[ALIGN=CENTER][TABLE=width:70%;background-color:transparent;background-image:url(backgrounds/8.gif);border:1 solid darkblue;][CELL=filter:;][ALIGN=center]
الجزء الأول

لأننا حنا يالقصمان ناس ما نحب الفضايح ابداً
عندي لكم كم فضيحه خاصه بأخوان لنا أعضاء بشبكة الزعيم ;)
انا بعلمكم بفضايحهم بس بشرط موب تنشرون فضايحهم
لأننا ما نحب الفضايح ابداً


يبي يحضر بالمنصه وناسي ثوبه !!

هذا واحد الله يستر علينا وعليه
في احدى مباريات الهلال المهمه كان معي قبل المباراة بساعات وكان لابس جنز
على انه جايب ثوبه معه علشان يبدل قبل لا نروح للملعب
وقبل المباراة بحوالي ساعتين قلتله خلنا نروح للملعب لكنه رفض وقالي لسه بدري
قلتله خلنا نروح بدري ما تدري وش يصير علينا قال توه بدري مررره
المهم قبل المباراة بحوالي ساعه قمنا علشان نروح للملعب ويوم جينا نبي نركب بالسيارة سألته قلتله وين ثوبك يالأخوا ؟؟
تفاجأ ورد علي يؤؤؤ نسيته
بيت خوينا بعيد عن الملعب
يعني يبيلنا روحه ورجعه حوالي الساعه إلا ربع
يعني اشلون نلحق على المباراة ما أدري !!
المهم اشتغل سباق الراليات كما هي العادة في الشباب السعودي يتأخرون على مواعيدهم وبعدين يزعجون خلق الله بسواقتهم
الحمد لله وصلنا للملعب قبل بداية المباراة بس بعد دخولنا للملعب سلمت على بعض الشباب اللي اعرفهم واختفى خوينا عن الأنظار
ودورت عليه ولقيته مترزز بالمنصه
الظاهر موب مصدق انه لبس ثوبه ووصل للملعب قبل بداية المباراة


المصريين اقدع ناس !!

هذا واحد ملقوف الله يستر علينا وعليه
كان يسوق سيارته بأمان الله وفجأه جت القراده حقت السعوديين
وحب يتحرش بسواق مصري
المهم خوينا كل اشوي يتحرش بالسواق المصري يلف سيارته على سيارة المصري وابو الشباب المصري يبعد سيارته عن سيارة خوينا
المهم خوينا مصخها كثير والمصري مطنشه
بس كان المصري ناويه وخوينا ما يدري
خلاه المصري لين يدخل حارته وسكر عليه بسيارته يعني خوينا انحجر حجرت قطوا
ونزل عليه المصري وطلع كم مصري من البيوت اللي بالحاره
وخوينا ولا كلمة جالس بسيارته ويوزع ابتسامات
يصرف ابو الشباب كأنه مافي شئ
المهم بعد مطالبات وترجيات المصري طلع حبيب ومشاها على خير
وبعدها خوينا صار يمشي بالشارع ويقول ( المصريين اقدع ناس ) ;)


مشرف يثبت وآخر يشوت !!

هذولي اثنين من حبايبنا المشرفين;)
واحد منهم نازل موضوع بأسمه والموضوع مثبت
الموضوع أخذ وقت طويل وهو مثبت وبعد فترة فك أحد المشرفين التثبيت عن الموضوع
المهم خوينا المشرف صاحب الموضوع تفاجأ بعد دخوله ان الموضوع مفكوك تثبيته ورجع وثبته
ورجع مشرفنا الثاني دخل في وقت ثاني وشاف الموضوع مثبت مره ثانية وفك تثبيته
ولا جديد بالسالفة رجع مشرفنا صاحب الموضوع وشاف موضوعه مفكوك تثبيته رجع وثبته بس هالمره قال للمشرف ابو التشويت لا عاد تفك التثبيت
وفعلاً مشرفنا ابو التشويت شاف ان مشرفنا ابو التثبيت مصر على رايه
ترك موضوعه مثبت لين يمل منه هو ويفك تثبيته
المهم انا صرت كل ما أدخل اشيك على هالموضوع على طول ;)
موب لقافه بس ابي اتطمن
مره اشوفه مثبت وأخرى مفكوك التثبيت وطبعاً انواع الضحك

[/ALIGN][/CELL][/TABLE][/ALIGN]

[ALIGN=CENTER]هلا والله وغلا

هذي مذ كـــــرات قصيمية ماعاد هيب فضايح قصيميه




على العموم اتمنى انه مايكون احد منهم من عنيزه


تحياتي وانااخوك

في انتظارالجزءالثاني
;)[/ALIGN]

[ALIGN=CENTER]

هلا وغلا بالبرنس

بصراحه خوووووش فضايح ولو انك كملتها وذكرت الاسامي كان يا سلام:p

يعطيك العافية على هيك فضايح واحنا بانتظار الاجزاء الثانية

تحياتي لك

[/ALIGN]

تصير في أحسن العائلات

[ALIGN=CENTER]

إقتباس إقتباس من مشاركة الأزرق العالي [ALIGN=CENTER] خوش فضايح .. <== انبسط على الشر SIZE][/ALIGN]

أقول أحلف بس


أما أنت بالبرنس راجعه لك بس متى يمكن الخميس إن الله أحياني
لأن الإربعاء مواعده فيصل أرد عليه [/ALIGN]

[ALIGN=CENTER]هلا بالبرنس ;)

الموضوع ذو ( شجون ) <== ما هو عارف معناها :p

بس يا للأسف00غابت فيه ( الأسامي ) ;)[/ALIGN]

[ALIGN=CENTER][TABLE=width:70%;background-color:transparent;background-image:url(backgrounds/8.gif);border:1 solid darkblue;][CELL=filter:;][ALIGN=center]

هلابكم جميعاً

برق الزعيم
عندنا وعند عنيزة خير

الأزرق العالي
لا تشمت الدور عليكم في الأجزاء الجايه

كيفي كويتية
تبين اساميهم اجل
الظاهر انك كويتيه بس خوالك قصمان


سهل 888
قصدك في أحسن المنتديات ;)

كـادي
موب عاقله معاليها
الله يحييك حتى ردودك يبيلها مواعيد

بطل الفيلم
على فكرة شجون وش تقرب لفتون
ياحبكم للفلسفة اللي ما تدرون وين الله حاطها

[/ALIGN][/CELL][/TABLE][/ALIGN]

الـحـاتـمــي ...



مــر مـــن هــــنــــا ...


ويـقـول : برنس أبعطيك 500 ريال بس تعلمني من هو أبو جينز

إقتباس : برنس أبعطيك 500 ريال بس تعلمني من هو أبو جينز

حراج المقاصيص يالحاتمي

إقتباس كيفي كويتية تبين اساميهم اجل الظاهر انك كويتيه بس خوالك قصمان

خوالي من الكويت


تري قصمنجي بعد من العاصمه


تري مو ان أبو جينز

واحنا بانتظار الاجزاء الثانية

شكرا

[ALIGN=CENTER][TABLE=width:70%;background-color:transparent;background-image:url(backgrounds/8.gif);border:1 solid darkblue;][CELL=filter:;][ALIGN=center]

الحاتمي
ما ودك تخليها 1000
وأعلمك بأساميهم كلهم

الشلال الهلالي
لا حراج الفضايح
من قال انك ابو الجنز
يمدحون ثوب الدفه

[/ALIGN][/CELL][/TABLE][/ALIGN]

[ALIGN=CENTER]ههههههههههههههههههه الف شكر لك حبيب قلبي prince1111

ومشكور على الفضايح بس تكف علمني منهو راعي الجنز

نتظر بفارغ الصبر الجزء الثاني ........ يموت في الفضايح وخاصة حقت المشرفين اقول prince1111 خوفتي انت راعي الجنز بس صادووووووه ....[/ALIGN]

[ALIGN=CENTER]من زينك يالبرنس بعد
كلش ولا القصمان عاد
الله يستر من الجزء الثاني
بس لاتقرب من صدى الأمس ترى عنده فضايح عن بعض القصمان[/ALIGN]

[ALIGN=CENTER][TABLE=width:70%;background-color:transparent;background-image:url(backgrounds/8.gif);border:1 solid darkblue;][CELL=filter:;][ALIGN=center]

@البرفسور@
وش فيكم على راعي الجنز
أول مره تشوفون واحد لابس جنز يجلس بالمنصه
صادووه!! لا عيوني موب انا

هلالي شامخ
لا شكر على واجب اخوي

ابو مها
لا تتحرش احسن لك

[/ALIGN][/CELL][/TABLE][/ALIGN]