|
أنا ما قهرني في الحمدان إلا لما وصلت الكورة لسامي عطى سامي ظهره عشان ما يشوف شي !!!!! بصراحة شي غريب !!!! والمشكلة الأكبر منها عرف إن ركلة الزاوية مدري الرفعة تعدت خط الملعـب وحكم الراية ما شافها ولا رفع رايته !!!!!!!!!!!!!!!!!!!!!!!!!!!!!!!! مب شي غــريـــــــــب !!!!!!!!!!!!!!!!!! وإن شاء الله يرجع لنا سامي في المباراة الجاية وهو في أتم صحة وعـافـيـة إن شــاء الله يا رب :) .. تحياتي لكم ،،، |
[ALIGN=CENTER]اخوي واثق /ان جينا من ناحيه تحكيم الحمدان نقول الله يخلف مانريد ندخل في أخطائه في المباراة لانها كثيررررررررره واوضحها ضربه المرمى أنا مدري كيف شافها وحكم الخط ماشافها تطلع عن الخط لايكون طلع لنا واحد ثاني بدال عمر المهنا في هدف خميس امام النصر اللي الغاه بسبب ان خميس كان يشوف الحارس قبل ماتجي الكوره[/ALIGN] |
اخوي فهد .. الله يهدي الجميع بس بس اعتقد كرة القدم فيها الخشونه فيها اللعب الرجولي مو كل من اصيب قلنا فلان تعمده الشريده لما اصاب ماجد عبد الله .. وكلنا يذكرها هل الشريده استقصد ماجد؟؟ اخوي .. اذا انت متعود تضع اتهمات في اعناق اللعبين لازم تعرف اخوي ان فيه يوم راح يضعون اتهام باطل بحقك ولما تبحث عن مكان يبرئك تذكر انك .. حطيت بحق ناس مالاتعلمه في النهايه هي مجرد كرة قدم ومباراة .. مهما وصلت اثارتها يجب ان لا نتعدى انها كرة قدم ملتقى رياضي .. لا اكثر |
[ALIGN=CENTER]اخوي أيطالي اشكرك على اسلوبك الراقي في الرد بقولك شي انا اقولك لعيبه الاتحاد شي ثاني غير الهلال والنصر والاهلي اعتقد تذكر يوم اللعيبه فضحوا مدربهم قبل حوالي موسمين يوم يصرحون ان المدرب كان يوصيهم بإصابه لعيبه الهلال طبعا هذا من الادارة لكي يحرص على اللعيبه في إصابه لاعبينا طبعا ان كنت ماتذكرها بتستغرب بس هذي الحقيقه وهذا كان تصريح من اكثر من لاعب اتحادي[/ALIGN] |
ما اعتقد ان البلوي يقول الشيء هذا لو انه يبي الفوز كان لعب الفريق الاساسي هذي الصراحه مانبغى احد يزعل |
بس هذا مو دليل انا .. واخوي فهد انا اتكلم عننا حنا كبشر نخطي لكن .. مايعلم في النوايا الا رب العالمين وانت حطيت في ذمتك شي صدقني انا متأكد انك مو متأكد من كلامك لو صارت الحركه قدامنا وشفنا التعمد في الخشونه وشفنا وشفنا الا انني متأكد انك مو متأكد انه مستقصد في الامر هذا الامر الاهم من كذا اخوي فهد لما في كل حادث كروي ضد فريقنا راح نسوء النوايا هذا امر يدخل في شخصيتنا .. في الواقع ولا اعتقد انك او ان ايا شخص يتمنى انه يكون سيئ النوايا في الاخرين او في تفسير تصرفات الاخرين في نيه سيئه :) في شبكة الزعيم نلتقى علي المحبه والاخاء لا نلتقي لكي نخطي وان اخطأنا يجب ان يكون لنا اخوه يصلحون ما نخطي به لكي لا نستمر علي الخطا تقبل تحياتي اخوي |
[ALIGN=CENTER]اخوي أيطـالي واتمنى ان تكون ايطـــالي انـــــــــتراوي اتمنى ان اكون أخطأت في التـقدير واناخذها على حسن نيه لكي تصفا قولبنا وهذه عاداتنا في نادينا اوفي منتدانا اكرر اشكرك على مناقشـتك للموضــــوع من كل الجوانب والاســلوب الحضاري وتقبل تحياااااااااتي الخالصـــه[/ALIGN] |
إقتباس:
ما أقول الا الله يخلف ... يعني تبي توهمنا ان اصابة محنطك بالكورة اللي بغت تقصم رقبته انها من الشريدة... بابا تراها كورة وشاتها لاعب واعترضها لاعب ملقوف محد(ن) قاله يحط خشته قدام هالكورة اما لو يجي لاعب زالق من عشرة امتار ويمزق مفصل لاعب آخر وتقول لي كورة لعبة رجال ... لا والله خلينا المرجلة لك ولفريقك خاصة سئ الذكر آكل لحوم البشر كينيدي ولا ابو كوع جنان ناصر المرشد... ولا اعاقة خوي الثنيان مضحي بابوسيفين حبيبي ... بابا... مسالة مقارنة مايفعله مدافعي حالميك ولا جحلط الاتحاد باقدام لاعبي الاندية الاخرى فهذي كبيرة وواسعة شوي ... اوسع من وجه أي نصراوي بائس مندس حبيبي محل هالنوعية من اللاعبين حلبات الملاكمة ولا مصارعة الثيران مو ملاعب الكورة |
اخوي hilali-hoooooo بالعكس انت اتهمت الايطالي بأنه غير منتمي للزعيم بالعكس هذا من افضل الاعضاء كتابه ومواضيع وردود ولكن يبي يشبه في قضيه الاصابات من ناحية القصد وغير القصد هذا للي كنا تنكم عنه فقط لاغير حاول ان تتمالك أعصابك تحياااااااااتي |
http://vb.alhilal.com/showthread.php?threadid=150778 تكفون خلونا في المهم وانسوا هالاشيا مو وقتها اذا تطمنا على حال الهلال فكرنا في هالامور وراه مبارااياات ناااار في الاسيويه والعربيه والمربع ياااااااارب وفق الزعيييييييييم |
فيه ناس عندهم مرض جنون سامي تكفى سامي جالس يطيح من ابسط احتكاك وبعدين وش تقولون اللاعب حس بخطاه لما نفذ الوصية و قام يبوسه .. (( والله ولا أكبر عراف يقدر يقول كذا )) استحوا على وجيهكم مالت عليكم .. فريق فاشل و يطلعون فشله في البلوي و الحمدان خافو الله فيما تقولون |
اسف اخوي hilali-hoooooo علي تأخري في الرد عليك اولا انت تقول لاعبيي المحنط .. تقصد ماجد عبدالله قبل ما يكون لاعب نادي النصر .. فهو لاعب المنتخب السعودي وله انجازاته مع المنتخب ومع ناديه لنصر .. وهو رمز رائع لكرة القدم في المملكه ولا اعتقد احد ينكر هذا الشي الا انسان لا يفقة في عالم كرة القدم شي ثاني شي .. اخوي انا لما .. تكلمت في الموضوع هذا كنت ابين سبب ان في كرة القدم احتكاك .. واذا انت لا تزاول هذه الرياضه غيرك يزاولها .. ويعرف معنى هذه الجمله امر ثالث اخوي اعتقد كل الفرق اللي تلعب هي مسلمه وليست من طوائف متعدده لكي تضيف ان اللاعبين يصيبون بعضهم فهم ناس ملسمين يخافون الله في انفسهم وهم يزاولن كرة القدم وهي مصدر عيشهم وكرة القدم يطغى الحماس فيها وقد يفرط في ذالك وتحصل منها اصابات ولا اعتقد ان لاعب يصتقصد ضرب الاخر .. نرجع لمباراة الهلال والاتحاد الاتحاد المباراة لا تعنيه ابدا فهو في كل الاحوال متاهل والبارقي لاعب مستجد .. حماسه مفرط وعند دخوله علي سامي الجابر وانا متأكد انه مو مستقصد اصابته قد التحم مع سامي .. ولا اذكرك اخوي ان سامي مصاب من قبل المباراة وهذا الاحتكاك .. في مكان الاصابه .. ام ان تتهم عزيزي.. شخص بفعل شي من استنباط مخيلتك الواسعه اعلم ان هناك اخرين يستنبطون عكسك وسوف يتكلمون في حوادث اخرى ضد هلالنا ام عن استطرادك انني لست مشجع .. للهلال .. فهذا يدعني اقول ان لمخيلتك ابواب متقابله ذو معاني مختلفه ومتناقضه الباب الاول ان تطلق لخيالك في العنان لتدخل قلوب بعض اللعبين وتستنبط ما يدور بداخلها ولللاسف تكتشف ان ما بداخلها حقد وكراهيه والامر الثاني .. ان تدخل لبعض قلوب الجماهير وتكتشف انها ليست ذو ميول لفريق معين صدقني سيدي انني لم اعرف عندما كنت اكتب ردي ان هناك محللين نفسيين ذو افكار عاليه ومتزنه والدليل انها تتكلم بكثره لكن بتجاه عكس الحقيقه والامر الممتع في الامر انه لايقرا الردود بشكل صحيح فيقلبها الي وقائع اخرىك;) اخوي hilali-hoooooo شكرا علي رحابة .. صدرك .. وعلي بداعة ما اضفته اخوي فهد اعذرني في تأخري الا ان النوم غلبني :) |
وليش مانتوقعها من ابو طياره اللي صرح قبل فتره يقول اهم ماعلي اني اهدم نادي الاهلي لكن الله يرحمك يافيصل وبعدين الحمدان ذى نثراوي صميم والخطاء المشكله انه قريب منه جعله للعماء بس فيه بعض الجمهورذبحتهم المثاليه يتوقعون ان البطوله تجي بالمثاليه وصدق فهودي يوم يقول ان المدرب ديمتري كان يوجه للاعبين قصدي الجزارين ويعلمهم كيفيه القضاء على النجوم لكن وش تقول لحوج مجمعه |
والله الإعاقة شكلها جاية من قلب لكن ما ندري عن النيات |
والله يا ايطالي... مشكلتك... مشكلة ... انا لا استنبطت من كلامك ولا حللت ولا خللت حتى ولا أدعي اني دكتور نفسي ولا بيطري حتى كل الكلام اللي انا قلته وكتبته هو مجرد توضيح وتفنيد لما تحاول ان توصل له باساليب ظاهرها الاتزان وعدم التعصب وباطنها ( اللي في بطنه ريح مايستريح) حبيبي حتى ردودك ... تلف وتدور تلت وتعجن ... وترجع لنفس النقطة اللي مجمد نفسك عندها ... اولا المحنط .... وسبق اني وضحت لك في رد سابق وش موقفي وموقف اي شخص متزن منه ومن إعلامه وعن الصورة غير الواقعية الكاذبة التي صنعتوها له وحالة الهستيريا التي يصاب بها عشاقه ومحبوه عند مواجتهم بالحقيقة المرة التي يحاولون ان يدفنوا رؤسهم لتفادي رؤيتها على طول تقمز اللي مايحب المحنط ولا يخليه اسطورة فهو مايفهم كورة اي نعم انا ما أحبه ليس لشخصه فهو حسب ما أعرف رجل خلوق رغم بعض الشطحات السلوكية منه (كالسلسلة الشهيرة) ولكن ما أحب النفخة الكذابة التي تصنعونها له انتم ورمزكم ثاني شي الاحتكاك مثل ما تفضلت في عالم الكرة وارد ومطلوب انما زي اللي شفناها من الامثلة السابقة التي اوردتها لك فاسمحلي فكنيدي والمرشد ومضحي يعتبرون مجرمين بكل ما تحمل الكلمة من معنى بل وكان يجب اقامة الحد عليهم وعلى اللي حرضهم على ذلك لان اللي سواه سيئ الذكر كينيندي بالشريدة ... وبايعاز من اعضاء شرف كما سبق واعترف سيئ الذكر الاخر مصطفايا ادريس لايدخل في مسمى او اصطلاح كرة او احتكاك كرة او اصابة ملعب بل القتل العمد عن سبق اصرار وما سبق ليس اتهامات بل حقائق لها شهودها من جميع الاطراف هلاليين ونصراويين كمساعد الطرير وكنيدي نفسه والصحيفة التي نشرت تصريح مصطفايا حبيبي لو اي مدافع هلالي سوى كذا وباستقصاد او بتحريض من عضو شرف صدقني اول من يجـتـثـه من الوسط الرياضي هم الهلاليين انفسهم وتذكر شويش ومصيره واللي سواه الحقير الطارقي لبارح لايدخل تحت مسمى .... معليش الواد صغير... متحمس... سامحوه بل تحت مسمى .... اكسره ولك 50 الف ثالثا الان وبكل شجاعة وبرجولة... اتمنى منك ان تعلن ميولك فشبكة الزعيم ليست هلالية فقط بل سعودية عربية فيها الوان الطيف كافة ومن جميع الميول وليس عيبا ان تكون .... حالمي ... بل العيب هو الاستذكاء والاستظراف ومحاولة ذر الرماد في العيون ولي الحقائق وقلبها لكي تناسب ميولك |
| الوقت المعتمد في المنتدى بتوقيت جرينتش +3.
الوقت الان » 01:25 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd