حسبي الله على الـــ mbc fm ??????? - نادي الهلال السعودي - شبكة الزعيم

الكـــ606ـــاسر · #1 04/04/2004, 01:57 AM

اليوم كان عندي دوام مسائي ولا حصل لي وقت اشوف المباراة
اللي حاصل إني طلعت من الشغل والمباراة إنتهت فتحت الراديو
على mbc fm,,,,,,,,,,,
جت الفقره الرياضيه وخبر نهاية مباراة الهلال والأهلي المصري
بفوز الأهلي 0\1

بعدها خربت النفسية والاخلاق
وقتها مواعد احد اخوياي نطلع للعشاء <نصراوي>
شافني معصب قام يمزح ويستخف دمه حسبت إنه يبي يقهرني بالهزيمه
قلت له فيصل ابعد عني ترا الهلال مهزوم ومالي خلقك,,,,,,,,,,,
قال أي مهزوم المباراة إنتهت تعادل صفر×صفر
وجلس يحلف إنه شاف المباراة لنهايتهاوهاذي النتيجه
عاد أنا صرفتها على طول قلت له: التعادل عند الهلال يعتبر هزيمه

اللي أبي أعرفه ليش سوو الحركه هاذي مع إنها ليست المره الأولى

هلالي.واشربوا.البحر · #2 04/04/2004, 02:04 AM

ههههههههههههههه تعيش وتاكل غيرها حبيب قلبي

هلالي خيالي · #3 04/04/2004, 02:06 AM

هههههههههههههههههههههههههههههههههههههههههههههههههههههههه

حلوه حلوه

وتصريفه احلى.

يمكن انه مصري الي في الرادو

أسير الوداد · #4 04/04/2004, 02:08 AM

ممكن يكون خطأ غير متعمد.......

الله أعلم بالنوايا ......

azoo · #5 04/04/2004, 02:12 AM

[
عاد أنا صرفتها على طول قلت له: التعادل عند الهلال يعتبر هزيمه

هههههههههههههه
يلوووووموني بالدم الازرق ,

وبالنسبه لاmbc fm
وانت اللله يهديك بعد مالقيت تاخذ الا منهم
مالهم ومال المباريات , تبيهم طرب اخر الليل اوكيه

ابوراشد الهلالي · #6 04/04/2004, 02:43 AM

والـــعــلـــم عــنــد الله فــيــه لــــبـــــس

شكل خويك سلكها لك

منص&الرياض · #7 04/04/2004, 02:46 AM

يا اخوان انتم فهمتوا غلط هم من ضيقة الصدر قالوا واحد صفر للاهلي

حسبي الله عليهم الكل ضد الزعيم

المستحيــل الأزرق · #8 04/04/2004, 02:47 AM

أغلب الفياصله نصراوية .. ليه ؟؟؟

مزيون الرياض · #9 04/04/2004, 02:48 AM

هههههههههههههههههه

Turky_66 · #10 04/04/2004, 09:19 AM

فعلا اخوي الكـــ606ـــاسر

بعد نهاية المباراه وانا طالع اشتري عشا استغربت اللي سمعته وكان معي واحد نصراوي في السياره وقلتله افرض اني ما شفت المباراه واعتمدت على متابعة الخبر من الاف ام وش اسوي بحالي يعني قال وسع صدرك كلهم داجين

تحياتي لك اخوي

ابو طاقيه · #11 04/04/2004, 09:25 AM

[ALIGN=CENTER]

بس التصريفه هذي لحاله .

ملاحظه :

ورى اغلبكم خاصه الي سمع الخبر هذا رايح يتعشى مع نصراوي !! قضوا الناس :p

مادري وشلون لكم نفس تعشون ومعكم نصراويه

[/ALIGN]

Turky_66 · #12 04/04/2004, 09:28 AM

8
8
88
8
عاد تصدق اخوي ابو طاقيه
انا اقرب صديق لي نصراوي

واغلب المباريات الخارجيه للهلال نشوفها مع بعض واتفائل فيه كثير يهيهييييييييييييييه

والحمد لله اخرتها البارح تعادل الهلال

الزعيماوي هنا · #13 04/04/2004, 09:37 AM

اخوي ابوطاقية
النصراوي وش فيه يهودي؟؟؟؟
خلو عنكم التعصب اللي ماله سنع

الفن كله سامي · #14 04/04/2004, 09:54 AM

هلا وغلا اخوي

هههههههههههههه ان شاء الله تعيش وتاكل غيرها

بس هو حاول ينرفزك لأنه يدري ان التعادل بالنسبه للزعيم كنه خساره

اخوك / نايف

أبوأسامة الهلاااالي · #15 04/04/2004, 10:07 AM

يارجال..

دام مراسلينهم

محمد قدري حسن ونت نازل وش تبيهم يقولون لك