بصراحه وبدون زعل المشاركات الخارجيه لازم تتوزع على الفرق
 

بسم الله
في البدايه يا اخوان لا احد يزعل مني كلنا لاحظنا حوسة الجدول وتوقف الدوري وزحمة المشاركات الخارجيه ( كل فريق يلعب خمس مشاركات على ما اتوقع كلها ثنتين )
عشان كذا عشان تنحل مشكله المباريات المؤجله لازم ولازم تتوزع المشاركات الخارجيه على الفرق يعني الهلال المفروض يختار العربيه او الاسيويه والاتحاد بعد وتوزع البطولتين على النصر والشباب او الاتفاق ( بس النصر لازم هو الاهم ) كذا تنحل المشكلة فبدل ما تتاجل مباريات الهلال والاهلي والاتحاد تتاجل معهم مبياريات النصر والشباب !! وش رايكم فيني ذكي صح :D

يا جماعه المطالبه بتوزيع المشاركات ما يطالب بها الا جمهور النصر وصحافته يبونها توزع مثل الشرهات والله حاله يعني البطل ماله سنع ويشارك صاحب المركز الرابع او الخامس !!!!
وش حجتهم يقولون ليش الدوري الايطالي تتوزع المشاركات وفي الاسباني بعد بس ما خبرتهم يوزعون هناك شي انا الي اعرفه ان بطولة الاتحاد الاوربي تعطي كل دوله عدد من الفرق يسمح لها تشارك فاذا اعطو ايطاليا مثلا ست مقاعد شي طبيعي يشارك اول سته .

المشكله في جدول الدوري عندنا مو في المشاركات الخارجيه المشكله عندنا في اكثر من محور
1 - جدول البطوله العربيه لا يتم تحديده مسبقا بل على حسب الفرغه وعلى حسب مجاملة بعض اندية افريقيا الي تهدد بالانسحاب واحيانا يتغير موعد المباريات وتتاجل كله عشان الي مشترك ثلاث شهور يجدد اشتراكه وهذا ينطبق على مباريات الانديه والمنتخبات

2 - اتحاد ابن همام الي مدري وش يبي نفس مشكله الاتحاد العربي مواعيد المباريات ما تتحدد الا في نصف الموسم

3- وهو الاهم !! الدوري عندنا هالسنه صار يتوقف عشان مباريات المنتخب غريبه يا ناس

انا اذكر ان الهلال لما كان 8 لاعبين في النتخب ما توقف الدوري ولا احد تكلم ولا يقولون الهلال ما تهمه مصلحة المنتخب وفي البطولات الخارجيه بعد يقولون تاخذ نسبه 30 % حركات والله واذكر بطوله المنتخب اخذ لاعبين الهلال منهم الثنيان والتخيفي .... المهم المنتخب عسكر قبل البطولة بثلاث شهور تخيلوا ثلاث شهور وحرم الهلال من لاعبينه والي صار على الهلال صار على الشباب بعد
لكن هالسنه غير ليش غير اغلب لاعبين المنتخب من الاتحاد . واربعه من النصر الي يلعبون اساسيين في الفريق ( قبل كانوا يضمون من النصر لاعبين من الاحتياط ما عدا ماطر ) وسلامتكم

يا جماعه انا لي طلب صغير اتمنى من اي شخص يقدر يجيب لي احصائيه مباريات الهلال والنصر في العشر سنوات الماضيه لاني اذكر ان اغلب المباريات الي لعبت في الدوري وكاس الاتحاد كان الهلال يلعب مع النصر بدون لاعبين المنتخب وابي احد يجيب لي احصائيه دقيقه بالتواريخ وعدد الاعبين المحرومين من اللعب للمباره بسبب المنتخب من الفريقين وشكرا

والله انك صادق عشان النصر والاتحاد و...........