الآن وبعد ان هدئت الامور وحقق الزعيم مناه واخذ البطوله التي استعصت عليه في مرتين سابقتين

ولكن دعونا نتكلم بصراحه عن فريقنا وليس لنا شغل بالباقين

انا لم تسعفني الظروف لمشاهدة تصفيات طهران ولم احرص عليها بعد النتائج السيئه . ولكن لنتكلم عن الهلال في هذه التصفيات ونكون صادقين مع انفسنا ونجيب على الاسئله التاليه .

هل هذا الهلال الذي نرغب ان نراه في اسبانيا ؟
هل نرغب في مجرد الحضور كضيوف شرف في اسبانيا ؟

هل المستوى الذي يقدمه كلاً من احمد خليل واحمد الدوخي ونواف التمياط وسامي الجابر ( عدا الشوط الثاني من المبارة الاخيره ) مقنع لنا ؟؟

هل يسكتنا الفوز بالبطوله عن عبقرية هذا الجهبذ المسمى مدرب وهو في واقع الامر متدرب وما فعله بفريقنا خصوصاً الشوط الاول من لقاء الصفاقسي الذي لولا الله سبحانه وتعالى ثم الاسد الدعيع لتكررت نتيجة تونغا واستراليا وارجوا من الاخوه الكرام عدم نسب التغير في المستوى في الشوط الثاني لهذا الجهبذ ولكن لرئيس الفريق ولا نريد في كل مره ان ينزل الرئيس بين الشوطين ويعطي اللاعبين دشاً ساخناً لكي يفيقوا ولكن مدرب يعطيهم خططاً تجندل من امامهم لقد كان منظرنا في ذلك الشوط جداً مخزي .......

صح لسانك بالفعل الفوز ينسي

انت صادق ياخوي مستوى الهلال عموماً غير مقنع .. خصوصاً انه بعد فتره بسيطه بيتوجه لاسبانيا ..
بس اعتقد في اشياء كثيره اثرت على اللاعبين .. وخلت عطائهم يقل ..
وهالاسباب ذكرناها قبل ... وبنرجع نذكرها الحين ..
لاعبين الهلال لهم فتره طويله يلعبون اساسيين مع الهلال ومع المنتخب .. واكثرها مباريات مهمه تحتاج جهد مهوب سهل ..
غير كذا الهلال الموسم هذا كان مضغوط بشكل رهيب .. يعني من مباريات مهمه لمباريات اهم .. وهذا طبيعي بيستنزف جهد اللاعبين .. وبيعرضهم لضغوط نفسيه كبيره .. احنا لازم نسلّم بأن الهلال وراه رجال .. من اعضاء شرف للاعبين لاعضاء مجلس الاداره الى الرئيس .. كلهم تهمهم مصلحة الهلال وحريصين اشد الحرص على ظهور الهلال بالمستوى اللي الكل يتطلع له في كأس العالم ..
لكن اعتقد ان نظرتهم ابعد من نظرتنا كجماهير .. يعني احنا دائماً ننتظر التجهيز السريع .. والمستوى الثابت والمشرف في كاس العالم من الحين .. وهذا خطأ ..
اذا من الحين اللاعبين بذلوا كل مجهودهم ماراح يبقى منه شي لكاس العالم .. احنا نلاحظ تصاعد مستوى الفريق بعد الهبوط الواضح في مباريات الدوري مع المدرب كامبوس والهبوط الواضح في طهران .. وهذا افضل اعداد للفريق لكاس العالم ..

اما المدرب .. رايي فيه يخالف رايك تماماً .. اعتقد انه مدرب كفؤ .. وجيد وذكي .. ويجهز لبعدين .. واعتقد اقرب الناس للفريق راضين فيه .. وهم اللي تهمهم مصلحة الهلال اكثر مني ومنك .. واعتقد ما اختاره الرئيس الا عن قناعه بمستواه .. واعتقد انه يحتاج لوقت حتى يثبت قدرته على تدريب فريق مثل الزعيم .. انتم بس انتظروا وبتشوفون ..