|
شايب !!! ولا زال يحضر مباريات الزعيم !!! وجدت هذا الموضوع في احدى منتديات الهلال ( شبكة الهلال ) وتأثرت بكلام هذا الهلالي اللي يقول عن نفسه انه شايب وعمره 57 سنه !!! اترككم لتقرأوا كلامه !!! وتعرفوا ماذا يعنى الهلال !!!!!!!!!!! ولأنه هلالي مخلص وخبير فيجب علينا ان نسمع ماذا يقول !!! اترككم مع المقال !! يقول ابو فيصل : الجميع يجب عليه القراءة حتى لو ماشارك ......... بسم الله الرحمن الرحيم.. وش اخباركم اول شي انا رجال عمري بال57 سنه وابيكم تاخذون هالكلام على اني هلالي كبير يعاتبكم ياشباب الهلال الي انتم العمد عليكم يالجمهور فتكفون اقروا هالي انا كاتب لانه مهم جدا جداا الصراحة ياجماعة الخير ان الجماهير الهلالية رافعين ضغطنا هاليومين وماعندهم غير مقابل هالكمبيوتر 24 ساعه وبمنتديات الزعيم او الهلال او الثنيان او غيره وسمعنا ان عدد اعضاء منتديات شبكة الهلال اواكبر 3 شبكات هلالية وصل لـ150 الف مشترك وبنسبة تواجد يومي 70 الف عضو وهذي إحصائية قريته امس بالبريد وانا بالمكتب.. لكن ماأعلم عن مدى صحتها لكن الزبـــــدة الحيــن هالمية وخمسين الف الي قاعد يشتم لاعب والي قاعد يطالب بلاعب والي ماشالله صاير مابه احد مثله يفهم كوورة وخذ ياسب وشتم باللاعب الفلاني ضيع جول اللاعب الفلاني سبب مهزلة الهلال..وخذ من كثرة هالكلام شوفوا تقولون لي منتدى أراء اقولكم على عيني وعلى راسي لاني من الناس الي افتخر بالي يصير بمنتديات الزعيم وشبكة الهلال وغيرهن من المواقع الهلالية عموما انا ابسال هالمية الف وخمسين الي بالمنتديات وش يبوون ؟؟؟ كل واحد يكتب لك يوميا اكثر من 10 مواضيع وكلها سب وشتم بلاعب ولا بمدرب وش فايدتهم ذولا باللهي؟؟ اذا كانوا بالمنتديات 150 الف كم عددهم بالملعب؟؟؟ نعنبو شيطانكم اكبر مباراة للهلال هالسنة حضرها جمهور ماتعدى 8 الاف مشجع؟؟؟ وش بلاكم ياجماهير الهلال وش صار بكم؟؟ نعنبو شيطانكم عمري 57 سنه والله ماقد فاتتن مباراة للهلال بالملعب حتى والله المباريات القريبة من الرياض مثل الشرقيه ولا القصيم والله اني اخاويهم؟؟ ياعيال مهب ذا حال الهلال ابداااا ولا هب ذا تصرف الجماهير عندنـــا وش القصة ياجماعة الخير وشلون تقعدون بالساعات قدام الانترنت وتعجزون عن ساعتين بالملعب تفدون به الازرق والله العلي العظيم ياجماعة الخير ان الهلال يستاهل نفداه بعيوننا وارواحنا وعيالنا وش صار بكم يالشباب الهلالين انتم يالي بعمر الزهور انتم الي بكم والله العظيم لو لعب الهلال بفانيل بدون لاعبين والله نفوز لو نلعب قدام ريال مدريد وش بكم ياجماعة الخير وين غيرتكم الهلالية وين حبكم للهلال انا معكم ان الهلال مستواه اقل من العادي هالسنة ولاعبين اقل من المستوى العادي لكن ياجماعة الخير حنا نشجع لاعبين ولا فريق؟؟ ياعيالي والله العظيم اني اذكر قبل كم شهر بمدرجات الناادي اني شايف رجال بعمري انه يصيح بسبب مستوى الفريق وعكس التيار سبحان الله شاب عمره 19 سنه ماسك ((تتنه)) وقاعد يوزع نكت على الجمهور؟؟ وشلون انقلبت الايه حنا قبل 30 سنه يوم حنا بعز شبابنا نصيح لو يتعادل الهلال لو يسافر لكل مكان كنا معه وحنا (( ادج منكم ماليا )) وش بلاكم يالهلاليين وانا مايرفع ضغطي الا لاجاني بزر من الي يعتقدون انهم يشجعونه هلال وقعد يسب ويشتم اللاعب الفلاني وش تشتم له عساك للبلا نعنبو ابليسكم هذولا يلبسون فنايل هلال وش بكم انتم ماتعرفووون وش معنى هلال هلااااااال هلااااااااال نعنبو شياطينكم لاتهمكم أرائكم هالي ماغير قاعدين تأنقونها بهالمنتديات وتسطرونها وكأنها دفتر بنت بالمتوسطه الي يكتب بزهري والي يكتب بالبنفسجي ويحط لي صورة عيون بنت ومادري وشو هذا هو الهلال بنظركم انك تكتب بالفاااضي لا يابيي انتم الهلال اكبر منا كلنا ترى وانا اذكر واحد رفيق لي رحمة الله عليه كنت احضر المباريات انا وياه والله ياجماعة الخير انه بسبب حبه للهلال وهو به جلطــة ان عياله مطلعينه من المستشفى علشان يحضر مباراة الهلال والترجي قبل كم سنة باستاد الملك معقول ياجماعة الخير ان جيل الهلاليين الشباب مابهم ولاء لناديهم معقول هالي يصير لاحد يقولي التذااكر غاليه اقوله (( تكذب )) إذا هي غاليه تقعد بالساعات قدام الانترنت وتجي فاتورك اخر الشهر 2000 ريال واسئلون مجرب عندي ولد من قومكم ماغير قاعد بمنتديات الهلال ويشخبـط وعمره ماطب الملعب وانا ابوه شايب الله يحسن لي الختام ماعمري قعدة قدام الكمبيوتر اكثر من 3 ساعات بالشهر وماعمره فاتتن دقيقة وحدة من مباريات الهلال ابسئلكم بالله مهب عيب عليكم انتم كهلاليين الي قاعدين تسوونه لاحد يزعل كلنا هلاليين وكل واحد ياخذ كلام الثاني على انه كلام محب واننا مجتمعين لسبب واحد انا مابي أطول عليكم بكثرة الكلام لكن يابعد حيي أنتم ياعيالي وياخواني وياعمد الهلال انتم ردائي كل الرجاء انكم تتركون عنكم الترزز بالمنتديات وتنتبهون للنادي تكفوون داخل الملعب اسعدوا اللاعبين بوجودكم والله ماتشوفون الا السعادة والفرح جيبوا لي مباراة خسرها الهلال بالرياض وجماهيره مالية الملعب نعنبو الشيطان قولوا امين ادحروه والتفتوا لمستقبلنا كهلاليين ترى والله الي قاعد يصير مايرضي أحد أبد وصيتي لكم ياجماعة الهلال ياحبيبيني انكم تحضرون للملعب نبيكم بالمنتدى كل وقت لكن يوم المباراة نبي نشوف المنتديات فاضية نبيكم تملون هالمدرجات نبي الملعب الي يلعب به الهلال مايصير لونه الا ازرق وابيض تكفوووووووون تكفوووووووون انتم ياصغارين السن اتركوا عنكم التفحيط والدوران بس وقت المباريات الي يلعب به الهلال اتركوا عنكم الاستراحات والشقق وقت المباريات الي يلعب به الهلال اتركوا عنكم الانترنت والبلاي ستيشن لاصار للهلال مباراة وعقب المباراة لاتخلون شي ماتسوونه سوووا كل الي تبوونه فحطوا وتمشوا وسووا كل شيب استانسوا بشبابكم لكن ترى حب الهلال مهب وناسة ابدا ترى حب الهلال واجب على كل مشجع والواحد يبي يتذكر بعدين لاصار عنده عيال وقعد يكلهم عن انجازات الزعيم ولاه يحس انه من الي كانوا مع الفريق وكأنه هو الي رافع الكأس يوم يتذكر انه حضر المباراة وساهم بانتصار الهلال تذكرو كلامي طالبكم ياشباب الهلال طالبكم طلبة رجال كبير لعياله واخوانه وصيتي تكفووووون خذوه بعين الاعتبااار الهلال مشكلته مهب بالارهاق ولا باللاعبين ولا بالمدربين الهلال مشكلته بالجماهير الي قاعده تسب وتشتم وماعمره دخلت ملعب وشجعت ..تكفووون الله الله بحضور مباريات الهلال.... واتمنى بالاخير انكم تسمعون كلامي لاني فرد منكم وانا متاكد اني أقلكم حب للهلال لكن تكفوون ترى حب الهلال واجب مهب تسليه تذكرواا كلامي..... والله يكتب الي به الخير والصلاح لنادينا الحبيب......... ...................................ابوفيصل هذا ما قاله ابو فيصل !!! يعطيك العافيه ابو فيصل !! وهذا هو الاخلاص والا بلاش !!! |
مشكور أخوي على نقلك للموضوع و أبو فيصل معه حق بكل الي قاله للأسف اغلب الجمهور الهلالي يرفع نفسه عن تشجيع الهلال و يتفرغ للنقد او الهجوم على من يرتدي فنيلة الهلال سواء بالملعب او بالمنتدى . و هناك الكثير يتغلى يحضر مباراة للهلال و فوق هذا يطالب بمقاطعة مباريات الهلال علشان مدرب ولا لاعب ولا اداري . للأسف هذا حال بعض الجمهور الهلالي يتفرغ عن تشجيع النادي الى الهجوم على رجالالهلال من لاعبيين و اداريين و مدربيين و اعضاء شرف أيضاَ!! |
فيصل هلالي كثرة المقاهي وتعدد القنوات !!! وكثرة الاهتمام بالمظهر والجوال !! والتظاهر بالبرستيج الكاذب جعلتنا فيما نحن فيه الآن !!!! اتمنى ان يعي جمهور الهلال ان لكل شيء وقته !!! فللبرستيج وقته !! وللشيشه وقتها !! وللهلال وقته !!! الذي يحز في نفسي ان معظم جمهور الهلال غير واثق في نفسه !! بمعنى انهم يتأثرون بالنقاشات الجانبيه التي تحدث مع بعض جماهير الاندية الاخرى !! ويسمعون كلامهم فينظرون الى الفريق والهلال بنظرة مشجع غير واثق من فريقه الذي يشجعه والذي اقتنع فيه !!! نحن كهلاليين نعرف انفسنا جيدا ونعتقد اننا صفوة المجتمع !!! بل نتباهى بذلك !! ولكننا لا نعرف كيف نواصل هذا التميز !!! المشجع الهلالي هو الوحيد الذي يستطيع اظهار انتماءه دون خجل او رهبه !!! لماذا ننقص من انفسنا عندما نحضر المباريات ونشجع ونستمتع ؟؟؟ هناك من يقول وانا كنت منهم !! ان حضوري للمدرجات يجعلني اسمع بعض الالفاظ السيئه واسمع بعض الجمهور يشتم اللاعب الفلاني ويصرخ في وجه اللاعب الفلاني والمدرب الفلاني !! اصرف لي اشوفها في البيت او الاستراحه وانا مرتاح واسمع التعليق حق الضيوف في القنوات الفضائيه واشوف الاعاده!!! هذا كلام فاضي !! اولا معظم الجمهور الذين يصرخون في وجوه اللاعبين غير هلاليين !! واتحدى اي هلالي يصرخ في وجه لاعب هلالي !! الا اذا كان مريض ولا يفهم !! ثانيا : هل انتم مقتنعين في المحليين الرياضيين ؟؟؟ كل قناه تجيب لها كاتب رياضي مؤهله كفاءه متوسطه دور ثاني بعد !! لا هو مدرب ولا هو لاعب دولي !! وقاعد يتفلسف !!! اللي يسمع لأي واحد غير متخصص فهذا يعني انه ابله !! مع احترامي للجميع !!! ماجد والامام والشتالي !! هؤلاء متخصصون اما غيرهم من الكتاب الرياضيين ومعلقي المباريات فهؤلاء مشاهدين مثلهم مثلنا !! فلماذا نهتم في الاستماع لهم ؟؟ هل هم افضل منا ؟؟ اذا اعتقدنا اننا اقل منهم فهما ونظره فاهلا بالقنوات الفضائيه والشيشه ولا ننسى الاعلانات التجاريه !! هلالنا بحاجتنا في الملعب وليس امام الشاشات التي تكسب من وراءنا الكثير في الوقت الذي يخسر فيه الهلال اقوى ورقه يلعب بها !!! الجمهووووووووور !!! هل نعي ؟؟ تحياتي لك عزيزي !! |
