|
مالذي حدث يا خثران ؟ بعد المباراة ! وبهدوء ... استرجعت شريط المباراة لوحدي !! وسألت نفسي عدة اسئلة .. واجبت عنها جميعها ... س/ ماذا كنت افعل في الساعتين التي مضت !! ج/ كنت اشاهد علبة من الحديد مكعبة وفيها قطع كهربائية والكترونية تسمى هذه العلبة ( تلفــــاز ) وفي يدي قطعة فيها ازارير تسمى "ريموت كنترول " لكي اتنقل في قنوات ذلك الجهاز ! س/ ماذا كان يوجد في ذلك التلفاز ؟ ومالذي جعلك تقضي ساعتين امامه ؟ ج/ كنت اشاهد اوادم وناس جالسين يركضون خلف قطعة قماش منفوخة يقول المعلق ان اسمها ( كرة قدم ) قدم الهلال في مباراة الشباب مباراة من اسوأ مباريات الهلال على تاريخه .. والحمدلله ان هذه المباراة لم تكن امام الشباب وهو في قمة مستواه والا كان اتوقع ان الشباب يعطي الهلال نتيجة تاريخية وما راح يلقى الشباب الهلال في ظروف اسوأ من الظروف اللي كان فيها .. نرجع للهلال !! لن اتطرق للامانة العامة .. ولن اتطرق للتحكيم .. فكل المنتدى ليس له حديث الى عن هاتين النقطتين ؟؟ دعونا نصحح اخطائنا ونحاسب انفسنا .. اما اخطاء غيرنا فالله حسيب عليهم .. ماذا فعل لاعبوا الهلال ؟؟ هل رأيتم هجمة مرسومة او جملة تكتيكية سليمة ؟؟ هل رأيتم روح في الملعب ..؟؟ الجميع كان يتهم تراوري بانه سبب الخسارة وانا احمله ايضا جزءا كبيرا من المسئولية ..؟؟ ولكن اعتقد ان تراوري كان اكثر لاعب يلعب بحماس وكان اكثر لاعب يبحث عن الكرة .. وسط الهلال البارحة كان غائب تماما .. وهنا اقف قليلا عند الخثران ! مالذي حدث ؟؟ هبوط مفاجئ ومخيف .. تمريرات خطأ .. ولا تمريرة من لمسة واحدة منذ اربع مباريات سقوط كثير في الارض .. التسبب في خطاء كثيرة في منتصف الملعب .. تسديد عشوائي .. حتى خطأ من خارج منطقة الجزاء يطوح به لخارج الملعب بشكل استفزازي لكل المتابعين حتى الخصم ! كل النقاط اللي ذكرتها رأيتها في الخثران من مدة .. ولكن توقعت انه ينتبه لها لانه لاعب خبير .. ارجو من الخثران انه يصحح اخطائه ويشوف وين الخلل .. فقد كان الخثران اسوأ السيئين ليلة البارحة .. العجلاني دخل المباراة بتشكيل خاطئ تماما .. احمد خليل كان متألق في المباراة السابقة وكان الاولى بقائه الى جانب الشريدة ويكون سيفو محور الى جانب عزيز وسعد الدوسري والمطرف ( او الشايع ) يمين .. واذا كان لابد من بقاء سيفو مدافعا .. اعتقد ان الشايع افضل من المسعري بكثير .. يعني لازم نقول ان المسعري امرضنا ! رسائل عاجلة .. ** خالد عزيز كنت اكثر لاعب يطوح بالكرات عالية .. وكأن مهمتك هي ابعاد الكرة الى ابعد مسافة ممكنة الى الامام بغض النظر الى اين تذهب ! وحماسك لو يختلط بشيء من التركيز سنجد محور من الطراز النادر ! ** حسين العلي اصبحت تتفرغ لتحليل المباريات بعد كل لقاء مع اوربت وصرت اشوفك كثير في اللقاءات ! اترك الانتقاد وابحث عن نفسك في الهلال. ** خالد المغيربي كانت اول مرة اشوفك تصرح فيها لوسائل الاعلام .. وليتك ما صرحت ! اعد مشاهدة التصريح مرة اخرى وراح تعرف ليه الومك يا عزيزي .. ** ادارة نادي الهلال بث الثقة في نفوس لاعبي الفريق ( الغير دوليين ) افضل من التقليل من شأنهم وكأن الهلال لن يفوز الا بالدوليين ! فالنزهان كان ممتاز واصبح سيئ .. ** الخثران فيه عند اخطاء كثيرة .. وانت ادرى بها ! ** تركي الشايع زيادة حرص على التمارين وراح نشوفك اساسي وانت افضل بكثير من الموجودين لاعبي الهلال البارحة لم يكونوا لاعبي الهلال .. ولا حتى انصاف لاعبين ! دعونا نصحح الوضع ونترك الامانة والتحكيم .. لاننا تعبنا من الكلام في الامور هذي وما منها فايدة .. وراح نواجه اصعب من كذا .. فالمنافس في الدوري بدأت تضيع كل اماله وما بقى له الا اضاعة اماال الهلال ! البطولة العربية راح نواجه اصعب من هالظروف .. وحكام اصعب . والاتحاد الاسيوي .. وما ادراك مالاتحاد الاسيوي .. عاد بالذات السنة هي ما يبون الهلال يجيب الكاس عشان نادي القرن ! فدعونا نصلح اخطائنا اولى !! |
الخثران يوم كان لاعب في نادي الشباب كان لاعب ممتاز بس يوم حضر الى نادي الهلال اختلف لعبه بعد تربية اللحية ....تفول من جماعة ((بن لادن )) وشي حسين المسعري ده .. شكله اللي يجيب كورة من خارج الملعب الله على تراوري وهو يبتسم لما يضيع هدف الحين ليش ما يحط هالمدرب احمد خليل مع الشريدة في الدفاع و سيفو محور مادري ليش المدرب العجلاني غير مقتنع بــ سعد الدوسري كل مباراة ويغير اللاعب .. ليش وش قالوا له لاعب نص شوط ولله حاله |
بصراحه الخثران ماله داعي في الهلال للأسف بدل مانبحث عن وجوه شابه و جديده عدنا الى اخذ مخلفات الانديه |
كود: وهنا اقف قليلا عند الخثران !كود: الخثران يمو كان لاعب في نادي الشباب يا أخي ضباب الليل استح على وجهك وش ذا الكلام:confused::cry::cry: ما يجوز تستهزأ باللحية:upset::upset::upset: والله عيب هالكلام عيب وستين عيب الله يهديك |
ضباب الليل صدقني ما نقصت من الخثران ولا ذره ولا مقدار وعلي فكره كل الهلالين لما يشوفون الخثران ينبسطون .. لن الرجال مشاء الله عليه في طريق صحيح في دينه .. ونتمنى له التوفيق والثبات وكل الموجدين ينقدون علي مستواه بس انت انسان ناقص عقل وناقص دين ..وصدقني اكبر عيب اننا نرد علي امثالك الواطين لن الواطي طول عمره واطي مهما فكر يرتقي بيظل واطي |
ضباب الليل .. اتمنى يكون عندك احترام اكثر من كذا .. ولا اريد التعليق اكثر على هالنقطة حتى لا تأخذ ابعاد اكثر مما تستحق Zaeem_DC الخثران ليس سيئ .. وكل لاعب معرض لهبوط في المستوى .. ولكن المخيف ان هبوط مستوى الخثران وصلنا لمرحلة احس فيها انه ما عمره كان لاعب دولي !!! خالد150 جزاك الله خير يا غالي ايطالي جزاك الله خير .. وما راح ينقص الخثران ولا ذرة |
@ الغالي ابو حميد موضوع رائع كروعة كاتبه ورسائل في محلها ووقتها . @ الضباب اللي رد على الموضع ويستهزئ بالخثران ... من ردك عرفناك وعرفنا لماذا تهاجم الخثران والتزامه بالسنة المطهره .. إقتباس:
|
ضباب كلامك فيه ضباب نتكلم عن الخثران بسب مستواه اما ان تستهزئ بشئ من امور الدين فنقول لك لا والف لا لان من استهزء بالدين او بشئ من امور الدين ماحكمه حكمه كافر اقول انك من طائقة00000000000000000000000000 وانت عارف مااقصد |
هلا اخوي حبي تيماوي تسلم يا غالي :) وحلوة ده :) يا هلال حبك حبنا .. الله يجزاك خير على حرصك وللكن لا تدعنا ندخل في مهاترات التكفير والتشكيك في النوايا والله هو حسيبه ونحن علينا النصح ولا تجعلونا نخرج عن صلب الموضوع |
سبحانك اللهم وبحمدك أشهد الا اله الا أنت استغفرك واتوب اليك على الأخ الاعتذار ويكفي لهذا الحد... |
بصراحة الخثران صار ينافس العنزي والمسعري في المستوى , والمشكلة انه ما فيه احد يتكلم عليه وعن كروته الملونة اللي ياخذها بدون سباب |
إقتباس:
|
يالموهوب كل الدعوة وانا اخوك سايبة .... صجوناااا بالمدرب وراااح المدرب وهاهي الهزيمة من شباب الشباب قدام دوليييينا المحترمين ... |
[ALIGN=CENTER]يعطيك العافيه على هالموضوع ودائما حنا ننتقد لآعبين مثلا العنزي والمسعري وننسى لآعبين ابدا ابدا هم مو في مستوى الفريق ومنهم الخثران اسألكم بالله وش يسوي الخثران بالملعب ؟؟ والله ولا شئ مفيد مجرد فاولات تمريرات خطأ .... الخ الله يصبرنا بس :([/ALIGN] |
أي والله .. عـبدالعـزيز الخثران تـغـيير .. ياخي ماهو الأول اللي نعـرفه !!! الله يهـديه ، خـشـن زيادة عـن اللـزوم حيث أصـبـح الـكـرت الأصـفـر أمر طبيعي لـديه !! الله يهـديه ، تـمـريـراتـه خـاطـئـة ، ويـمـسـك الـكـورة كــثـيـر !! والله أننا ما ننقـده إلا من الـمـحبه ، وعـشـان مـصـلحته ، والكابتن عبدالعزيز أدرى واحد بنفسه ، ونحن متفائلين كـثيراً بـعـودته لمسـتواه !! شكراً أخوي الموهوب عـلى هـذا الموضوع اللي فيه النقد الهادف شكراً ،، |
| الوقت المعتمد في المنتدى بتوقيت جرينتش +3.
الوقت الان » 11:03 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd