[ALIGN=CENTER]


[ALIGN=CENTER]الشاعر الرائع ناصر القحطاني وقصيدته الشهيرة
في الشيخ (( ياسين )) واطفال الحجارة كان قد كتبها ونشرتها المختلف
قبل فترة تقارب الثلاث سنوات
اعيد نشرها اليوم لكم لعلها تعبر عن بعض مشاعرنا تجاه
الشيخ المجاهد والشهيد (( احمد ياسين ))[/ALIGN]





[poet font="Simplified Arabic,5,black,bold,normal" bkcolor="transparent" bkimage="backgrounds/6.gif" border="double,4,gray" type=2 line=200% align=center use=ex length=0 char="" num="0,black" filter=" glow(color=red,strength=1)"]

يا حلاوة صرختك . . والحر تكفيه الإشـاره
ما أنت في غزه وحيد . . الا معك عشرين دولـه

يا نهـارٍ كـل مالـه يسقـي الليـل المـراره
ما عليك من الفـوازيـر . . الفوازيـر محلولـه

البطل " يا شيخ ياسين " إن شكى التاريخ عـاره
قوم الدنيـا وطـش بهـا وراه . . وقـال قولـه

والبطولة تارةٍ تشرق ضحى . . وتغيب تـارة
يـا بطـل علمتنـا كيـف أبجديـات البطولـه

أنت لا من قلت " لا " صديت لك خمسين غاره
وأنت لا قلت " إيه " تشحن لك مية صوله وجوله

كل وسم بجلدك الصـوان طيـر لـه شـراره
يا شمـوخٍ تنحنـي لـك هامـة الدنيـا خجولـه

وإن حنت ظهرك كرابيجٍ تعز أسخف حضـاره
ما تذلك وأنـت شيـخٍ ممتلـي ديـن ورجولـه

بس حدثني حديـث المـاء لعشـاق الطهـاره
عن بلادٍ صار للجغرافيـا فيهـا ألـف صولـه

عن صمود مخيمـاتٍ تنشـد الفزعـه زيـاره
عن رجـالٍ لا خضـوع ولا نفـاق ولا عمولـه

عن جرادٍ سبب الرعب اسمه " أطفال الحجـاره"
القدر بالحرب عوضهـم . . مراجيـح الطفولـه

عن " عروسٍ" فجرت " عشرينها " لعيون حاره
واذكـروا سكانهـا أيـامٍ مـن الخنسـا وخولـه

عن هذيك القبـه آخـر حلمنـا وأول منـاره
بيلسانٍ . . عزه الله واحتضـن مسـرى رسولـه

عن حماس الرايح اللي كل ما ذعـذع سمـاره
لان وجه القاع واهتز البحـر عرضـه وطولـه

عن زغاريد البنادق . . هي تظاهر بالغـزاره
عن عصافير البيادر . . هـي تحلـق بالسهولـه

عن شبابيك اليد اللي حرمـت لمـس الستـاره
عن رغيفٍ من صباح اللـه قليـل اللـي ينولـه

عن سما الموال وأرض الدبكه ورقص العباره
والتفاصيـل الكثيـر وخطـوة الذهـن العجولـه

عن يسر مدري عسر مدري كسر مدري جباره
هدنـةٍ لعيـون عيـدٍ مادرينـا عـن حلـولـه

جيلنا مـل الجرايـد مـالقـى فيهـا بشـاره
وأكثر الأجراس خرسا والزمـن هـذي فعولـه

ما وعينا إلا على النكسـه ومـوال الخسـاره
نحسب اللي وسط بـال أجدادنـا نقـدر نطولـه

يا حرام . . الحر . أجل ما عاد تكفيه الإشـاره
وش ورا الخمسين عامٍ بعثـرت عشريـن دولـه


=شعر/ ناصر القحطاني

[/poet]
[/ALIGN]