جمهور فاشل لا تطالبون بالبطولات بعد اليوم بأختصار وأقولها وكلي حزن وألم واقول حرام هذا الفريق العريق لديه هذا الجمهور غير الوفي مع أحترامي الشديد لأخواني الذين حضروا المياراه وأطالب الأمير عبدالله بن مساعد بنقل المباريات الى الدمام بأسرع وقت ممكن فواخزياه على هذا الجمهورررررررررررررررررررررررر للأسف خيبتوا ضني وضن كل الهلالين يا جمهور الرياض والله حرامممممممممممممممممممممممممم ومبروك الفوز للهلالين المخلصين فقط أما هلالين مثيرين المشاكل فأتركو الكره أفضل لكم وللهلال تحيايتي للأوفياء (فقط) |
هلا اخوي محمد انا عندي اقتراح على الاداره ان ماتكون المباريات كلها حصريا على الرياض !! لازم نوزع هنا وهناك ليكون الحضور اكثر وبحماس وعشان الوحد يحس بقيمه الهلال فعلاً مشكور اخوي فعلا الف شكر لك على ماتبذله |
صح لسانك أخوي والله الجمهور الي حضر يفشل والله المفروض نص المباريات اتكون بالشرقية والنص الثاني بالغربية لكن شكرا لمؤازرتك للزعيم انت والرابطة الي جات معك تحياتي |
يااخوي وش تبغون نسوي طيب احنا حضرنا وشجعنا وسوينا الي علينا وش تبون اكثر من كذا اذا كان الفريق مايلعب يعني بصراحه رفع ضغطي حتى الجمهور سكت ماشجع لانه بصراحه طفش العب:o |
اللاعبين مالهم نفس على المباراه شلون الجمهور اللي احتار مع مستوى الفريق |
إقتباس:
|
ياخوي حضرنا المباراة وبصراحة تندمنا على الحضور . يعني انا وربعي جايين من اقصى الرياض لاستاد الملك واخرتها مباراة ياشيخ ولا مباراة حواري بالله عليك إيش اللي يخليك تتحمس مرة ثانية وتجي للملعب . حت الدقيقة 93 وقلوبنا خايفة ومع من مع الشرطة العراقي . ياخوي عطونا فريق يلعب زين ومستعدين نحضر مبارياته لو يحطونها في جيزان . لكن فريق يجيب الملل لو يلعبون قدام بيتنا ما رحت اتابعهم . ومسالة نقل المباريات لغير الرياض . اعتقد ان المسألة ماهيب شرهات . المسالة وما فيها النادي مقره الرياض يعني يلعب مباريات الاياب بالرياض الراضي يرضى واللي ما وده يرضى أحسن يقدم على طلب نقل قدم للنادي . |
جمهور الرياض بصراحه ابادا ما يحمس..... اولا حضور قليل و يعطيهم العافيه اللي حضروا... ثانيا طول المباراة ساكتين كأن الملعب فاضي... واذا سوو شي يقالهم قاموا يزاعقون هـــــــلال هـــلال كنهم منيب قايل... اقترح نقل مباريات الفريق لجده او الشرقيه كما فعل فريق الشباب |
يا أخوي أنا رايح للملعب أطامر و أزاعق ولا رايح أشوف الكورة وبعدين الجمهور والله ما قصروا يتحمسون مع الهجمات و يشجعون ولا أروع ولكن البوابة 24 و25 كنهم في عزا |
إقتباس:
|
ياعبدالله بن مساعد : إذا جبت فريق زين نحضر .. اما اني احجر نفسي يوم الإربعا ولا أطلع وآخرتها قمة العك الكروي .. للأسف انا حضرت المباراة وليتني ما حضرت .. كنت اعرف بعض القوانين وللأسف نسيتها كلها لأني ما شفت مباراة كرة قدم امس :( .. ! وللمعلومية يا سمو الأمير .. الهلال لم يكن في يوم من الأيام ملك يدك .. فليس من حقك نقل مبارياته للدمام او جده .. |
لا تعليق:kicking: |
والا تدرون ابي اعلق اللعب الزين هو اللي يجيب الجمهور مهوب الجمهور اللي يجيب اللعب الزين لو فريق ضعيف وملا جمهوره الملعب بيفوز طبعا لا ولو فريق قوي ورهيب ولعب مباراة وماله حظور جماهيري بالمرة بينهزم طبعا لا طبعا انا مانيب ضد حضور الجمهور ولا اؤيد غيابه ولاكن هذه المعوقات وسلامتكم |
