|
هي خاربه خاربه خلينا نعميها يالربع والله مهيب اندافعية او ثورة مابعد الهزيمة من الشباب .. ولا هي اخر الهزائم هاللي كانت اليوم من الشباب .. ولا الشباب فريق صغير يوم يهزمنا نستغرب فشيء عادي ان يهزمنا الشباب . لكن وش السالفة الدعوة تكشفت ماعادت في المدرب وعلينا نركز على الاسباب .. ياصاحب السمو الملكي الأمير عبدالله بن مساعد .. كلامك عن التحكيم وعن اللجنة الفنية ما نختلف عليه . بس يابعدي مانبي نخط نفس خط جار القمر ونتكلم عن امور ماراح تتعدل مدام فيه شيء اسمه هلال لا من اللجنة ولا من غيرها .. في الوقت اللي ننسى فريقنا والتدقيق في مستوياتهم ووجود اشباه اللاعبين . يابعدي الفريق الاولمبي وش قاعد يسوي ووش قدامه من مشاركات يوم انك تسمح بتجاهل نجومه اللي اثبتوا وجودهم ومستواهم مع الحبشي . ياجعلي مابكيك .. المسعررررررررررررررررررررررررري وش قاعد يسوي وفي الاولمبي من هو افضل منه بمراحل . يابعدي تركي الشايع ومحمد العنزي ماهم طموحنا ومستواهم عادي اكاد اجزم لو هم في فريق أقل من الهلال مالقيناهم يلعبون . ياتاج راسي ثلاثة ارباع فريقنا الاول الحالي مايقالهم نجوم .. لاعبين عاديين اقل من طموحنا الله يطول في عمرك .. والله يافي بعضهم لا يعرف يمرر كرة صح ولا يستقبل كرة عالية ولا عنده كنترول على الكرة ومافيه الا تشويت على بالهم يرفعون .. وكل من مسك الكرة رفع راسه واهم شيء تاصل منطقة ال 18 راح شايتها . مفتقدين نجوم والفريق القائم على نجمين ثلاثه .. لانخدع انفسنا مثل هذا مايكمل المشوار ولا بيرفع كؤوس . وين الهلال اول يوم كان احتياطيه بمثل قوة الاساسي ان لم يكن أقوى .. ووووووين نكهة الهلال ورونقه وابداعه .. ووووين ذيك المباريات اللي ودنا الشوط يكون فيها ساعتين من استمتاع بكرتهم الراقيه . يابعدي الاصابات امنا بالله ومسلمين لايمكن نعترض على أي اصابة .. لكن فيه سبب لازم تبحث عنه وتعالجه .. يمكن لاعبيتنا محتاجين تمارين تقوية وهالشيء ليه مايكون في الصباح مدام فيه شيء اسمه احتراف . الله يطول في عمرك كم لاعب اصيب من لاعبيتنا يابتمزق يابالرباط الصليبي ولا احد اشترك معهم وش دلالات هالشيء عند سموك . تعودنا نترقب اللاعب الفلاني ونتفاجأ انه في غرفة العلاج أو خارج التشكيله والداعي إصابة ماحصلت في مباراة .. وخطأ كبير لابد ان يبحث عن سبب له ان تكون اصابات لاعبينا اكثرها من التمارين . السالفة ماهي في المدرب السالفة وضحت في لاعبينا وفاقد الشيء لايعطيه لو جبت له افضلها مدرب في العالم . متأملين وصابرين نقول بكره بيطلع نجوم الاولمبي بس وين بيطلعون منه وارشيف الهلال قاعد يطلع لنا .. يافوحة التسبد ماعاد عندي ما اقول غير اننا محتاجين قرار جرئ يصفي اللاعبين .. هي خاربه خاربه اعموها يمكن يزين الحال او يتعدل . |
الصدق انه فيه لاعبين كثير ما المفروض يقعدون والله مستواهم اقل من عادي وان شاء الله الحاااال بيزين بس يبي حركه شوي |
وانا متفق معك على طول الخط فيه لاعبين مالازم يقعدون اخوي فطين .. السالفة ماهي تجني على لاعب او حتى عشرة .. السالفة ان لبس الفانيله الزرقاء كان حلم ولا هو بالبساطة يتحقق لكن اللي قاعدين نشوفه الآن صاحب المستوى العادي بل والاقل من عادي ببساطة ممكن تلاقيه يرتدي الفانيله الزرقاء ويلعب دون ان يكون له اثر في الفريق . |
ياجماعة الخير،،، سامي بيعتزل...التمياط مصاب...الشلهوب...اليد الوحده ماتصفق.. وش بيصير في الوسط الهلالي بعد سنة؟؟؟ هل الاب الروحي لعبارة طقها والحقها محمد العنزي اهل للثقة؟؟؟؟ هل الراعي الرسمي للعك الكروي حسين المسعري من الممكن الاعتماد عليه؟؟؟؟ هل الظهير الطائر محمد النزهان ممكن نثق فيه؟؟؟؟ :no: ابعدوا المسعري و النزهان والعنزي....فالهلال ليس فريق لاعبي ماركة ((لهم مستقبل،يجي منهم،يفكون ازمة)) الهلال بحاجة للاعبين سوبر.. من يذكر قبل اربع سنوات من كان يمثل الفريق؟؟ الحراسة: الدعيع...ماشاء الله.. الظهير الايمن الدوخي...ياسلام... قلوب الدفاع خليل والشريدة...وش هالدفاع؟؟ الظهير الايسر..النزهان:( بداية الانهيار... المحور: ابوثنين،توليو...اااااه الوسط:نواف،يوسف،الشلهوب....اففففف على الوسط المرعب.. الهجوم: الجمعان،الكاتو...وش هالهجوم...! من ينسى موسم 1417هـ اللي كان من افضل مواسم الهلال من ناحية التشكيلة... الدعيع،الرشيد الدوخي ليتانا الشريدة فيصل خميس التيماوي الثنيان بصير سامي.... لو نقارنه بالتشكيلة الحالية؟؟ الماس،الشريدة،المطيري:confused:،النزهان:confused:،سيفو،الخثران:no:،المسعري:no:،العنزي:mad:،تراوري،ال دوسري.... البعض جيد لكنه لايرقى لمستوى الهلال... |
والله جبتها صح ..... |
ياحبيبي اعصابك يكفيك تشوف العجلاني تضحك عليه وترى الهلال ناقص يعني وش تبغاه يسوي انتظر لم يرجعون لاعببين المنتخب بعدها نحاسبه المسعري والشايع والمطيري وعزيز والعنزي وحسين العلي والله لو تلعبون مع نادي درجه ثالثه التعادل معهم مكسب لنا الكلام ليش مالعب البررقان والمطرف وانكان للعجلاني تقدير بهذي المباراة العرق الي ينزل من جبهته معني ماشفت عرق نقدر حماسه وتراه دب لا تزعلونه الله يعطيك العافيه المشعلل |
هلا اخوي العا15شق .. إقتباس:
والعمل اخوي العاشق في نظري .. ان نوجد الفريق الذي افضل مما نحن نتذكره معاً سابقاً .. نريد من قوة فريقنا ومن وجود العناصر الفاعله والمستحقه لتمثيله ان تنسينا أي مستويات كبيره قدمناها مع نجومه في السابق لا ان ننسى تلك الاسماء . لأننا نريد ان نكون اقوى من السابق ايضاً . واذا نظرنا لمسألة البعض جيد .. فعلينا ان ننظر لمسألة هل هو جيد في فريق بحجم الزعيم .. ممكن يكون جيد في فريق اقل من الزعيم لكن الزعيم المفروض بحجمه وزعامته ومكانته .. لانرضى بلاعب اقل من جيد جداً وممتاز . تحياتي لك مع شكري لمداخلتك . هلا اخوي اسير الوداد .. اذاً انت معي متفق بأن معالجة الخلل يجب أن يبدأ من اللاعبين لا من المدرب فقط او من اي امور إدارية . اللاعب أهم عنصر في الفريق وان لم يكن بمستوى الهلال فمهما عمل ومهما جاء مدربين لن ينجحوا بلا اللاعب صاحب المستوى العالي . هلا اخوي المشعلل .. وش نسوي لاجل الزعيم كل شيء يهون حتى لو كانت الاعصاب .. ولو نظرنا لمن اخذهم المنتخب تراهم ثلاثه فيهم الشلهوب اللي لغاية قبل المباراة السابقة لم يكن مشارك مع الفريق لاصابته .. اي ان المعنى لابد ان يكون هناك بديل جاهز لايقل مستواه عن من يغاب للمنتخب او بداعي الاصابة .. فانت تشارك في السنة في اكثر من اربع بطولات وبتداخل مبارياتها لابد ان توجد اللاعب البديل الجاهز . وكلامك في محله البرقان والمطرف ونجوم واعده وينهم لطالما هناك نقص في الفريق .. هل المسعري او العنزي افضل منهم نتمنى ذلك لكن الحقيقة تقول عكس هالشيء .. الميدان ياحميدان . والميدان اثبت فشلهم . |
| الوقت المعتمد في المنتدى بتوقيت جرينتش +3.
الوقت الان » 05:03 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd