بالله عليكم يا اخوان....انتو مقتنعين بالطقه اللي لابسين الفنايل الخضرا واسمهم منتخبنا الاول؟؟
ولا مقتنعين بالشي اللي اسمه فاندرليم؟؟؟
ولا مقتنعين بالخطه العلميه المدروسه....اللي تزرعها بصل تطلع كوسا؟؟؟؟
والله اني بطلت اشجع المنخب السعودي....من يوم ما صار فيه تكر والمنشري...والدعوى صارت كشري
على راي عبد الحليم:لو حكينا يا حبيبي...نبتدي منين الحكايه؟؟؟
بدايتها من تخبيص الجوهر في اليابان.....ثمانيه صفر!!!!! اللي يقهر ان الجوهر قال بنفسه بعد قرعة كاس العالم: انا مش خايف من المانيا وبفكر قي مباراة الكاميرون!!!!!!!!!!!!!!!!!!!!!!!
ياعالم الراجل ده صاحي ولا نايم؟؟؟الاخ ضامن يفوز على المانيا تخيلوا؟؟؟؟قمة الاستخفاف وبمين؟؟؟ بالالمان؟؟؟؟ لا والراجل بعد الهدف الخامس او السادس راح منزل الجمعان.....ياولد الواد اللي حيروقهم هوه وشوتاته العميا....مهزله بطلها ابو خطه علميه مدروسه
بعد الفضايح رجعوا وقالو خلاص احنا نبغى نبني منتخب 2006
الحمدلله على نعمة العقل.............تبني؟؟؟ اللي يسمع انه عندك 10000 نادي و100000
لاعب محترف....ياعالم انتو بتخرفوا ولا بتحلموا؟؟؟؟؟؟
وراحوا ولمو شوية لعيبه منسقه واحتياطيين وسووا منتخب.......ولعبو كاس العرب من غير مصر والجزائر وتونس واظن المغرب بالاولمبي وسوريا والبحرين.....ناقص بس الهند ونيبال عشان يترفع مستوى البطوله وتصير زي كاس امريكا الجنوبيه
لا وفرحانين بالبطوله؟؟؟؟وهم بيلعبو مع شوية بزارين زي مباريات الحواري......وبعدها قال ايه جايبين كاس الخليج....وهي نسخه مصغره من كاس العرب....بقيادة محمد نور والمنتشري والحاجه اللي نفسي اعرف ايش تعريفها....ياسر القحطاني!!!!!!!!!!!!!! واحد جايب هدفين في اليمن وهدف في كنكوني الكويت وحاسبينه علينا هداف المستقبل؟؟؟؟ لا والاخ مليونير الغفله وسفيه المال دفع فيه 10 مليون!!!!!!والله زي ما قالو رزق الهبل عالمجانين!!!!!بعدين سمعت انه بطل شكله اتدبس في ابو طويله كريري والودعاني اللي نفسي اعرف ايش المركز اللي يلعب فيه!!!!!!!!!!
ولا خيال المآته تميم اللي لما يجري بالكوره يتعرقل بيها ويطيح على وجهه ولا الجنوبي سيد الرفعات الحوله وما انسى احسن مدافع يتسحب نايف القاضي.....ولا روبرتو كارلوس الحلوي.....واللسته طويله من اشباه اللاعبين
وامس فاز منتخب التشليح واحد مقابل صفر على سيريلانكا
لاحول ولا قوة الا بالله العلي العظيم!!!!!!!!!!!!!!!!!!!!!!!!!!!
واحد بس على سيريلانكا؟؟؟؟ والله الشباب تعبو نفسهم!!!!!!!!!1
يعني قدام ايران ايش حيسووا؟؟؟؟؟؟؟؟؟؟؟ بس ما تستغربوا لانه احنا المنتخب الوحيد اللي انهزم من منتخب ليننشتاين واحد صفر؟؟؟؟؟وقدام منتخب مختلط اندية المدينه المنوره وبالصف الاساسي
يااااااااااااااااعااااااااااااااااالم اتقو الله فينا كمشجعين وشيلو الدلخ فاندرليم(سلامةالدلخ) اللي قال مره انه تجميع لعيبة النتنخب في نادي واحد يسهل مهمتي كمدرب!!!!!!!!!!!!!!!!!!!!!!الاخ جي السعوديه يتمشى مو يشتغل......ومتفق مع البلوي انه يجمعل اللعيبه عشان ما يتعب
والله العظيم وانا باكتب هذه السطور ضغط دمي اترفع
المهم اللي بيستنى يشوف السعوديه في كاس العالم بيحلم
وكاس اسيا ايامها ولت مع جيل العمالقه وانا مستني الفضيحه لما نلعب قدام ايران او اليابان او كوريا ااو الصين
واحلق شنبي((وعد شرف) لو جبنا كاس اسيا بقطع الغيار المقلده اللي عند نا
ويا شباب ردوا عليا وواسوني في المنتخب السعودي
الوضع العادي