كل الي ردوا وقالوا اللاعبين مايلعبون زين أنا بقولهم شلون تبيهم يلعبون زين وانت ما تحضرون مبارياتهم الفريق مايقدر يتعدل بدون جمهور إذا تبون تعدلون مستواه احضروا كل المباريات طيب لي قال ابن مساعد انقلوا المباريات للشرقية أكيد في سبب هو ان جمهور الرياض ما يحضر ويئازر يمكن يحضر وياكل |
أنا من الرياض واتمنى نقل بعض المباريات الخارجية (والخارجية فقط).......والغير حاسمة كمباراتي الشرطة والطلبة مثلا الى الشرقية لإن جمهور الرياض مايبيض الوجه الا في المباريات الحاسمة فقط أما المباريات الداخلية فيجب ان تكون بالرياض على طول وعرض وتحياتي للجميع،،،،،،، |
إقتباس:
|
إقتباس:
|
أخوي الشلهوب\الهلال لمن حضرنا المباراة مع القادسية فزنا ولا لا المهم فزنا وتحسن اللعب لمن حضرتوا بمباراةالأهلي كان الفريق مو مستوعب كان أول حضور جماهيري كبير لو ان واحد من الأعضاء ماكتب الموضوع كسروا المدرجات والأسوار الله يذكره يالخير كان ما في الا قليل انتو خلو بس مباراة بين الهلال والأهلي بالشرقية كان الملعب كله أزرق وأبيض على فكرة تراني أفهم اي وعلى فكرة كانت المباراة بأيام أديموس:o |
هلا اخوي حقيقه موظوعك فيه من الحقيقه وفيه من التجني الشيء الكثير نقطه عابره حتيب لا تفهم من كلامي انه دفاع عن مشجعي الوسطي انا من مشجعي الغربيه تعال نحللها كم عدد زوار مهرجان الجنادريه هذا االعام والعام الفائت وكم كان العدد قبل خمس وسبع سنوات مضت الجواب بسيط انهم في السابق اكثر واكبر هناك حاله تشبع وانشغال بامور خاصه من قبل الكبار وحاله انصراف من قبل الشباب الاقل عمراً لامور اخري كالنت والبلاي ستيشن والخ رغم اني زرت الجنادريه قبل عام وزرتها من قبل عده اعوام اي قبل ست سنوات تقريباً والحقيقه اني لاحظت انها في الزياره الاخيره افضل واكثر ترتيبا وانشطه من ذي قبل اي ان اسباب زياده زوارها ومرتاديها اكبر من قبل الا ان ذلك لايحدث نجي للمهم الهلال عكس الجنادريه مثالي هنا فهو لم يعد ذلك الفريق الممتع في كل مبارياته مباراه في القمه واخري ما تدري اللاعبين وش يبون بالظبط هذا بحد ذاته سبب لابتعاد الجماهير رغم ان اوضاع الهلال الحاليه تستلزم من كل محب له ان يقف معه الان اكثر من ذي قبل فالصديق وقت الضيق ..اما وقت السعه مااكثر الاصدقاء والمريدين نعم انا معك ان جماهير الوسطي اصبحت اقل دعماً للنادي لكن هذا لا يجيز لنا القاء التهم جزافاً كم مباراه لعبها الهلال هذا الموسم مثلاً وتعتبر مباريات حاسمه ((اثنتان )) ضد الاتفاق في نهائي كاس فيصل بن فهد وكان الجمهور الهلالي مرضياً جداً بالنظر الي حاله الاجواء وبالنظر الي ان الفريق الاولمبي هو من كان يلعب حينها وضد الاهلي في نصف نهائي كاس ولي العهد وايضاً كان الجمهور الهلالي وقتها رائعاً واتي رغم ان وقت المباراه كان يتزامن مع وقت اختبارات نصف المسم الدراسي اذن ساخبرك امراً وخذه مني شيك علي بياض جماهير الزعيم اما متشعبه بطولات او انها ملتهيه بما هو اهممن مباراة عابره في وسط الموسم وعندما ياتي وقت الحصاد فالمعادله البشريه تقول ان: المتشبع بطولات سيجوع لرؤيه بطوله اخري جديده والمنصرف لامور اهم سيعتبر الهلال اهم اموره في حينها فقط انتظر مباريات المربع مثلاً او انتظر في حاله لا سمح الله هزيمه الهلال من الاهلي انتظر الجماهير ضد فريق الرياض نعم مطلوب من الجمهور دعم النادي مادياً بالحضور علي اقل تقدير اظافه لما لهذا الحظور من اثر نفسي ومعنوي للاعبين ولكن هذا الامر لا يعطي احداً اياً كان الحق في التهجم علي جمهور الوسطي فهو كان ومازال وسيبقي العلامه الفارقه في عالمنا الكروي السعودي وارجو ان لا يقوم احد بالتشبيه بين جماهير الاتحاد والاهلي من جهه والهلال من جهه اخري تذكروا فقط مباراة نهائي كاس ولي العهد وكييف كان جمهور الناديين مجتمعين وكم تعدادهم حتي ان كانت المباراة في الرياض فاستاد جده الرياضي استيعابه محدود وفتح ملعب اخر سيكشف حقيقه جماهير الناديين هناك اختم بالقول في كلامك كثير من الحقيقه وكثير من التجني لامست العله ولم تلحظ مسبباتها تقبل تحياتي |
الحين انتم ورا ماتسكوت مسوين حاضرين المباراه انا والله والله والله اني حاضرها وجاي من بعد المغرب على بالي انه بيمتلي الملعب بس ماعندك احد والله لايحلل ولابيبح اللي ينكلم عن قلة الجمهور وماحضر المباراه يعني شايفها عند امه ومع اخواااته في بيتهم |
والله اللي يقولون ما فيه حضور ما حضروا ممكن تلاحظون من الردود اللي يسبون المستوى هو اللي حضر اما اللي ورى التلفزيون هم اللي يتكلمون عن الحضور لانهم ما حضرو و عاشوا رفعة الضغط اللي نعيشها في كل مباراة والمستوى و الله ماله اي علاقه بالحضور ولا يمتله بصله ......... و انا اتمنى ان الملعب يمتلي علشان عبدالله بن مساعد يقتنع ان المشكله بالاعبين مو بالحضور ولا يطلع لنا بعد كل مباراة بتصريفه شكل وأخر تصريفاته المضحكه يقول ان المستوى المتواضع اللي ظهر فيه الفريق كان نتيجة احداث التفجيرررر ( يا اخي الى الدرجه هذي مستهتر بعقولنا والله مهزله ما بعدها ) |
اقول للاخ الي يلغي دور الجمهور عطني مباراة لعبت بدون جمهور وكانت حماسية وحلوة صحيح فيه مباريات فيها جمهور كثير لكنها بايخة بس تعد على الاصابع المنتخب الايراني كمثال منتخب متوسط خارج ارضه منتخب مستأسد داخل ارضه ومن الصعب ان تهزمه ان لم تكن المهمة اشبه بالمستحيلة لماذا لان هؤلاء اللاعبين يبذلون ليس اقصى ما عندهم بل ضعف امكاناتهم لانهم مدعومين ب 90 الف مشجع انتم تضربون الامثلة بالاندية الاوروبية برشلونة كمثال بعد مباراة ملقة الاولى التي خسرها خمسة واحد كم عدد جمهور مباراته في المبارة التي تليها 85 الف تقريبا ملوا الملعب هذا هو المشجع الذي يقف مع ناديه في اقسى الظروف |
انا في رأيي لوتنقل مباريات الهلال للدمام يكون احسن |
المشكلة انه الفريق من الرياااااااااااض الي يحب صحيح يجي من اقصى المملكة مو من الرياااض قههههههههههههر والله وبعدين النصرر 6 سنين ولا بطولة ويجووون كذا تثبتووون ان الهلال مايشجعة الا بناااااااااااااااااات شووووووووووووووووفو جماهير الاتحاد |
إقتباس:
|
نعم الجمهور هو سبب الخساير هو اللي اهدى الكره للسويد في مباراه الذهاب لكاس ولي العهد وهو اللي اخترع في التشكيل وهو اللي حارب النجوم وهو اللي لعب الفاشلين اساسيين في الفريق , لن نحظر للملعب والفريق يقدم كره سيئه وحتى لوكانت مجانيه. |
الوقت المعتمد في المنتدى بتوقيت جرينتش +3.
الوقت الان » 09:00 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd