هلا وغلا اخوي ابو نواف

اول شي اشكرك على الموضوع

بس اللاعبين ماقصروا والشكوى لله الحكم عمر المهنا هو اللي حرمنا الفوز ولاتنسى انه 6 من لاعبين الهلال الاساسيين غايبين اللي هم الدعيع والدوخي والشلهوب والغامدي والجابر وسيسيه
والله يصبرنا على النتايج وان شاء الله باذن الله الدوري مو فالت من أيدينا

اخزك : نايف

إقتباس ليس بالهلال وليس بلاعبي الهلال ... وين فاولات الجمعان وين تمريرات الدوسري وين النزهان وين الشريده وين ايام المسعري ,,

الجمعان يشوت 100 فاول ويمكن يجيب منها واحد
النزهان الله بالخير
حلوة ايام المسعري اصلا من لعب للهلال وهو من جنبها

إقتباس بس اللاعبين ماقصروا والشكوى لله الحكم عمر المهنا هو اللي حرمنا الفوز ولاتنسى انه 6 من لاعبين الهلال الاساسيين غايبين اللي هم الدعيع والدوخي والشلهوب والغامدي والجابر وسيسيه

ما نبي نكون مثل بعض الناس نحط اللوم على الحكم صحيح له اخطاء بس الفريق كان سيء جدا وكلهم قصور
الشباب لعب 8 مباريات وهو ناقص تقريبا ثمانيه من لعيبته ولا قالوا مثلنا

العجلاني ما قصر ساهم بالهزيمه واحنا اخترناه لانه مو غريب على الفريق والدوري يعني لحد يقول يبيله وقت يتعرف على الفريق

إقتباس إقتباس من مشاركة أمواج الزعيم الجمعان يشوت 100 فاول ويمكن يجيب منها واحد النزهان الله بالخير حلوة ايام المسعري اصلا من لعب للهلال وهو من جنبها ما نبي نكون مثل بعض الناس نحط اللوم على الحكم صحيح له اخطاء بس الفريق كان سيء جدا وكلهم قصور الشباب لعب 8 مباريات وهو ناقص تقريبا ثمانيه من لعيبته ولا قالوا مثلنا العجلاني ما قصر ساهم بالهزيمه واحنا اخترناه لانه مو غريب على الفريق والدوري يعني لحد يقول يبيله وقت يتعرف على الفريق

اخوي .. الفن كله سامي

مو مبرر للهزيمه وجود 6 لاعبين منهم في المنتخب والاخرين مصابين
اخوي الغالي .. يوجد في الهلال منهم افظل من لاعبي المنتخب والمصابين وهم ..
المطرف البرقان الفرج الصويلح الحوطي النزهان

المفروظ يلعبونهم .. مو يدخلك لاعبين منتهين مثل .. المسعري و الخثران


اخي ..امواج الزعيم

صدقت اخوي الجمعان يشوت 100 ويجيب منها مره جول
بس يستغل الفرص زين ابرك من تراوري .. ويمرر تمريرات ممتازه لزملائه المهاجمين

اما المسعر.. انا معك انه من جنبها بس لمن كان يلعب بجانب التيماوي والثنيان وابو اثنين
يبدع قليلا ويساعد اللاعبين في الفوز وتقديم مباراه مشرفه للهلال ..

اما النزهان .. حرام عليك والله الرجال يحاول انه يرظي الجماهير بشتى الطرق
لعب ظهير ايسر وابدع .. هل تذكر هجماته وتمريراته امام النصر في نهائي البطوله العربيه
هل تذكر لعبه الرجولي امام الفرق المنافسه وحماسه الزايد ...

ياشباب لا تعلقون الهزيمه في شماعة التحكيم .. لاننا نحن كهلالليه لانرضى لانفسنا ذللك
لان الهلال ياما انظلم تحكيميا ولاكن فاز واخذ البطولات ..

لاتجعلونا مثل النصر والاهلي ..

مشكور يالغااااااالين على المرور وارائكم ... ولاكن متى نرى فريق الهلال كما سبق
هلال 1418 و 1416 متى ...؟؟؟


اخوكم : ابونواف