صحيح أخوي الهلال بحاجه لوقفتنا معه . الهلال بحاجه الى تشجيعنا له و ليس الى تزويع الشتائم و النقد الجارح . يجب أن تكون لدينا شئ من الأنسانيه . فليس هناك من لا يخطئ لكن للأسف هناك بعض الجمهور من تصيبه حاله من الغرور على اللاعب الهلالي فيشتمه و ينتقده و ينسى ان هناك عوامل أخرى ينظر الى اللاعب على انه عبد عنده او خادم له ويجب ان يلعب بصوره ممتازه و يفوز الفريق لكي يفرح طال عمره و اذا قصر هذا الاعب فليس لديه أي حق بالقصور و يجازيه بانواع النقد الجارح و السباب . و هذي هي المشكله . أتمنى من الجمهور الهلالي أن يعي دوره بالضبط فلجمهور عليه الوقوف مع الفريق كاكل و تشجيعهم ما دامو يرتدون فنيلة نادي الهلال . و ترك النقد لأهله كلمثل القائل أعط الخباز خبزه لو اكل نصه . فلهلال بحاجه لوقفتنا معه لا لوقفتنا ضده و الجمهور الهلالي و لله الحمد فيه الخير |
إقتباس:
|
السيء الاتحاد لاعبته كبار بالاسماء فقط.. جماهيره تحظر بالالاف وشف وش صار.. يعني لو احنا نجي بالالاف وش بيصير بالزعيم!! والله للأسف هالأيام يستخسرون ساعتين من وقتهم((((الثمين))))) في الانتقاد للهلال.. صوره مع التحيه لجماهير الرياض.. بدلوا المدرب والحين وش صار؟! |
ياسلام على هالسطور الي لو يشوفها اشد الحاقدين على الزعيم رق قلبه كثر الله خيرك يابو فيصل وكثر الله من امثالك وياما سوينا مواضيع عن جماهير الهلال وحضورهم بس ماعندك احد انا من الاشخاص الي مستحيل افوت مباراة بالرياض والله العظيم ياجماعه هالموسم مافوت الا مباراه او مباراتين لظروف خارجه عن ارادتي لكن ولا مباراة بالرياض شفته بالتلفزيون وربي ياعالم الجمهور المفتاح الاول للفوز وروح الزعيم فوق كل شي وماتجي هالروح الا بوجودكم يامحبي الزعيم وصدق والله ابو فيصل خلو عنكم السب والشتم ترانا نشجع الكيان الهلالي ومباراة الطلبه قريبه شوفو كيف راح يكون الجمهور :( |
إقتباس:
|
موعــــــــــــــظة |
ياريت جمهور الهلال ياخذ العظه والعبره وكلام ابو فيصل كله صحيح200/ |
8 8 8 مانبغاه عجوز نبغى شباب نبغى نجدد وبس !!!ّ هاذا مايردده البعض ليس على المشجع بل على النجووم الشريده وسامي وخليل. وبصراحه الا داره الهلاليه اول الموسم احبطت اللاعبين عندما ذكرت انهم كبار في السن !!! تحياتي . |
الله كلامه درر والله والله اخ وين من يسمع بس والله قهر |
[ALIGN=CENTER]والله ان ابو فيصل صادق بكل كلمة .. أتمنى إني من سكان الرياض .. يا أهل الرياض ترى غيركم يتمنى حضور مباراة للهلال ..[/ALIGN] |
ليتني من سكان الرياض بس .. |
يا أهل الرياض ترى غيركم يتمنى حضور مباراة للهلال |
| الوقت المعتمد في المنتدى بتوقيت جرينتش +3.
الوقت الان » 10:23 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd