اخر خبر عن بعثة الزعيم ؟؟؟؟؟؟؟ - نادي الهلال السعودي - شبكة الزعيم

أسير لطيفة · #1 07/04/2001, 11:28 PM

سلام من اسير...

نحب ان نكون معكم اول باول مع بعثة الزعيم ...
يتجه الان كافة بعثة الفريق الى سمو الامير عبدالعزيز بن فهد
وسوف يتناول معهم العشاء على مائدة سموه وايضا سوف يتم تكريمهم
ونحب ان نوضح بأننا سنكون معكم حال انتهاء البعثه من السلام على
سمو الامير عبدالعزيز بس عساهم يخلصون قبل مانام علشان ننقل لكم
مادار في التكريم .

هـاجس · #2 07/04/2001, 11:36 PM

اسير مافي نوم اليوم لاتنام الا اذا انتهوا من السلام على سموه وياليتك تقول لنا كم وصلت المكافأه لكل لاعب وسلامتك يالغالي

shagrawi hilali · #3 07/04/2001, 11:37 PM

يا ويلي عليك يا اسير لطيفه.

ابوهلال · #4 07/04/2001, 11:38 PM

مساء الخير للجميع

يعطيك العافية يا اسير ...
وان شاء تسهر شوي علشان الهلال..

ولكم خالص تحياتي.

الشايب فهد · #5 07/04/2001, 11:39 PM

يعجز لساني لتعبير لك عن شعوري يا اخ اسير لطيفه

أبو فلوة · #6 07/04/2001, 11:41 PM

الف شكر على الأخبار الطازة

Hilalyah · #7 07/04/2001, 11:42 PM

هلا و الله أسيييييييييير تسلم على الأخبار الحلوه ما قصرت و الله يخليلك لطوفه

بس الله لا يهينك لا تنوم بدري الليله نبي نعرف الأخبار و لو اننا نعرف ان أبو تركي ما يقصر بس ما نقدر نصبر

ابوسليمان · #8 07/04/2001, 11:42 PM

تقفى لا تنام الا بعد ماتجيب ألأخبار الي توسع الصدر0الله معك يالغالي0

شباب سدير · #9 07/04/2001, 11:47 PM

يلوموني فيك ياأسير لطيفه ... ماشاء الله عليك ... صرت أفتح النت علشان أخبارك...الله يوفق في الدنيا والاخره وجميع المسلمين(آمين)

البارق · #10 07/04/2001, 11:50 PM

الله يعطيك العافية أخوي أسير زما قصرت والله إنك خليتنا مع الزعيم من يوم راح من الرياض وإلى يوم رجعلنا بالسلامة رافع الراس كالعادة

على العموم شكرا لك من الأعماق

ومبروووووووووووك البطولة

سفير الهلال · #11 07/04/2001, 11:51 PM

والله محسودين عليك حنا
لا يمكن أشوف شي مكتوب عليه أسير لطيفه
ولا أقراه.
أقول وش رايك تنام أريحلك ترا السهره مع سمو الأمير مطوله مره.

دمي أزرق · #12 08/04/2001, 12:01 AM

يعطيك ألف عافية يا أبو لطيفة بس تكفى خبرنا أول بأول وبعدها تصبح على خير وأحلام سعيدة ان شاء الله .

خالد الهلال · #13 08/04/2001, 12:33 AM

هلا اسير ولاتتعب روحك اهم شيئ راحتك واي ما نعرفه الان نعرفه بكرا في الجرايد وجاعلينك ذخر لقدام واخبار اللاعب الجديد والي الان مارديت علي بخصوص المناسبه وخصوص الي طلبه منك الكاسر 888 وتصبح علي خير

هلالي مجتهد · #14 08/04/2001, 12:59 AM

و الله يا ابو لطيفه ماتقدم با ها المنتدى يجعل للمنتدى ميزه وهي الاخبار الطازه و المنفرده وو الله ان فيه صحفيين يشفون ها الاخبار ويحطون عليها شوي بهار.
حبيبي سلامي للغاليه لطيفه الله يخليها لك وعلى فكره هاالاسم له معزه عندي

أسير لطيفة · #15 08/04/2001, 01:25 AM

سلام من اسير..

ياجماعه سمو الامير الى الان لم يستقبل اللاعبين علما بأن الفريق تناول طعام العشاء
باالقصر وابو ناصر مستلم تعليق على الافراد في القصر ولن يغادر اللاعبين الا بعد
السلام على سموه ياشباب حتى الصحف مايمديه تعرف حجم المكافأت اليوم انا بقعد
مانيب نايم الا بعد ساعه عشانكم وذا فيه شي جديد سوف نوافيكم به .