|
هلال البارحه ليس بالزعيم ..لاكن هو الهلال السوداني ..!!.؟؟ [ALIGN=CENTER]بسم الله الرحمن الرحيم الهلال الهلال الهلال .. هذا الاسم الغاااالي على قلوب جماهيره ومحبيه وعشاق الفن الهلالي :)... هل تتذكرون عام 1416 هـ وعام 1418 هـ من منا ينسى تلك الاعوام مواسم البطولات والفن الهلالي .. من منا لايتذكر ... فهد الغشيان .. الجناح الطائر :laugh: احسن جناح ره السعوديه وفي نادي الهلال خاصة ... من منا لايتذكر ... خالد التيماوي افظل لاعب في خط الوسط الهلالي .. وايظا اللاعب ... فيصل ابو اثنين واللاعب خالد الرشيد ;) كنا اذا رئينا مباراه للفريق الهلالي نتعلم من لاعبيه الفن والمهارات العاليه ونستمتع برؤية المباراه حتى ولو كانت امام فريق الرائد او النجمه في ذللك الوقت .. ولكن في الوقت الحالي ومن عام 1423 هــ لمن نرى مباراه ممتعه وجميله للهلال وهاهو الهلال يواصل تخبطاته وليس من المدرب فقط .. بل من اللاعبين ... لمن رأيت المباراه البارحه بين الهلال والشباب ايقنت ان اللي في الملعب مو الهلال .. اللي في الملعب فريق الهلال السوداني ... ليس بالهلال وليس بلاعبي الهلال ... وين فاولات الجمعان وين تمريرات الدوسري وين النزهان وين الشريده وين ايام المسعري ,, كل شي انتهى يالهلاليه ... مااااااااافيه لاعبين يستحقون لبس شعار الهلال او اللعب فيه .,. تخبطات المدرب العجلاني كثيره .. انا من يوم شفة مباراة الخليج وانا قايل للشباب مدام مباراة الخليج لاعبين بمستوى هزيل اجل اشلون مباراة الاتحاد والشباب والاهلي . عزالله رحنا وووطي ... انا قلة ان المدرب العجلاني ماهو بحق هجوم .. ذا المدرب القدير يستحق يدرب القادسيه و الوحده والطائي و الرياض لانهم يلعبون دفاع والهجمات المرتده .. اللي يلاحظ مباراة البارحه .. يقولو ان التشكيله بالاساس غلط ومليون غلط .. اوريكم كيف .. الهلال يبي يحصد النقا ط للثبات في المركز الثاني لاكن تشكيلته المكونه من .. سوفو بالدفع و المسعري و الخثران و عزيز في الوسط و تراوري بالهجوم غلط .. المفروظ انه يدخل خليل مكان سوفو .. ياشباب سوفو جايبته الادراه في الاساس على انه لاعب محور وليس بالدفاع :uhoh: والمفروظ في خط الوسط ... المطرف و المباراك ومازن الفرج .. بدلا من المسعري والخثران و عزيز ... كاننا نبي نطلع من المباراه باقل نتيجه ممكنه من الاهداف :blueroll: والهجوم : العنبر و العلي ... لاتقووووووولولي الفريق ناقص... اذا كان الالمبي اقوى من الاساسي اشلووووون نقول ناقص .. ياااهلالليين لا تضحكو على انفسكم وتقولون ناقصين ... بالله عليكم وش للي ينقصنا عندنا في الوسط زخم كبير من اللاعبين في الاول والالمبي ... الهجوم .. ياكثرهم .. العلي - الجابر - الشيحان - الجمعان - تراوري - الصويلح - العنبر ياااكثرهم .. الوسط : المطرف { افظل من يقود وسط الهلال } - البرقان { ظالة الهلال في المحور } - الفرج المبارك - العمودي - عزيز - الشلهوب - الغامدي - الشايع - الضويلع - سعد الدوسري الحوطي - العنزي - الخثران } في الاظهره :: { النزهان - الدوخي - الجري - المطيري - مجرشي } لاحظو الفرق بين الالمبي والاول من خلال اللعب والتكتيت والمهاره .. والهلال هو هلال الحبشي وبس .. مباراة الشباب ليسة بالاخيره ولاكن هي بوابة التغيير الهلالي الجذري .. اتمنى التوفيق للمدرب الاعجلاني ويلاحظ الفرق .. ويعرف خطئه .. ويصحح الخطأ نبي نرجع ذكريات ::: الثنيان والغشيان والتيماوي... اخوكم : ابونواف[/ALIGN] |
هلا وغلا اخوي ابو نواف اول شي اشكرك على الموضوع بس اللاعبين ماقصروا والشكوى لله الحكم عمر المهنا هو اللي حرمنا الفوز ولاتنسى انه 6 من لاعبين الهلال الاساسيين غايبين اللي هم الدعيع والدوخي والشلهوب والغامدي والجابر وسيسيه والله يصبرنا على النتايج وان شاء الله باذن الله الدوري مو فالت من أيدينا اخزك : نايف |
إقتباس:
النزهان الله بالخير حلوة ايام المسعري اصلا من لعب للهلال وهو من جنبها إقتباس:
ما نبي نكون مثل بعض الناس نحط اللوم على الحكم صحيح له اخطاء بس الفريق كان سيء جدا وكلهم قصور الشباب لعب 8 مباريات وهو ناقص تقريبا ثمانيه من لعيبته ولا قالوا مثلنا العجلاني ما قصر ساهم بالهزيمه واحنا اخترناه لانه مو غريب على الفريق والدوري يعني لحد يقول يبيله وقت يتعرف على الفريق |
إقتباس:
|
اخوي .. الفن كله سامي مو مبرر للهزيمه وجود 6 لاعبين منهم في المنتخب والاخرين مصابين اخوي الغالي .. يوجد في الهلال منهم افظل من لاعبي المنتخب والمصابين وهم .. المطرف البرقان الفرج الصويلح الحوطي النزهان المفروظ يلعبونهم .. مو يدخلك لاعبين منتهين مثل .. المسعري و الخثران اخي ..امواج الزعيم صدقت اخوي الجمعان يشوت 100 ويجيب منها مره جول بس يستغل الفرص زين ابرك من تراوري .. ويمرر تمريرات ممتازه لزملائه المهاجمين اما المسعر.. انا معك انه من جنبها بس لمن كان يلعب بجانب التيماوي والثنيان وابو اثنين يبدع قليلا ويساعد اللاعبين في الفوز وتقديم مباراه مشرفه للهلال .. اما النزهان .. حرام عليك والله الرجال يحاول انه يرظي الجماهير بشتى الطرق لعب ظهير ايسر وابدع .. هل تذكر هجماته وتمريراته امام النصر في نهائي البطوله العربيه هل تذكر لعبه الرجولي امام الفرق المنافسه وحماسه الزايد ... ياشباب لا تعلقون الهزيمه في شماعة التحكيم .. لاننا نحن كهلالليه لانرضى لانفسنا ذللك لان الهلال ياما انظلم تحكيميا ولاكن فاز واخذ البطولات .. لاتجعلونا مثل النصر والاهلي .. مشكور يالغااااااالين على المرور وارائكم ... ولاكن متى نرى فريق الهلال كما سبق هلال 1418 و 1416 متى ...؟؟؟ اخوكم : ابونواف |
| الوقت المعتمد في المنتدى بتوقيت جرينتش +3.
الوقت الان » 04:15 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd