................</FONT> |
انا مع الاخ ابو داحم في بعض كلامه ومع الاخت هلالية سدير في بعض كلامها ايضا.. لاني من الناس الي يرتفع ضغطهم من تصاريح نواف الي ما اسميها مثاليه بقدر ما هو برود غريب في شعوره كلاعب تجاه ناديه وكان البطوله لا تعنيه بشيء.. مشكلة نواف هو حبه لجلب الاضواء له وبكثره وما اشكك ابدا بحبه للهلال واخلاصه ولكن المثاليه الحقيقيه مو بالطريقه الي يتبعها نواف المثاليه هي اذا فاز فريقه بالبطوله انه يفرح بها ويتكلم عن الفرحه هذي بشكل طبيعي بدون تهور ولا تجريح للغير..والمثاليه بعد اذا خسر فريقه بطوله ما يروح يقلل من انتصار الخصم ويشكك فيه.. هذي هي المثاليه بنظري يا نواااااااااااف.... |
بسم الله الرحمن الرحي حقيقة مثالية رائعة من نواف واذا كان كل مشاعره واحاسيسه الداخلية كالبركان حباً للزعيم وفرحاً بالبطولة فمن الواجب عليه ان يمتص غضب الآخرين وان يراعي احاسيسهم وان يطمئنهم فلن يخسر الكيان الهلالي شيىء بل ان ذلك من ابجديات الرياضي صادق المعنى ويجب علينا ان نكون متواضعين عند النصر كما لانضيع جهود الآخرين عند الخساره . عندها نكون قد حققنا بعض من الاهداف التربوية للرياضة بمفهومها الصحيح واحترم اراؤكم جميعاً وقد تكون صحيحة ورأيء يحتمل الخطأ. |
عزيزي ابو داحم00 اذا كانوا هم جهله فلا ننساق وراء جهلهم00 ولانرد على الجاهل بجهاله مماثله00 ومن قصدتهم ياعزيزي لايمثلون الا انفسهم00 وهم لا يعبرون عن جميع النصراويين00فوالله اني اعرف نصراويين ما يطيقونهم00 فنواف اذا تمنى البطوله فتمناها للوطن وليس للنصر وجهلائه00 شاكر ومقدر لك اخوي على موضوعك00الجميل |
بسم الله الرحمن الرحيم 000000 اخواني 00 الحديث عن نواف يطول 00 لكن عن المثالية 00 فاعتقد ان نواف هذا اسلوبه وماتغير 00 لكن يمكن حنا من القهر على الكلام اللي قالوه00 اخذناها بحساسية زياده شويه 000 عموما ترى انا قمت اتبع الروشيته الي وصفها لي الأخ ( العمري علي ) اوجهله تحيه 00 فعلا انا قمت اقول لكل من يقول ان الهلال يرشي الحكام وخلافه 00 نعم نحن نفعل ذلك وبكل برود 0000 حتى في الدوام 00 قلتلهم اني قطيت 000 ههههههههه 000 والله ماتوا قهر 0 @@ اما بالنسبة لموضوع ان نواف مايبي الهلال 00 نعم ماعاد يبي الهلال00 بس مو لأجل عيون انديه سعوديه اخرى 00 لا 00 ابدا 00 هو عارف ان مالـه الا الهلال 00 ( وله في الغشيان عبره ) 00 لكن ترى هو يفكر في الاحتراف الخارجي 00 وهذا من حقه 00 ويعود بالفايده على الكره السعودية 00000 لكن عندي ملاحظه واستفسار 00 عن اخو نواف ( زيد التمياط ) سمعنا انه سجل في النص 00 ر 00 هل هذا الكلام حدث ؟؟ اها 00 هنا في تساؤل ؟؟؟؟؟؟ اخيرا 00 اطلب من ادارة الموقع عمل لقاء مفتوح مع نواف 00 نسأله ويرد ويفتح لنا قلبه 00 يمكن في القلب شي وحنا مانعرفه 00000 ارجوكم شاركوا وادعموا هذا الطلب معي 00 رجاءا 00000000 تحياتي 00 وسامحوني على الزله 00000 |
بسم الله والحمد لله والصلاة والسلام على رسول الله ابداء بمثل مايبداء به نجمنا الدولى المحبوب من جميع الجماهير على اختلاف ميولهم وهو الثانى فى الهلال اللذى يحقق هذه المعادله الصعبه بعد المصيبيح والثنيان . يا اخوان خافوا الله فيه على طول حكمتوا انه مايبي الهلال ؛ وبعدين اللى هذا بداية كلامه وش تتوقع يقول مثل رئيس البعثة اياها اللى بغيت اصدق انهم عقلو لولا التصريح الاخير . اقول لكم وبصراحه وليزعل من يزعل ويرضى من يرضى ؛ ليت كل لاعبينا باخلاقيات نواف وسلوكياته . ارحموا الرجال وكفايه تجريح بالناس . واذا كان نواف يقراء مايكتب اقول هذا لي راى الهلاليين ...فهمت يا ابو بندر؟ |
<FONT color="#0201FF">يعني يا جماعة حرام ان نواف يكون مثالي أو خلوق ؟ ويش فيكم يا جماعة صار لكم فترة طايحين في نواف ؟ والله حرام عليكم !</FONT> |
السلام عليكم ورحمة الله وبركاته وبعد اشكر كل من شارك في الرد علي هذا الموضوع سواء اتفقوا معي ام لم يتفقوا وكذلك احييهم علي اسلوبهم الراقي في الردود و هذا إن دل فإنما يدل علي كريم اخلاقهم وليس بمستغرب علي محبي الزعيم هذا الرقي في التعامل ، اما بالنسبة الي الذين خالفوني رايي بإن نواف مثالي جدا جدا جدا فإني اسئذنهم قليلا ليتهم يرجعون او يحاولون ان يتذكروا لقاء نواف في قناة اوربت يأخوان ان ما رفع ظغطي الا انه يحلف بالله ان البطوله مش مهم تروح للهلال او للنصر اهم شئ تروح للوطن كل مشجع هلالي يحب الزعيم محترق ذلك اليوم وهو بكل برود يقول ان البطوله مش مهم تروح للهلال ياخوان بعض من رد علي موضوعي قال يجب ان نواف يقول هذا الكلام حتي يغير من النظره المشوهه من قبل ادارة نادي النصر ، ونسوا او تناسوا ان التصرف من نواف تمثيل وضحك علي الذقون لان نواف ياخوان يراعي مشاعر النصراويين اما الهلاليين فهذا عادي نحن جماهير الزعيم من يراعي مشاعرنا اسلوب المثاليه معروف وجميل لكن ان تزيد في عدم اللامبالاه فهذا شئ مرفوض تذكرون جميعا مباراة المنتخب مع الكويت عندما سجل الهدف الذهبي لم يفرح الفرحه المطلوبه ذلك الوقت تلاحظه وكأنه يتصنع الحركات ، هذه وجهة نظري . الوطنيه معروفه والهلاليون فريق وجماهير ليسوا اقل من يحب وطنه. والحمد لله رب العالمين اخوكم عبدالرحمن الحميدان |
| الوقت المعتمد في المنتدى بتوقيت جرينتش +3.
الوقت الان » 05:37 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd