من اللي يجيب هالخلاقين .. تكفون علموني .. في شي محيرني من فترة .. لا والله ومضيق صدري .. تدرون عاد .. يمكن تقولون ابوشيخة مكبر الموضوع .. ومعطيه فوق حجمه .. لكنه والله مضيق صدري .. ومحوم تسبدي:D .. بقول لكم وركزوا معي .. :blueroll: ما تلاحظون إن لاعبين الهلال لما نجي نشوف صورهم في المنتخب نشوف الواحد منهم جنتل .. ويملا العين ما شاء الله عليه;) أما إذا شفناه مع الفريق الهلالي فنلاحظ انه متهرقل ويترطرخ :D .. وبعد نظرة فاحصة ومتمرسة وخبيرة بهذه الأمور تبين لأبي شيخة التالي : أن لاعبي الهلالي يلبسون خلاقين وهراديس ما يلبسها أفقر فريق في العالم:D على الرغم من أهمية ذلك بالنسبة للفريق .. لذلك أتمنى من إدارة الهلال أن تتكلم مع الشركة التي توفر الملابس للفريق أن تهتم بحسن التفصيل والتصميم لخلاقينها أو أن يتم استبدال هذه الشركة اللي تنحوق في ملابس اللاعبين .. وانظروا إلى الفرق الأخرى كيف تبدع في ذلك ما عدا الفريق الهلالي .. :mad: .. عموما أدري المسألة مو محرزة لكن ولو نبغى نشوف فريقنا .. وهو أطخم :D .. وألف شكر للجميع ... :):):) |
كانك تدري وش بقلبي اشوى انك كتبته لان الهلال محتاج لبس مثل الانديه الرااااااااااقية |
كلامك سليم أخوي .. من جد أطقم اللاعبين مالها داعي وكثير من الشباب تعبوا وهم يكتبون حتى بعضهم صمم أطقم للاعبين مشكورين .. آتمنى أن يوصل للإداره هالكلام .. ودنا بأطقم مثل منتخب إيطاليا |
كانها الملابس تبي تجيب بطولات نبي نسوي قطه |
يا ابا شيخه حنا نبيهم يجيبون بطولات لو يلعبون بثيابهم اهم شي البطوووووووووووووووووووووووووووووووووووله ااااااااااااااااااااااااااااااااااااااااااااااااااااااااااااااااااااااااااااه يالبطوووووووووووووووله |
إقتباس:
|
إقتباس:
حتى الاعلان يكون مخيوط خياطه ماهو طباعه:eek: والله ان فنايل نادي الفقر احسن منا:upset: |
السلام عليكم :yes: فعلا ياخي الملابس يبي لها اعادة نظر وخاصة انظروا الى ملابس الهلال في مباراة الجيش تحس ان للفريق هيبة لكن بالملابس هذي احس انها دون المستوى وخاصة انها كبيرة جدا على بعض الاعبين لا شفت الشلهوب تقول كانه لابس ثوب أزرق :D طيب الحين مجرب سؤال فيزيائي :D الحين خل معك مظلة :D وفتحها وحطه ورا ظهرك واركض ما تقل السرعة ثانيا لاحظو شي مهم جدااااااااا :bluesky: لاحظوا الفرق االوروبية ليش الملابس يهتمون انها تكون تفصيل على الجسم وخاصة للمهاجمينهم عشان يفتكون من حكاية جر الفنايل من المدافعين وأيضا يساعد الاعبين امهاجمين على التمثيل اذا حاول المدافع يسحب فنيلته ولا يقدر تصير كأنها دفعه :bluesky: ثلاثا شوفو اكثر لاعبين الهلال :upset: مايدري يلعب المبارات ولا يبلش بهالفنيلة اللي كل اشوي نازلة لكتفه :smilewink تحياتي |
يا عمري محمد الشلهوب، هو بلش بالفنيلة كنها ثوب، لا ويخب عليه بعد جايبين مقاس الجمعان ويلبسونها للشلهوب . |
[ALIGN=CENTER]أتمنى أن أرى لباس الهلال القديم ( فنايل زرقاء وشورتات بيضاء) حقيقة أتفاءل إذا رأيت هذا اللباس[/ALIGN] |
السلام عليكم ورحمة الله وبركاته ... من الواجب الاهتمام بالمظر لاننا كنادي كبير نمثل الهلال في الخليج وآسيا والحقيقه هناك اهمال من هالناحيه من قبل الاداره .. شوفو الانديه الاماراتيه او فنايل الاتحاد الجديده .. وعلى فكره التغيير زين وله تأثير على النفسيه .. وان شاء الله نرى الهلال بثوب جديد وروح جديده اما أهلي مصر والأسيويه .... |
تحس تفصيل حي الله مشي حالك و اللعب واللاعب يقول ولله حاله وين اودي وجهي من سخرية الجمهور |
[ALIGN=CENTER]كلاااااام سليم المفروض الفريق يتعاقد مع شركة عالمية متخصصة في المجال هذا أديداس ولا نايكي ولا لولتو في شركات كثير وتترك عنها الفالح للرياضة وشلتها. نبي نكشخ زي العالم والناس، نبي نلبس.[/ALIGN] |
كلام سليم ، وتكلمنا كثير في هذا الموضوع ولكن دون فايده ،، ياخي شف الاتحاد متعاقدين مع شركة لوتو اللي كانت مسؤولة عن ملابس اليوفي في الموسم الماضي ،،، متى أرى الهلال بأطقم مثل الريال أو الإنتر أو غيرها |
كلامك صحيح ابوشيخه وياليت الاداره تهتم في هذا الموضوع شوي ومثل ماقال احد الاخوان انه في بعض الاعضاء صمم اطقم للفريق وكانت جدا رائعه تحياتي. |
الخليج وهم الخليج فريق هابط للدرجة الاولى ولسى طالع منها تصميم ملابسهم أكثر من رائع اما الهلال!!!!!!!!!!!!!!!!!! |
والله امر اللبس مهم جدا ( الاندية العالمية والمنتخبات يهتمون بهذا الجانب كثير جدااا ) والله ان امر الملابس كنت ابي اكتبه بس والله مادريت وش اكتب فيه لان الملابس ما لها داعي ابد شوفو ملابس الاندية الاخرى ملابي على مستوى عالي وشوفو نادي الاتحاد متعاقد مع شركة كبيرة فارجوا ان يتعاقد الهلال مع شركة اكبر مثل شركة ( نايكي - اديداس ) فهاتان الشركان أفضل من لوتو بالف مره وارجوا ان يكون اللبس الجديد من هاتا الشركان الكبيرتان وان يكون ذا مظهر جذاب يجعل اي شخص مها كان يشجع من نادي ان يشتري لبس الهلال لما له من مظهر جميل وجذاب. [ALIGN=CENTER]ملاحظة / أرجوا ان يكون اللبس مثل لبس منتخب البرازيل الجديد أو منتخب الطليان. وان يكون الاعلان على اللبس ذا قيمة جيدة يجلب للنادي مبالغ كبيرة وارجوا ان يكون الاعلان ثابت مهو كل مباراة يتغير فارجوا وضع اعلان شركة كبيرة او العودة لاعلان ( مدارس المملكة )[/ALIGN] |
ودنا انهم بس يلعبون ok وبالنسبه للبس لو يجون بكلس المهم انهم يلعبون صح زي العالم |
[ALIGN=CENTER]معليش يا جماعة .. لكن تلوموني يوم قلت انها خلقان .. بالله شوفوا اللباس كيف جاي عليهم .. تقول بلوشية عايشين بخيام والله ولا عيال أيتام .. http://vb.alhilal.com/news/DQSy5.jpg بالله شوفوا كتوف تراوري وكمومه ..:D http://vb.alhilal.com/news/DQSy8.jpg ولا يفوتكم ابوعبدالعزيز كيف الفنيلة مشنترة من ورا :D http://vb.alhilal.com/news/DQSy10.jpg ولا يهون ابوعبدالله والله .. :D:D:D http://vb.alhilal.com/news/DQSy16.jpg لكن لا تفوتكم الشياكة والإتيكيت هنا .. يا عمري يا اللاعبين:D تلقاكم تقولون يا خوي ذا أشغلنا الله يشغل شياطينه عنه :bluesky:;):D[/ALIGN] |
والله انك عرفت اللي بقلبي والله يا جماعة الوان الهلال من اجمل الالوان لكن الذوق في الملابس انواع الملحجة الاكمام لاهي قصيرة ولا طويله والتصميم شوي كلمة قديم عليه وتنسيقها من اقبح ما يمكن شلون لو كانت الوننا مثل الوان الخليج شوفو حل لنا تكفون |
والله مشكله هالفنايل وبصراحه أنا منقهر من لبس الهلال من زمان كل ماشريت لي لبس هلالي أتفشل وأغيره وعلشان ما البس لبس يقارب لبس انديتنا قلبت على لبس هولندا وبصراحه من يوم ما تدخل الفالح وتشوف لبس الهلال محطوط في لفة كنهم يتفشلون يبيعونه وبصراحه احسن لبس رياضي شفته لبس البرازيل يارجل ماهو قماش مطاط والله لو تجر ليوم الدين ما ينفع وبعدين ترا اللبس المطاطي اللي يلبسونه البرازيليين مفيد جدا للاعب علشان لو يجره الخصم يبان للحكم لان اللبس ينمغط في يده بدون ما يأثر على اللاعب بعكس الخلاقين لا جريت اللاعب انسحب معك تقل ساحبه بحبل وبعدين ترا اللبس يفتح نفسية اللاعب ولا منتم معي في هالموضوع بالله اللحين لا شرا واحد منكم لبس جديد وهاللبس داخلن مزاجه بالله ما تحس انك تبي تروح تلعب كورة لو انك شاريه الظهريه لا وتلقاك تلعب متحمس فرحان بلبسك وبعدي صراحه انا جربت ولا عشرين لبس وكل شهر وانا طاق لي طقم واحسن شركه صراحه لوتو تحس انهم يتعبون على اللبس وحتى الخيوط اللي يستخدمونها خيوط خفيفه ومتناسقه مع اللبس مو مثل فنايل الفالح كنهم مخيطينها بمخرز حشى ماهو لبس ذا هذا جلد تحياتي |
[ALIGN=CENTER]طقم ايطاليا اللي يجي على الجسم الفنيلة زرقاء غامق والشورت أبيض والله ان يطلع للفريق هيبه ان شاء يوصل الكلام للادارة وماتقصر ان شاء الله لأن الموضوع مايكلف مره بالنسبة لفريق كالهلال[/ALIGN] |
الهلال ظهر مفصل طقومه عند الرياضيون اللي في اسواق العويس !! عموما حنا عادي عندنا لو يجون بسراويل سنه وهم يلعبون زين ويفوزون ماتفرق معنا . |
لا ننسي لتفعيل هالموظوع وما هي فائدته الملابس وخاصه اثناء اللعب تؤثر علي اداء اللاعب داخل الملعب مثلا في عز الشتاء لاجيت تلعب وعليك كومه خلاقين تحس انك ثقيل بقوه مثلاً ملابس فرقه روما فقط شاهد اي مباراه لهم ومثلهم المنتخب الايطالي اولا مظهر جميل ثانيا حسب علمي ان اللاعب ياخذ راحته ويفتك من شد الفنايل الللي يحصل بكثره داخل الملعب وهالنقطه مهمه تبين للحكم ان اللاعب مشدوده فنيلته وتكسبه فاول ممكن الحكم ما يحسبه لو كان عليه فنيله فظفاضه ووسيعه لان يد الخصم راح تكون مغطيه بالقميص الوسيع والحكام عندنا مثلكم عارفين ماشا الله عليهم ولا زرقاء اليمامه النظر سته علي سته اتمني توصيل الموظوع لاداره النادي من قبل القريبين منها من الاعضاء في الشبكه ولا انسي اضيف ان مظهر الدعايه علي الفنايل راح يكون مميز اكثر للشركات اللي تضع اعلانها عليها تحياتي لك اخوي |
ايه والله المفروض يهتمون باللبس لأنه يعطي الفريق هيبه وياليت لو يرجعون للبس اول الموســم او العام اللي ثلاث خطوط على الكتف زي لبس كاس العالم هذا التصميم حلو ويناسب الهلال وفيه فرق عالميــة تلبس نفس التصميم وهو اتوقع من شركة اديداس .... اما لباسهم هالخمام اظاهر مفصله احد الخياطين الملابس الرياضيــة ....!!! |
غير ان الطقم شين طالع كنه جريدة الوسيله انواع الاعلانات بخيوط شينه |
السلام عليكم ورحمة الله وبركاته... موضوع مهم وياليت تنتبه له الإدارة.. أحلى طقم مر على الهلال في رأيي زي ما قال أحد الإخوان الطقم اللي من أديداس في ثلاث خطوط على الكتف وفي الجوانب كبيرة، وفيه بعد طقم سابق من شامل اللي ألحين ماسكة اللبس في الفريق كان حلو على أيام الكاتو اللي فيه قصة في أسفل الشورت... وحق اللعب هذا اللي ألحين عليهم ما عليه حليو بس لو يجيبون لهم معلم تشطيب كان أحسن، يعني يهتمون بالمقاسات والدعايات.. ويشوفون لهم ملابس تدريب أفضل من هذي شف الدعيع كنه لابس بجامه وتوه قايم من النوم... تحياتي طارق |
هذا واللون الازرق ساترهم لولا الازرق يسترهم كان فضايح بس الازرق يجذب انظار الناس وماينتبهون لتفصيل ومقاسات الطقم اللي كنه بجامات نوم |
[ALIGN=CENTER] الموضوع جداً .. مفيد .. وحساس في نفس الوقت : ولكن نقطة مهمة : لمل لا يتم توجيه هذي الأسئلة الى شركة شامل المحتكرة .. لتوفير ملابس الزعيم .. ! :rolleyes::rolleyes: [/ALIGN] |
عندي فكرة حلوة ليش مايلبسون مثل لبس الكاميرون الي بدون أكمام:D:D:D:D:D |
الوقت المعتمد في المنتدى بتوقيت جرينتش +3.
الوقت الان » 11:59 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd