|
جماهير الهلال في الرياض علامة فارقة في تاريخ الحضور الجماهيري في المملكة!!!! بعد السلام اسمحولي على الاسلوب الجاف اللي بتكلم فيه ولكن الموضوع هذا اخذ اكثر من حجمه وساعد البعض من خارج حدود الوطن للتطاول على الجماهير الهلالية في الرياض0 قرأت للبحريني " محمد الهلالي المتعصب " موضوع يتهم فيه الجماهير الهلالية في عاصمة الوطن بعدم الوفاء للهلال أحب اقولك يا أخ محمد الجماهير الهلالية في الرياض تعرف الوفاء لفريقها قبل أن تعرف أن هنالك فريق يسمى الهلال وقبل أن يتم السماح لك باخراج جواز تدخل به الحدود السعودية وتتشرف بحضور مباريات الهلال وأحب أقولك يا أخ محمد أن الجمهور الهلالي في الرياض أكبر بكثير من وصفك لهم بالجمهور المايع كما فعلت في ردك على موضوع الاخ أمير العاشقين 0 يا أخ محمد أنا سكنت لمدة اربع سنوات في المنطقة الشرقية وأعرف جيدا الفرق الكبير بين عدد الجماهير المحبة لكرة القدم بشكل عام وليس للهلال فقط مع احترامي الشديد لمحبي كرة القدم في المنطقة الشرقية ولكنها الحقيقة وأنا من الناس اللي حضرت مباريات للهلال في الشرقية وهي لا تتعدى مبارتين أو ثلاث في الموسم وتنتظرها لمدة شهر وتنسق من أجل حضورها وبعد ذلك جمهور صحيح أنه متحمس ولكن لا يتعدى 5 آلاف مشجع ولو أخذت الجمهور الهلالي الحاضر ليلة البارحة لمتلأ ملعب الامير محمد بن فهد ونحن نعتبر الحضور في مباراة الامس أقل من القليل 0 أقول للاخ محمد ولمطبلي نقل المباريات الى الشرقية لاتحرجوا نفسكم فبعد خامس مباراة سينكشف المستور ويقل الحماس وأحب أقول للجميع شاهدوا موضوع الاخ aseer_170 حتى تعرفوا الجماهير الهلالية في الرياض التي أرعبت اليابانيين والتونسيين والمصريين والاماراتيين والكويتيين والعديد من فرق الوطن 0 يمكن يقول البعض أن كلامك هذا يغضب الجماهير الهلالية بجدة وبالشرقية وباقي مدن الوطن ويمكن أن يكرههم في الهلال أقول للذي سيكره الهلال من كلامي هذا فالهلال غني عنه وعن تشجيعه 0 |
بس اسمح لي اخوي هلالي شقردي جمهور الهلال في الرياض اصبح جمهور مناسبات فقط لا ننكر المؤازره الجماهيريه للهلال خارج الرياض لكن لا نغفل جماهير الرياض التي زفت الهلال للكثير من البطولات أكبر عيب في جماهير الرياض أنها تريد ان تحضر مباريات نهائيه فقط وهذي هي الحقيقه. |
إقتباس:
|
هلا أبغى أعلق على كلمة وحدة بس وهي الي قلت فيها ان جمهور الهلال بالشرقية لا يتعدى ال5 آلاف:eek: طيب ماقلنا شي بس بقول شي لازم تحسبهم والجمهور الهلالي إذا جات الفرق من الشرقية إلى الرياض تلاقي الجمهور مايعدى الألفين:( |
إقتباس:
|
بس اسمح لي اخوي هلالي شقردي جمهور الهلال في الرياض اصبح جمهور مناسبات فقط لا ننكر المؤازره الجماهيريه للهلال خارج الرياض لكن لا نغفل جماهير الرياض التي زفت الهلال للكثير من البطولات أكبر عيب في جماهير الرياض أنها تريد ان تحضر مباريات نهائيه فقط وهذي هي الحقيقه. |
جمهور الهلال واحد في أي مكان من مدن المملكة ولا تعاندون أنفسكم .. إقتباس:
|
انا مع كل الاشخاص اللي قالوا ان الجماهير الهلالية في الرياض الآن ومن خلال المستويات المتدنية اصبح جمهور مناسبات وستشاهدونهم قريبا في مباراة الزمالك انشاء الله 0 |
تذكروها جيدا رد الجمهور الهلالي سيكووووووون يوووم الاحد 13 / 3 / 1425 هــ (( الهلال ، الزمالك المصري )) سوف يعيد للذاكره جمهور الهلال / والترجي باذن الله . ان شاء الله ما يخيب ظني جمهور الرياض . |
تسلم يمينك على هذا الموضوع وحنا نطالب بالانصاف وليس التجني على جمهور الرياض فقط وللتذكير فقط في عام 1419 عندما كان الهلال تحت اشراف الزياني بوجود الثنيان والجابر والغشيان وبشار والحمروني والتمياط وغيرهم من النجوم حضر في استاد الملك فهد في مباراة (دورية) مع هجر (لاحظوا هجر) في مباراة محسومة النتيجة قبل بدايتها اكثر من خمسين الف مشجع في حين ان اخر مباريات الهلال في المنطقة الشرقية والتي كانت امام القادسية في كاس ولي العهد (وفي عز فورة الجمهور الشرقاوي الحبيب ) لم يحضر فيها اكثر من 25 الف متفرج بالعربي فكونا من القلق هذا كله |
هلالي الرياض صدقت .. وللمعلومية ذاك الموسم كان الحضور الجماهيري عالي جدا جدا . ... ولكن الفريق لم يحصل على أية بطولة ... |
لابد أن نأخذ في اعتبارنا أن جمهور الهلال في الرياض من الصعب يحضر كل المباريات وخصوصا هذا الموسم المشاركات كثيره وصعب نطالب الجمهور بحضور كل هذه المباريات .. العتب على جمهور الرياض أن الفريق مايملك رابطه فعاله في الرياض .. أما جمهور الهلال في باقي المناطق مباريات الهلال فيها تقريباً مباراه في السنه أو مبارتين يعني حضور الجمهور أكيد راح يكون بنسبه كبيره .. ولو كانت مباريات الهلال في الرشقيه باستمرار يعني مبارتين كل اسوبع كما هو حاصل الان كان قل الحضور .. |
اللي يقول ان الحضور راح يكون بمباراة الزمالك اقوله : قلنها قبل مباراة الشرطة .... بصراحه انا من الناس اللي ما بعد فوت من بداية الموسم الا 4 مباريات فقط .... وكل مباراة احضرها اخرج من الملعب ( بغض النظر هل الهلال فايز او لا ) العن وشتم واسب ( الله لا يواخذنا ) واقول متى اوصل البيت علشان ارد على اللي يقولون ارحضروا الملعب ( يا اخوان و الله المستوى مايساااااااااااااعد ابدا ) وانا احضر الملعب علشان اشجع الازرق واستمتع ايضا بلعبه لكن اي استمتاع يا حبيبي من ادخل الى ان اطلع و انا مرتفع ضغطي و موصل H ......... و بالنسبه لحضور بالرياض ليش قليل انا اقولك بعربي وبدون تعسيل الكلام بالرياض فيه بالموسم الواحد اكثر من 20 مباراة صعبة يكون الحضور فيها كلها الملعب مليان وبالشرقيه يالله بالموسم ثلاث او اربع مباريات ما فيه وجه مقارنه ........... |
الفرق بين جمهور الهلال في الرياض وبين جمهوره خارج الرياض مثلاً في جده أو الشرقية أو مكة أو حائل .... هو أن الهلال يلعب في الرياض 14 مباراة غير وجود النادي في الرياض وقربه من مشجعيه .... وصار حضور المبارة لجمهور الرياض شيء عادي عدا المناسبات والنهائيات اللي يصك فيها الملعب من القرنة للقرنة ..... يعني باختصار جمهور الهلال تشبع من الحضور للمباريات وينتظر النهائيات وزف الفريق للبطولة .. أما جمهور الهلال في المدن الأخرى وحضورهم الكثيف مقارنة بشعبيه الهلال في الرياض فيرجع لسبب واحد هو ان الهلال لا يلعب مثلاً في الشرقية الا مباراتين اذا استثنينا الخليج الهابط وقس على ذلك في باقي المدن كجدة ومكة وحائل و...... وهذا لا يعني ان جمهور الرياض غير مخلص ولكن تشبع الجمهور من الحضور اضافة لبعد المعلب أحياناً واقصد استاد الملك فهد دور في عدم حضور الجماهير ....... وجمهور الهلال يبين في النهائيات تذكروا مباراة الاتحاد وناغويا والترجي والشباب وتذكروا وتذكروا وتذكروا ,,,,,, |
اخي هلالي شقردي كل الشكر لك على الموضوع... مع اني ارى ان الجماهير ( الكيبوردية ) لم تشارك في موضوعك ولعل التعليمات لم تصلهم او انهم اقتنعوا بخطأ نقل مباريات الهلال. لك تقديري لان لك راي مستقل. |
| الوقت المعتمد في المنتدى بتوقيت جرينتش +3.
الوقت الان » 11:35 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd