[[ تــحــلــيــل مــبــاراة مـيــلان X ديـبـورتــيــفــو ]]
 

[ALIGN=CENTER]هلا وغلا والله بالجميع ..

هذا تحليل بسيط لمباراة الذهاب بين ميلان وديبورتيفو .. ضمن بطولة التشامبيونز ليق في دور الـ 8 .. وهذا هو لقاء الذهاب والذي أقيم في ملعب السانسيرو ..

دخل ميلان بشتكيلة مكونه من .. ديدا في الحراسه وفي الدفاع مالديني وكوستاكورتا وكافو والظهير الأيسر نسيت أسمه :D << والله من زين المحلل :D .. وفي الوسط كلا من بيرلو وكاكا وسيدورف وقاتوزو والهجوم انزاغي وشفتشينكو ..
مثل فريق الضيف ديبورتيفو كلا من .. مولينا في الحراسه والدفاع نور الدين نيبت وادريانو وسكالوني والظهير الأيسر نسيت أسمه بعد :D << ما تلاحظون أنه ناسي كل اللي يلعبون ظهير أيسر :D ولا يقول محلل بعد :D .. والوسط دوشور ولوكيه وذاك البرازيلي اللي يعلب محور وش أسمه ؟؟ رقم 6 وهو كابتن الفريق [[ عاد عليكم أنكم تجيبون الأسم موب كل شئ علي أنا لا الدعوه قطيه :D ]] وفاريلون ولاعب نسيته واحد منكم يجيب أسمه لاهنتوا :D .. والهجوم برندياني ..

لعب الضيوف في أول الدقائق بحذر شديد خوفاً من تقدم ميلان بهدف مبكر قد يبعثر أوراقهم << تبطون عظم يا حقين كنفات :D .. المهم يوم صحتني الوالده من النوم وقالت يا وليدي قم ألحق على محاضراتك ترى ما عاد عندك وقت يالله يالله يمديك تلبس ثوبك وتوصل للجامعه قبل ما تبدأ المحاضره وبعد محاولات مضنيه من الوالده << ترى هالكلام الساعه 7 ومحاضرتي الساعه 10 تعرفون نومي خفيف بسم الله علي :D .. قلت لها وانا كلي نوم يا اميمتي اليوم الدكتور مهوب جاي قايل لنا من قبل انه يبي يغيب ولا هوب جاي اليوم << ياشين اللي وده يغيب ولا يدري وش يسوي :D قالت وبإستغراب شديد [[ هو :eek: ]] وشلون يغيب وهو عنده محاضره وانتم في وسط الترم قلت هو مشغول ولا هوب قادر يجي اليوم يالله في امان الله يا اميمتي خليني انام ترى عندي تحليل اليوم لمباراة ميلان وديبورتيفو :D قالت وبكل عطف الأمومه وبكل ما يحمله قلب أم وش تحليله الله يستر؟؟؟ فيك شئ يا وليدي عسى ما شر ؟؟ وش تشتكي منه ؟؟ قلت يا اميمتي الله يجزاتس كل خير مابي إلا العافيه بس هذا تحليل مباراة كورة مهوب تحليل مستشفى قالت ايه اشوى احسب بك شئ والا شئ .. قلت لا الله يجزاتس كل خير ما بي إلا كل عافيه قالت طيب كمل نومك .. وشوي الا اللي يدخل علي بالغرفه لينه الدكتور :eek: بسم الله وش جابك انت ؟؟ قال هالحين مهوب انا قايلك لا تغيب تراك تبي توصل للحرمان انت ووجهك :mad: قلت بسم الله انت الحين ملاحقني بكل عاير وين ما اروح القاك !! يالله يالله تحملناك بالجامعه يالشين تجي هنا وبغرفتي بعد :mad: << هالكلام ما جاء إلا لأنه بغرفتي ولا هوب قادر يسوي شئ :bluesky: .. وقال قم يالشين يالله انجز الحقن للقاعه قلت تبطي عظم اها بس هات البطانيه بس خل نكمل نومنا ابرك من مقابل وجهك يالشين .. قال قم بس قم :D وانا اللي اقوم وامحطه بالأرض محط .. ديني ولا دين احد يسحب البطانيه ويحلتها بالأرض :mad: واتوطى في بطنه توطي لين عظ الأرض قلت ناس ما تجي إلا بالعين الحمراء :D وما امداني بنسدح بالفراش ما دريت إلا هاك الشنطه اللي صافقتني مع علباي لين انسدحت صدز :D .. وشوي يوم فتحت عيوني اناظر ليني في الغرفه وما حولي أحد وأنا اللي أنزل لم اميمتي وأقول لها وين الدكتور الكلب وينه وين راح ؟؟ قالت وش دكتوره يا وليدي قلت اللي قبل شوي عندي بالغرفه قالت بسم الله عليك شكلك ما بعد صحيت من النوم .. وشوي يوم اقتنعت اني بالبيت والدكتور ما جاء لم بيتنا قلت ايه لو انه رجال يطلع لي :D << مهوب من قلبه يوم تأكد ان ما حولك أحد :D .. وانا اللي اقول ما تسوى علي الغياب بس خل نروح نحضر هالمحاضره ونفتك من شر هالمخنز الدكتور .. وما أمداني لبست ثيابي وطلعت إلا أميمتي تقول وين يا وليدي قلت بروح للجامعه قالت وش عندك مهوب وراك تحليل ولا زم تنام زين قلت إلا بس بروح اشوف الدكتور يبي يجي وإلا لا .. المهم مالكم بطول السالفه رحت لم الجامعه ووصلت هناك الساعه 8.30 وما امداني ادخل القاعه الا الساعه 10.05 كل هذا ادور لي موقف ولا بعد موقف فوق رصيف :sad: والا هالدكتور الشين يقول لي وش جابك وراك ما كملت نومتك !! قلت بسم الله شكلي صدز جايني بالبيت !! قلت لا والله يا دكتور اني من اليوم وانا ادور موقف وعجزت القى !! قال وش حيث ربعك واصلين بدري والا هم ما معهم سيارات قلت الا بس هم موقفين السيارات من أمس المغرب ويالله يالله لقوا موقف قريب بعد أقرب واحد حاجز موقف من امس المغرب والمسافه بينه وبين الكلية حدود 400 متر ولا وقفز حواجز بعد :D .. قال اها بس طس لم بيتكم وكمل نومتك !! قلت يا دكتور قال يالله بس فارق .. وانا اللي اطلع من الجامعه مكسور الجناحين والخاطر وحالة من الحزن العميق تنتابني وفي داخلي بركان من الحزن :cry: !! وصرت لا انا اللي نمت زي الناس ولا انا اللي دخلت المحاضره وبعد هذا الموقف قطعت عهداً على نفسي أني أبخيم عند الجامعه عساني الحق على المحاضرات :D .. وفي اول الدقائق هاجم لاعبو ميلان مرمى ديبورتيفو ولكن ليس بتلك الخطورة التي تذكر وفي اول ركنية للضيوف سجل برندياني هداف الديبورتيفو الهدف الأول في حالة من الإستغراب الشديد والصدمه العنيفه لكل محبي الميلان ولاعبيه وجمهوره الحاضر ..
فقلت بصوت ملي بالحزن ..
لماذا سترحلي ؟؟ لماذا ؟؟ دعينا نكمل ما بدأنا دعينا ..
فكم عشنا أيام سعيده وقطعنا عهودا متينه ..
وكم بنينا منازل رفيعه .. وتغلبنا على سعيد وسعيده :D ..
وكم انتي جميله .. وما اجمل من ان يجتمع جمال الشكل والروح .. يا لوح :D
قلت انا بإستغراب وش جاب هالكمله انا ما قلتها الا اثر اللي قايلها اخوي يوم دخل الغرفه يبين اقوم اودي اهلي .. قلت له وش تبي انت ياخي اطلع من حياتي خلني اكمل شغلي قال وش عنده نزار قباني قم بس انجز علينا ترى اهلي يحترونك قلت وليه ما توديهم انت قال فاضي لك انت ووجهك قم انت ما عندك لا شغل ولا مشغله مغير تفصخ ثيابك وتجلس بسروال السنه والفنيله العلاقيه<< هذا بالله شكل واحد يحب :D .. وتكتب من هالخرابيط منتب عاقل يالحبيب .. المهم انجز علي ودهم وتعال تراني ابي السياره سيارتي في الورشه وانا بروح لم الإستراحه قلت له وانا مكلف بك بعد تأخذ سيارتي وانا وشلون اطلع خل واحد من ربعك هالسلنتح يمرك قال انجز بس قلت طيب شف بشرط اني اروح معك قال اها بس هذا اللي ناقص عشان تفشلني قدام ربعي قلت اجل مش خشك اجيك << اخس يالقوي :D .. قال وشو ؟؟ قلت لا ولا شئ بس بروح معك الله يخليك ؟؟ قال طيب بس يالله ود اهلي .. وديت اهلي ورجعت لم البيت واخذت اخوي ورحت معه لإستراحتهم .. واول ما دخلت الا هاك الدخنه والثعوره معسل ودخان وبلوت ودش << بس الأخير ما يدخن عاقل :D .. قال اخوي يالله امسك هالرميوت اشغل نفسك بالدش تسودنا نفتك من بثارتك قلت طيب .. وانا اللي اقلب في القنوات ماش عجزت القى شئ يجوز لي وما دريت الا انا طاب بهاك القناة اللي يحبها قلبكم يا فيها شئ وماشيات :smilewink وانا اللي اتحمس واقرب ترمس الشاهي مني ما دريت الا ملقاط الشيشه بوسط جبهتي لينه اخوي يقول اشوفك اخذت وجه يالشين تسحب الترمس انت ووجهك بيالة وتخب عليك :mad: قلت طيب وانا اللي اجيب الفصفص واقعد اقشم بكل حماس واقول تسودنا نشوف مباراة حلوه عاد الميلان وديبورتيفو قمه بيني وبينكم وشوي عقب الصدمه اللي جت لجمهور ومحبي الميلان ولاعبيه قام لاعبو الميلان بضغط شديد على ديبورتيفو وضاعت أكثر من هجمه خطره لمهاجمي الميلان في ظل صمود خط دفاع الديبورتيفو ولكن هذا الصمود لم يدم كثيراً فكاكا حطم هذا الصمود في آخر دقيقة من الشوط الأول بهدف التعادل الأكثر من رائع بعدها بقليل صفر الحكم الروسي معلناً إنتهاء الشوط الأول وفي بداية الشوط الثاني سجل شفتشينكو هدف التقدم وبعدها بدقائق سجل كاكا الهدف الثالث وبعد ذلك أيضاً بدقائق سجل بيرلو الهدف الرابع من خطأ خارج منطقة الجزاء بشكل رائع .. بعدها أتسم اللعب بالهدوء .. إلى أن صفر الحكم معلناً نهاية المباراة بفوز الميلان 4/1 وسيكون لقاء الإياب في الريازور بعد أسبوعين .. وأول ما صفر الحكم ما دريت إلا اللي ساحبني من شوشتي يقول يالله مشينا للبيت ترى وراي باتسر دوام انت ووجهك اثره اخوي توه مخلص البلوت ومنهزم :D .. رحت للبيت ونمت وبس ..

المهم أحد يعرف الظهير الأيسر حق الميلان وحق ديبوتيفو ولاعب وسط ديبورتيفو ؟؟ تراي ناسيه :D !!

<<< يا شين اللي وده يكتب موضوع ولا يدري وشلون :( لا وأون لاين بعد :D يعني لا تدققون ;) [/ALIGN]

[ALIGN=CENTER]http:///alwakir55/up/uploading/vine01.gif


هلا والله "صدى الامس":)

و الله و انا اقرا العنوان .. شكيت اقول :( .. انا داخله " منتدىالرياضة العالمية" بالغلط :D

بانكارو<<< صدقت انك تبغي تعرف :D


MAURO SILVA <<< ابد ما سرقت الاسم من منتدى الرياضة العالمية :D

و الله فكره ... :bluesky:

لوو:Dووو:Dوو:Dل

الدكتور .. مره وحده :sleep: .. كثر منها :p


المفروض ... تستغل الفرصه :blueroll: كانت ما تتعوض :razz:.. لو كفخته بدال هالرمسه بيكون وايد احسن :D

مالك الا "RED BULL" .. بيعطيك جوانح :D << دعاية على الماشي :D

مشكــــــــور و يعطيك ألف عافيه على التحليل ..آآآآآآآآآآآسفه اقصد الموضوع :razz: اخوي صدى الامس:cool:

تحياتي لك :cool:
http:///alwakir55/up/uploading/vine01.gif[/ALIGN]

سلاااااااااااااااااااااااااااااااام

الله يمحط بك يالشين

من جد خميتني

نفس الشي صار لي - مثل ام كشه اللي فوق اماراتيه -
انا كنت في منتدى الجمهور ثم فتحت المجلس العام ورعصت ادراج موضوع ويوم كتبته وارسلته واشوف عنوان موضوعك - قلت شكلي نزلت موضوعي في منتدى الجمهور بالغلط؟؟؟!
واناظر باقي العناوين واناظر فوق واثاريني في العام
واناظر عنوان موضوعك وبرضه ما اقتنعت..... بس يوم شفتك اسمك قدام العنوان... عرفت ان البلا مهوب فيني ;)

نرجع لموضوعك يالداج

الحين من اللي فاز؟؟؟؟؟ التشامبيونز او السانسيرو ؟؟؟ وتحليلك ذا بين الشوطين او بين عشاوين؟؟؟
وبالنسبه للمواقف ...... طق لك لوحه مكتوب عليها "موقف خاص بعميد الكليه" وصكها وسط المواقف ....... وافلقني اذا احد صدقك :)

ثكلتك النعاااااااااااااج ايها الداااااااااااااااج


وسلااااااااااااااااااااااااااام

لا تعليق
على مثل من تصيبهم حالة ال.................... مايحتاج
تحياتي لك ياغالي:)

الـحـاتـمــي ..



مــر مـــن هــــنــــا ...


ويـقـول : لا عاد تكتب و انت مواصل يا صدى الدجّه :D:D:D

[ALIGN=CENTER]<== من يوم ما شاف الوقت اللي نزلت فيه الموضوع و هو غاسل يده !!

إقتباس:

مالك الا "RED BULL" .. بيعطيك جوانح :D << دعاية على الماشي

ما تدري عن ( البايسون ) !! :D

:D[/ALIGN]

مشكور على التحليل ولكنــــ ..
 

هلا اماراتيه ..

تصدقين نفس الشئ :D قلت يا ولد أنا أخبر أني منزل الموضوع في الرياضة العالمية مهوب هنا :D <<< الله يخلف بس :(

يعجبي اللي يصدق بسرعه :D
<< عاش مصرف والله انك من جد ما تدري منهو بس خل عنك :D

ترى المجلس العام يعلن أنه غير مسؤول عن هذا الحدث .. يعني لا يجنا بكره هلالي الجوف وMALINKO يطالبون بحقوقهم :D


بس مهوب مثل البايسون !! وإلا لا يا الحاتمي والأزرق العالي :D

وليش يعني هذا مهوب تحليل !!!
وش فرق الشتالي والطقه عني !!!
هم عيال 9 أشهر وأنا بعد ولد 9 أشهر :D !!!

يا هلا والله فيك ..

هلا والله وغلا ريفيلينو يالله انك تحييه .. هلا والله بعزوتنا وشايبنا :D

ومن يقول قل آمين :D

اي جمهور الله يحيك ويجزاك كل خير!!
الظاهر ميلان وديبورتيفو يلعبون بالدوري السعودي :D والله بدري عليهم وحتى بشريط داحم توتا ماتجي :D

يا بعدي والله اثري كلفت عليك كل شوي وأنت راقي ونازل تشوف العنوان والمنتدى وين هو بوه !!
معليش يا بعدي أحسب كل الأعضاء مثلي توهم في عنفوان الشباب ما دريت أن فيه ناس لا حقين على سنة السبله :D

اللي فاز الريازور وجاب هدفهم صمدو :D
تصدق أخاف يجي واحد من المستجدين ويبنشر السيارة يحسبها صدق حقت العميد :D

تحياتي لك يا خلفهم ..

هلا ابو مها ..

طيب يومك ما ودك تعلق ليش ترد :D:D:D
أي حالة !!! ترانا في المجلس العام :D :smilewink

إلا ما قلت لي موضوع تقديم لاتسيو ميلان أنت اللي كاتبه وإلا ناقله وإلا وش !!! تراك ما عطيتني خبر من هاك اليوم :D :smilewink :D :smilewink :D !!!!

تقبل تحيات المشرف المتغطرس :smilewink


برب للباقين :D

<<< يا شين اللي وده يرد ولا يدري وشلون :D
بس ابشرك انا اخف منك بواجد الله يعافيك ولا يبلانا ;)
وبصراحه حلوه مناقشة الماجستير مع الوالده الصبح :D
وتكفى حبة خشم لاخوك الكبير >> الا وش اخبار اخوك الكبير :smilewink

سهل ,, قل لصدى الدجه :D يسلم لي على اخوه الكبير :D

طيب اذا فاز ديبورتيفو في مباراة العودة 3 /0 مين يتأهل :sleep::sleep:

<< راد على العنوان :D:D



تحياتي لك يا صدى الدجة :D