[ALIGN=CENTER]يا ذيـب انـا راحـل علـى غـيـر رجـعــة &&& واوصيك انا ياذيب تاخذ مكــاني

بيـتر قتلـني لـجـل يـرضـون ربـعـــه &&& و ربع لنا ياسام تبغى هـــواني

اللي شمت واللي بخل لـي بنـفعه &&& واللي تجاهلني وسكت ثم نــساني

قالوا: أبـو طـبع جنـى ذنـب طبعـــه &&& وانا من طبوعي الذهب ماعصــاني

كم كاس استعصى على الغير رفعه &&& وجيت انا واصبحت فارس زمـــاني

كم من هدف احسنت للغير صنعـه &&& وكم حارس استسلم لعنفـــــواني

حتى الظهير اللي بذل كل وسعـه &&& أصبح يهز الوسط ((ياليل داني))

خمسة عشر ماكان له أي سمعـة &&& والحين رقمي صار الاول وثـــاني

لجـل الـوطـن لعبت ببـره وجـرعــــه &&& تسكن آلآم الوجع في كــــــياني

و جيت انتظر تكريم حصلت صفعــة &&& هدت طموحات الفرح والتـــــهاني

والحين انـا راحـل عـلى غير رجعـه &&& واخشى عليك انك تضيع بثـــواني

مادام بيتر في يـده عـود شمـعـــه &&& لاتحرقك نار الحسد والامـــــاني



وهذه قصيده الرد علي لسان اللاعب سامي الجابر
وتقول القصيده:
بعض العرب لاغاب بنقول :قلعـة &&& بس النمر لاغاب شفنا الـهواني

يا روح الازرق كيف ترحل بسرعه &&& ابقى على شان الهلال وعشــاني

كل على فرقاك بيهل دمعـــــه &&& وأنـا عـلـى فـرقـاك كـل بكــــاني

لا يارفيق الدرب ماهي بسنعــه &&& ترحل لجل بيتر وفلان وفـــلاني

ياللي جعلت اللعب موضه وصرعه &&& ياللي بك الكوره تغني أغـاني

ياللي لك الجمهور عاشق بطبعه &&& ياللي عليك اعلامنا صار جـاني

مـاقـدروا تـاريـخ حـافـل بنصعـــه &&& مـاقــدروا هــذا الـتـعـب والتفاني

آعـز رقـمـك كـنـه الرقم تسعــــه &&& و امـضي مـعك عـام يمر بثـواني

دمك خفيف والثقل فيك صنعـــه &&& والفلسفه دكتورها اللي عطـاني

ترفـع لـي الكـوره ولاهـي برفعــه &&& وتقبل علي تطلب دفاي وحناني

تمريرتك كنهاهدف بس لسعــــه &&& آحطها في القول وآنا مكــاني

أرجوك لاترحل على غير رجعـــه &&& حتى لو انك نلت كل الامـــاني

خل القهر والظلم تعطيك دفعـه &&& وترجع مثل اول تذل (الحصاني)


الف تحيه وشكر من كل من اعجبته القصيده لشاعر هاتين القصيدتين



تحياتي [/ALIGN]

رهيب والله يا أخي أحمد يعطيك الف عافيه ,,

قمة في الروعه ماشاء الله تبارك الله عليك

يعطيك العافيه

إقتباس إقتباس من مشاركة رابعه رهيب والله يا أخي أحمد يعطيك الف عافيه ,,

وياذيب بوصيك لا تاكل الذيب


رائعه احمد خمس طعش


تحياتي

[ALIGN=CENTER]قمة في الروعه ماشاء الله تبارك الله عليك

يعطيك العافيه اخوي احمد ......[/ALIGN]

حتى بشعرهم فن وذوق سبحان الله

صح لسانك..
يفدونه الشعار من أولهم لأخرهم صاحب القصيده..

إقتباس إقتباس من مشاركة @البرفسور@ [ALIGN=CENTER]قمة في الروعه ماشاء الله تبارك الله عليك يعطيك العافيه اخوي احمد ......[/ALIGN]

صح لسانك ياشاعرنا المبدع

[ALIGN=CENTER]
اخوي احمد 15 انا صاحب القصيدتين
وعتبي عليك كثير في انك لم تذكر اسم شاعرهما
وقد كتبتهما هنا بالشبكة عندما تم ايقاف النمر
من قبل الاتحاد الاسيوي
[/ALIGN]

[ALIGN=CENTER]بالفعل القصيدتين للاخ سيف الزعيم "ابو بدر"
وهي موجودة على هذا الربط

سامي يرد على الثنيان:بعض العرب لاغاب ...(قصيدة)

وعدم ذكرك او اشارتك الى كاتب القصيدة ايحاء بانك صاحبها
رغم عدم تعمدك ذلك ولكن كان الاجدر بك ان تنسبها الى صاحبها
او تشير الى عدم معرفتك به[/ALIGN]

حلو هذا الكلام بس ياليت انك نسبته لصاحبه حفظا للحقوق

صح لسانك

ولله درك

قصيده رائعه جدا جدا يا سيف الزعيم وانا سبق اني قرأتها باسمك والحقوق محفوظه يا شاعر الهلال ... وشكرا جزيلا يا اخ احمد على اعادتها لنا من جديد ... وارجو ان تذكر الكاتب الذي اجزم بانه سقط منك سهوا

إقتباس إقتباس من مشاركة ابن الازرق قصيده رائعه جدا جدا يا سيف الزعيم وانا سبق اني قرأتها باسمك والحقوق محفوظه يا شاعر الهلال ... وشكرا جزيلا يا اخ احمد على اعادتها لنا من جديد ... وارجو ان تذكر الكاتب الذي اجزم بانه سقط منك سهوا