المغيربي يسيئ للهلاليين ويقف في صف عبدالرحمن بن سعود
 

[ALIGN=CENTER]انتهت مباراة الهلال والشباب التي كان كل شىء فيها سيئ بالنسبة للهلال بدءاً من تشكيلة العجلاني وانتهاءً بالتصريح المأساوي لخالد المغريبي .

كنا دائما كهلاليين نتفاخر بأننا الأكثر مثالية بين جميع الأندية واننا لم يسبق لأي منا سواء كان مسؤول او لاعب ان اساء لأي شخص آخر بالفاظ تسيئ لنا قبل ان تسيئ للآخرين .
وكم انتقدنا تصاريح رئيس النصر واحاديثه التي يستهزء فيها بخلق الله ويطلق عليهم الفاظ لا يرضاها أي انسان على نفسه منها تشبيهه الحكم عمر المهنا بالممثل اسماعيل ياسين .
وللأسف خرج علينا اليوم مسؤول هلالي وردد نفس العبارة عن عمر المهنا .
هذا الشخص قتل مثالية الهلال وزادنا حزنا على حزن .
اعجبني عندما تداخل في مقابلة العلي وقلت ان شاء الله سيقول خيراً وسيحتج على الحكم ويبين انه ظلم الهلال لكني لم اتوقع ان يقول تلك العبارة التي كنا نشفق على من يقولها .
نعم المهنا اخطأ وظلم الهلال والهلال تضرر منه كثيرا ومن حقنا ان ننتقده وان نطالب بحقوقنا ولكن بعيداً عن الاستهزاء والسخرية بخلقة الله .



أتمنى من كل قلبي ان يتقدم خالد المغيربي باعتذار لعمر المهنا عبر الاعلام وان يعترف بخطئه في حق رجل مسلم أوصى الله عز وجل بحبه واخائه ونهى عن سبه والاستهزاء به .



اخطاء العجلاني لاتقل عن اخطاء المهنا في هذه المباراة . [/ALIGN]

رد: المغيربي يسيئ للهلاليين ويقف في صف عبدالرحمن بن سعود
 

خل المثاليه تجيب لك كاس!!!

وش تبيه يسوّي لك العجلاني ؟؟!!!!!!!!


لايكون تبيه ينزل ويسجلّك هدف !!!!!

متيم بالزعيم :

أصبحنا زعماء اسياء والاندية العربيه كلها ونحن محافظون على مثاليتنا فهل نسيئ للآخرين حتى نحافظ على زعامتنا ؟
وانظر لمن يعجبونك بأخلاقهم وتصاريحهم ماذا حققوا ؟


هوجن 15 :

ياليت اذا يقدر يسجل ينزل ويسجل لنا هدف :D

لو سألتني عن أخطائه باحترام اجبتك

اقول خل المثاليه لك ولا شكالك ...

وش نفعتنا المثاليه .

مدري وش قال بس اي كلمه تنقال في الخائن اسماعيل ياسين يستاهلها

اولا: انت تقول انه استهزء بخلقة الله وهذا هو ما استهزء هو استخف دمه هو قال اسماعيل ياسين يعني ما شبهه بحيوان لا شبهه بأنسان مثله خلقه بأحسن تقويم..

و انا اقول ماله حق
ثانيا: اصلا هو بأي حق يصرح اداري ماله دخل في هالأمور ولا احد ناداه بس هو المسكين من حر ما يونس بقلبه شي يبي يقوله ولا قدر يسكت
ثالثا:الادارة اكيد انها درت ولاهم ساكتين عليه عشان بكره ما يطلع لنا واحد وهو بالفعل ما يسيء غير لنا
حنا نبي واحد يحكي ما يسكت عن حقنا لكن ماهو اي واحد يا الرئيس يا شخص مفوض ولا هو بنفس الاسلوب طبعا...
اما العجلاني ماله دخل في المباره ما فيه افضل من الموجودين غير انه غلط في سعد الدوسري

سبب الهزيمه الوحيد تراااااااااااااااااااااااااااوري حسبي الله عليه لا حكم ولا غيره لو الفرص المؤكده الثلالثه جايه ما احتجنا احد لا حكم ولا غيره

مع إحترامي وتقديري لك إخوي الغالي الشلال الأزرق :)

بعذره والله ..

والأنسان لحظه الغضب والزعل يقول كل شيء ..

تحياتي لك .

انت رأئع ياشلال 00 وتستحق كل الشكر 00 واترك عنك من جاءت ردودهم 000000 !!

صح كلامك يالغالي


ونحن لا نرضى السخرية بالآخرين وننتقد أخطاءهم فقط

حفظك الله واجرك ان شاء الله

ماعمر احد اخذ شي بالمصااايح ... وش بلا الاعضاء يرددون ان لازم الرئيس او الاعضاء يصايحون ويسبون عشان ناخذ ححقوقنا

ما اظن احد كسر الرقم القياسي بالمصايح والسب مثل رئيس النصر ... بالعكس كل مال فريقة يفرط ويبعد عن البطولات والله واعلم لاتكون عقوبة

اعمل في فريقك وصرح على لاعبيك ومدربك وصحح اخطاء الفريق وحاسبهم ليش هالمستوى المتردي اللي لو لعبو يومين زيادة ما شمينا فوز .... واترك عنك الحكام واتحاد القدم اللي مهما تكلمت عنهم ما راح يفيد بل بالعكس ياثر على اللعبين ويعتقدون انهم ادوا المطلوب منهم

اقتباس وقفله
كل رجل مسلم أوصى الله عز وجل بحبه واخائه ونهى عن سبه والاستهزاء به .

فعلااااا , صرنا أبطال السعودية و الخليج و العرب و آسيا و احنا محافظين على مثاليتنا .. تسلم اخوي

العجلاني+المغيربي+المستوى العام للهلال+المهنا.......

والله ياجماعة الخير كلهم صفر صفر صفر.......

الله يبلى المهنا في نفسه وعياله بمصيبة الى يوم الدين , يستاهل كل ما يقال عنه

الهلال يعيش فوضا لم يعيشها من قبل

انا معك لو المهنا اول مرة يظلم الهلال
لكن في كل مبارة يحكمها يظلم
والا نسيت بلنتي الكاتو
والله اني ماشفت بلنتي اوضح منه في حياتي

والسنة هاذي حسب بلنتي غير صحيح للوحدة على الهلال وتجاهل امس طرد وبلنتي لنا
الفرق بين الهلال والنصر
ان الهلال ينتقد التحكيم اذا اخطأ
اما النصر ينتقده في كل مرة سواء اخطأ او لم يخطأ

انا عن نفسي اعذر المغيربي لان المهنا لايستحي